సంక్రాంతికి మరో బిగ్ హీరో

సంక్రాంతి సీజన్ అంటే తెలుగు రాష్ట్రాలలో అతి పెద్ద పండుగ అనే సంగతి తెలిసిందే. అందుకే స్టార్ హీరోలు అందరూ ఈ సీజన్ ని టార్గెట్ చేసుకొని తమ సినిమాలు రిలీజ్ చేస్తూ ఉంటారు. టాలీవుడ్ నుంచి సంక్రాంతి టార్గెట్ గా ఏకంగా అరడజను సినిమాల వరకు సిద్ధం అవుతున్నాయి. అందులో సూపర్ స్టార్ మహేష్ బాబు గుంటూరు కారం, వెంకటేష్ సైంధవ్, విజయ్ దేవరకొండ ఫ్యామిలీ స్టార్ సినిమాలు ఉన్నాయి.

అలాగే రవితేజ ఈగల్, ప్రశాంత్ వర్మ హనుమాన్ మూవీస్ కూడా డేట్స్ కన్ఫర్మ్ చేసుకొని ఉన్నాయి. కేవలం తెలుగు రాష్ట్రాలలోనే కాకుండా తమిళనాడులో కూడా పొగల్ సీజన్ చాలా స్పెషల్. ఈ ఏడాది పొగల్ ట్రీట్ గా అజిత్ తునివు. విజయ్ వారిసు సినిమాలు రిలీజ్ అయ్యి సక్సెస్ అందుకున్నాయి. వచ్చే ఏడాది పొంగల్ సీజన్ కి కోలీవుడ్ లో సినిమాలు సిద్ధం అవుతున్నాయి.

ఇప్పటికే శివ కార్తికేయన్ కొత్త మూవీ రిలీజ్ డేట్ ఎనౌన్స్ అయ్యింది. ఇప్పుడు పా రంజిత్ దర్శకత్వంలో చియాన్ విక్రమ్ హీరోగా తెరకెక్కుతోన్న తంగలాన్ మూవీ రిలీజ్ కి రెడీ అవుతోంది. ఈ విషయాన్ని చిత్ర యూనిట్ అఫీషియల్ గా కన్ఫర్మ్ చేయకపోయిన ఇప్పటికే డేట్ ఫిక్స్ చేసినట్లు తెలుస్తోంది. ఈ సినిమాలో చియాన్ విక్రం డిఫరెంట్ గెటప్ లో కనిపిస్తున్నాడు.

తంగలాన్ అనే ట్రైబల్ తెగకి చెందిన వ్యక్తిగా ఈ చిత్రంలో విక్రమ్ కనిపిస్తున్నాడు. సినిమాలో మెజారిటీగా అతను మాసిన గడ్డం, గోచీతోనే కనిపించనున్నాడు. యాక్షన్ బ్యాక్ డ్రాప్ లో పీరియాడికల్ జోనర్ లో ఈ మూవీ తెరకెక్కుతోంది. పాన్ ఇండియా సినిమాగా పా రంజిత్ ఈ చిత్రాన్ని సిల్వర్ స్క్రీన్ పై ఆవిష్కరిస్తున్నారు.

మాళవిక మోహనన్ ఈ సినిమాలో హీరోయిన్ గా నటిస్తోంది. ఆమె లుక్, ఆహార్యం కూడా చాలా డిఫరెంట్ గా ఉండబోతోంది. ఇది వరకు ఎన్నడూ చూడని సరికొత్త కథతో తంగలాన్ ని పా రంజిత్ ఆడియన్స్ ని చూపించబోతున్నారు. మరి ఈ మూవీ ఎలాంటి ఆదరణ సొంతం చేసుకుంటుంది అనేది వేచి చూడాలి.