అభిమానంతో చేయి కాల్చుకున్న వీరాభిమాని!

అభిమానం హ‌ద్దుల్లో ఉండాల‌ని స్టార్ హీరోలంతా ఎప్పుడూ చెబుతూనే ఉంటారు. త‌మ కార‌ణంగా అభిమా నుల‌కు ఎలాంటి హాని జ‌ర‌గ‌కూడ‌ద‌ని ప్ర‌తీ వేడుక‌లోనూ చెబుతుంటారు. కానీ వాటిని వినే వారు ఎంత మంది? ఆచ‌రించే వారు ఎంత మంది? హీరోలంతా ఎంత గొంతు చించుకున్నా వాళ్లు చేయాల్సినవి చేస్తూనే ఉంటారు. తాజాగా త‌ల‌ప‌తి విజ‌య్ పై అభిమానంతో ఓ అభిమానికి ఏకంగా ప్ర‌మాద‌శాత్తు చేయి కాలింది.

నిన్న‌టి రోజున విజ‌య్ 50వ పుట్టిన రోజు వేడుక‌ల్ని అభిమానులంతా గ్రాండ్ గా సెల‌బ్రేట్ చేసుకున్న సంగ‌తి తెలిసిందే. విజ‌య్ ఫ్యాన్స్ అసోసియేష‌న్ అధ్య‌క్షుడు ఈసీఆర శ‌ర‌వ‌ణ‌న్ అభిమానుల కోసం ఓ ట్రికీ షో ఏర్పాటు చేసాడు. ఓ ఫంక్ష‌న్ హాలులో ఈ కార్య‌క్ర‌మం జ‌రిగింది. ఆ కార్య‌క్ర‌మానికి భారీ ఎత్తున అభిమానులు హాజ‌ర‌య్యారు. దీంతో ఓ యువ‌కుడు కిరోసిన్ తో స్టంట్ చేసాడు.

చేతిపై కిరోసిన్ పోసుకుని దానికి నిప్పు అంటించుకుని టైల్స్ ని ప‌గ‌ల‌గొట్టే ప్ర‌య‌త్నం చేసాడు. కిర‌స‌నాయిల్ పోసుకుని చేతికి బాగానే నిప్పు అంటించుకున్నాడు. ఆ త‌ర్వాత ఎంతో ఉత్సాహంతో టైల్స్ ని బాగానే ప‌గ‌ల‌గొట్టాడు. దీంతో చుట్టూ ఉన్న వారంతా హీరో హీరో అంటూ పొగిడేసారు. అత‌డు ఎంతో సంతోష‌ప‌డ్డాడు. కానీ ఇంత‌లో ఏం జ‌రిగిందంటే? ఆప్రాస‌స్ పూర్త‌యిన త‌ర్వాత చేతికి ఉన్న మంట‌లు ఆర్పే ప్ర‌య‌త్నం చేసాడు.

కానీ అవి ఆరిపోక పోగా ఇంకా ద‌ట్టంగా అంట్టుకోవ‌డం మొద‌లైంది. ఇది కూడా కూడా స్టంట్ అనుకున్నారంతా కాసేపు. కానీ ఆ త‌ర్వాత కేక‌లు వేయ‌డంతో సీన్ అర్ద‌మైంది. దీంతో చుట్టు ప‌క్క‌ల వారంతా స్పందించి ఆ మంట‌లు ఆర్పారు. కానీ అప్ప‌టికే చేయి మొత్తం కాలిపోయింది. వెంట‌నే అంబులెన్స్ పిలిపించి హుటాహుటిన ఆసుప‌త్రికి త‌ర‌లించారు. ఈ ఘ‌ట‌న‌పై విజ‌య్ స్పందించాల్సి ఉంది.