లియో × విక్రమ్.. ఇది క్లియర్!
లోకేష్ కనగరాజ్ దర్శకత్వంలో ఇళయదళపతి విజయ్ హీరోగా వస్తోన్న మూవీ లియో.
By: Tupaki Desk | 8 Oct 2023 3:55 AM GMT
లోకేష్ కనగరాజ్ దర్శకత్వంలో ఇళయదళపతి విజయ్ హీరోగా వస్తోన్న మూవీ లియో. భారీ బడ్జెట్ తో పాన్ ఇండియా ప్రాజెక్ట్ గా ఈ చిత్రాన్ని ఆవిష్కరించే ప్రయత్నం చేస్తున్నారు. విజయ్ కెరియర్ లోనే హైయెస్ట్ బిజినెస్ ఈ చిత్రానికి జరిగింది. మూవీలో సంజయ్ దత్ పవర్ ఫుల్ ప్రతినాయకుడిగా కనిపిస్తున్నారు. యాక్షన్ కింగ్ అర్జున్ కూడా ఒక విలన్ గా ఉన్నారు. రీసెంట్ గా రిలీజ్ అయిన ట్రైలర్ రికార్డ్ స్థాయిలో వ్యూస్ సొంతం చేసుకుంది.
దీనిని బట్టి మూవీపైన ఫ్యాన్స్ ఎంత ఆసక్తిగా ఎదురుచూస్తున్నారో అర్ధం చేసుకోవచ్చు. ఈ సినిమాలో హీరోయిన్ గా త్రిష కనిపిస్తోంది. విజయ్ కి జోడీగా త్రిష ఈ చిత్రంలో నటించింది. ప్రియా ఆనంద్ ఓ కీలక పాత్రలో కనిపించబోతోంది. లియో ట్రైలర్ పై దళపతి ఫ్యాన్స్ అంత సంతృప్తికరంగా లేకపోయిన మూవీ కచ్చితంగా హిట్ అవుతుందనే నమ్మకంతో ఉన్నారు.
విజయ్ కెరియర్ లో బెస్ట్ మూవీస్ లో లియో కూడా ఒకటిగా మారుతుందని ఎక్స్ పెక్ట్ చేస్తున్నారు. ఇదిలా ఉంటే తాజాగా కోలీవుడ్ సర్కిల్ లో లియో సినిమా ట్రైలర్ లోనే చాలా సీక్వెన్స్ కమల్ హాసన్ విక్రమ్ మూవీని పోలి ఉన్నాయని చెబుతూ ఒక వీడియో వైరల్ అవుతోంది.
కోలీవుడ్ ఫిలిం క్రిటిక్ ఈ వీడియోని షేర్ చేయగా విజయ్ యాంటీ ఫ్యాన్స్ అందరూ విక్రమ్ సినిమాలో ప్రతి సీన్ ని ఈ చిత్రంలో మక్కీకి మక్కీ దించేసినట్లు ఉన్నారని కామెంట్స్ చేస్తున్నారు. ఒకే దర్శకుడి నుంచి ఈ రెండు సినిమాలు వచ్చాయి కాబట్టి కొన్ని సినిమాటిక్ సీక్వెన్స్ ఒకేలా ఉండొచ్చు. అందులో తప్పేమీ లేదు కదా అని విజయ్ ఫ్యాన్స్ సపోర్ట్ గా కామెంట్స్ చేస్తున్నారు.
అసలు విజయ్ ని మీరు ఎందుకు ఇంతలా ద్వేషిస్తున్నారు అంటూ వీడియో షేర్ చేసిన క్రిటిక్ పై దళపతి ఫ్యాన్స్ విమర్శలు చేస్తున్నారు. సినిమాటిక్ సీక్వెన్స్, క్యారెక్టర్స్ ఒకేలా ఉన్న ఫైనల్ గా ఆడియన్స్ మాత్రం కథ నేరేషన్ నచ్చితేనే చూస్తారు. నచ్చకపోతే ఎన్ని కోట్లు పెట్టిన పట్టించుకోరనిచెప్పాలి.
