వెయ్యి కోట్ల మూవీ పాటకు కాపీ మరక...!

తమిళ్ సినీ ప్రేమికులు మాత్రమే కాకుండా తెలుగు, హిందీ ఇతర భాషల ప్రేక్షకులు ఎంతో ఆసక్తిగా ఎదురు చూస్తున్న చిత్రం 'లియో'. పాన్ ఇండియా రేంజ్ లో భారీ అంచనాలున్న ఈ సినిమాను దసరా కానుకగా అక్టోబర్ 19న ప్రేక్షకుల ముందుకు తీసుకు వచ్చేందుకు ఏర్పాట్లు జరుగుతున్నాయి.

ఈ సినిమాకు లోకేష్ కనగరాజ్ దర్శకత్వం వహించిన కారణంగా అంచనాలు ఆకాశమే హద్దు అన్నట్లుగా ఉన్నాయి. లోకేష్ గత చిత్రం విక్రమ్‌ ఏ రేంజ్ లో విజయాన్ని సొంతం చేసుకుందో ప్రత్యేకంగా చెప్పనక్కర్లేదు. అంతకు ముందు వచ్చిన లోకేష్‌ సినిమాలు కూడా సెన్షేషనల్ సక్సెస్ ను దక్కించుకున్న విషయం తెల్సిందే.

అందుకే లియో సినిమా ఈజీగా వెయ్యి కోట్ల వసూళ్లు నమోదు చేస్తుంది అంటూ విజయ్ అభిమానులు చాలా నమ్మకంగా కనిపిస్తున్నారు. లోకేష్ కనగరాజ్ దర్శకత్వంకు తోడు అనిరుధ్ అందిస్తున్న సంగీతం కూడా సినిమా స్థాయిని మరింతగా పెంచుతుంది అంటూ అంతా చాలా నమ్మకంగా ఉన్నారు. ఇలాంటి సమయంలో అనూహ్యంగా కాపీ మరక తో లియో సినిమా కి చెడ్డ పేరు వచ్చింది.

అసలు విషయం ఏంటి అంటే లియో సినిమాకు సంబంధించిన రెండో సింగిల్ ను విడుదల చేయబోతున్నారు. అందుకు సంబంధించిన ప్రోమో విడుదల అయింది. ప్రోమో లో పాటను చూస్తూ ఉంటే ఇది క్వెంటిన్‌ టరాన్టినో కి చెందిన కిల్ బిల్ నుంచి కాపీ చేసినట్లుగా అనిపిస్తుందని చాలా మంది విజయ్ అభిమానులు కూడా సోషల్ మీడియా ద్వారా అనిరుధ్‌ ను ఉద్దేశించి విమర్శలు చేస్తున్నారు.

ఒక వైపు వెయ్యి కోట్ల రూపాయల సినిమా అంటూ లియో ని అభిమానులు ఆకాశంకు లేపుతూ ఉంటే ఇలా కాపీ సాంగ్స్ తో ఉసూరుమనిపించడం ఎంత వరకు కరెక్ట్ అంటూ కొందరు నెటిజన్స్ కామెంట్స్ చేస్తున్నారు. విజయ్, అనిరుధ్‌ ఇతర యూనిట్ సభ్యులు ఎవరు కూడా ఇప్పటి వరకు లియో పాట కాపీ గురించి స్పందించలేదు. అనిరుధ్‌ స్పందన ఏంటా అంటూ అంతా ఆసక్తిగా ఎదురు చూస్తున్నారు.