లియో హాలీవుడ్ కనెక్షన్… ఓ క్లారిటీ వచ్చేసింది

ఇళయదళపతి విజయ్ హీరోగా లోకేష్ కనగరాజ్ దర్శకత్వంలో తెరకెక్కి ప్రేక్షకుల ముందుకి రాబోతున్న చిత్రం లియో. ఈ సినిమా ట్రైలర్ తాజాగా రిలీజ్ అయ్యింది. సినిమాపైన దేశ వ్యాప్తంగా భారీ హైప్ క్రియేట్ అయ్యింది. విజయ్ కెరియర్ లోనే హైయెస్ట్ బిజినెస్ లియో చిత్రంపై జరగడం విశేషం. ఏకంగా 500 కోట్ల వరకు నిర్మాతకి రిలీజ్ కి ముందే నాన్ థీయాట్రికల్, థీయాట్రికల్ రైట్స్ ద్వారా వచ్చేశాయి.

టేబుల్ ప్రాఫిట్ తో థియేటర్స్ లోకి వస్తోన్న ఈ సినిమాపై పాజిటివ్ బజ్ ఉన్న నేపథ్యంలో కచ్చితంగా మొదటి రోజు మంచి వసూళ్లు అందుకునే అవకాశం కనిపిస్తోంది. త్రిష ఈ చిత్రంలో విజయ్ కి జోడీగా నటించింది. సంజయ్ దత్, అర్జున్ సర్జా ప్రతినాయకులుగా కనిపిస్తున్నారు. ఇదిలా ఉంటే ఈ సినిమా గురించి కొద్ది రోజులుగా ఒక ప్రచారం సోషల్ మీడియాలో నడుస్తోంది.

ది హిస్టరీ ఆఫ్ వైలెన్స్ అనే మూవీని కాపీ కొట్టి లియో సినిమా చేసాడని విస్తృతంగా చర్చించుకుంటున్నారు. అందులోనే స్టొరీలైన్ తో పాటు చాలా సన్నివేశాలు లేపెసాడని విమర్శలు చేస్తున్నారు. రీమేక్ కథని ఏదో ఒరిజినల్ అన్నట్లు కలరింగ్ ఇస్తున్నాడు అంటూ విజయ్ యాంటీ ఫ్యాన్స్ అయితే ట్రోల్ చేస్తున్నారు. దీనిపై తాజాగా లియో చిత్రంలో విలన్ గ్యాంగ్ లో నటించిన యాక్టర్ ఆత్మ పాట్రిక్ స్పందించాడు.

లియో మూవీ ది హిస్టరీ ఆఫ్ వైలెన్స్ కి రీమేక్ అని కన్ఫర్మ్ చేశాడు. ఆ సినిమా హక్కులని లోకేష్ కొనుగోలు చేసి అధికారికంగానే రీమేక్ చేస్తున్నారని అన్నారు. అయితే మాతృకలో ఉండే మెయిన్ కథని తీసుకున్న లియో మూవీలో కంప్లీట్ గా లోకేష్ కనగరాజ్ ఇమాజినేషన్ ఉంటుందని అన్నారు. అతని విజయ్, విజువల్ ప్రెజెంటేషన్ లియో సినిమాకి అదనపు ఆకర్షణ అని అన్నారు.

లియో చిత్రంలో విజయ్ ని బెల్ట్ తో చంపే సన్నివేశం కాశ్మీర్ లో షూట్ చేస్తున్నప్పుడు అక్కడి చలికి తట్టుకోలేకపోయానని, భాగా వణికిపోవడం విజయ్ వచ్చి తనని గట్టిగా పట్టుకున్నారని పాట్రిక్ తెలిపారు. ఈ నటుడి ద్వారా ది హిస్టరీ ఆఫ్ వైలెన్స్ సినిమాకి రీమేక్ గానే లియో సినిమా తెరకెక్కింది అని కన్ఫర్మ్ అయిపోయింది.