విక్రమ్.. మళ్ళీ అదే దెబ్బ

చియాన్ విక్రమ్ హీరోగా చేస్తోన్న మరో విభిన్న కథా చిత్రం తంగలాన్. పా రంజిత్ దర్శకత్వంలో ఈ సినిమా తెరకెక్కుతోంది. పాన్ ఇండియా రేంజ్ లో భారీ బడ్జెట్ తో రెడీ అవుతోన్న ఈ సినిమా కొలార్డ్ గోల్డ్ ఫీల్డ్ లో జరిగిన రియల్ సంఘటనల స్ఫూర్తితో సిల్వర్ స్క్రీన్ పై ఆవిష్కరించారు. తంగలాన్ అనే ఒక కమ్యూనిటీ తన ఉనికి కోసం చేసిన పోరాటమే ఈ చిత్రంగా ఉండబోతున్నట్లు తెలుస్తోంది.

ఇదిలా ఉంటే ఇప్పటికే మూవీ నుంచి వచ్చిన టీజర్ సినిమాపై క్యూరియాసిటీ పెంచింది. మూవీలో విక్రం బక్కపలచగా ఒంటిపైన ఎలాంటి డ్రెస్ లేకుండా కేవలం చిన్న గోచితోనే కనిపించాడు. మూవీ మొత్తం అతని పాత్ర అలాగే ఉంటుందంట. ఒక అడవిజాతికి చెందినవాడిగా విక్రమ్ కనిపిస్తున్నాడు. సినిమాలో అతని పాత్రకి ఎలాంటి డైలాగ్స్ లేవని ఇప్పటికే క్లారిటీ ఇచ్చారు.

శివపుత్రుడు సినిమాలో విక్రమ్ విభిన్న పాత్రలో నటించిన అక్కడక్కడ కొన్ని డైలాగ్స్ ఉంటాయి. అయితే తంగలాన్ లో మాత్రం అస్సలు సంభాషణలు లేకుండానే పా రంజిత్ ఆ పాత్రని బలమైన హీరోయిజంతో డిజైన్ చేసారు. ఇదిలా ఉంటే ఈ సినిమాని జనవరి 26న సౌత్ భాషలతో పాటు హిందీలో భారీ ఎత్తున రిలీజ్ చేయాలని డేట్ కూడా ఫిక్స్ చేశారు.

అయితే అనూహ్యంగా ఇప్పుడు రిలీజ్ వాయిదా వేసే ఆలోచనలో మేకర్స్ ఉన్నట్లు తెలుస్తోంది. పోస్ట్ ప్రొడక్షన్ వర్క్ ఇంకా పూర్తి కాకపోవడంతో పెర్ఫెక్షన్ కోసం మరింత టైం తీసుకోవాలని రంజిత్ అనుకుంటున్నారంట. ఈ కారణంగా మూవీ రిలీజ్ ని వచ్చే ఏడాది వేసవి సీజన్ ని పోస్ట్ పోన్ చేస్తున్నట్లు టాక్ వినిపిస్తోంది.

అయితే దీనిపై మేకర్స్ అధికారికంగా ఇంకా స్పందించలేదు. కాని త్వరలో క్లారిటీ ఇచ్చే అవకాశం ఉందని కోలీవుడ్ సర్కిల్ లో వినిపిస్తోంది. పొన్నియన్ సెల్వన్ మూవీ తర్వాత విక్రమ్ చేస్తోన్న సినిమా ఇదే కావడంతో తమిళనాట భారీ హైప్ నెలకొని ఉంది. దానిని అందుకోవడం కోసం, విజువల్ ఎఫెక్ట్స్ మరింత బెటర్ మెంట్ చేయడం కోసం పా రంజిత్ మూవీ వాయిదా వేస్తున్నారని టాక్.