8 ఏళ్లు డేటింగ్ తర్వాత పెళ్లి !

ఏ నటుడికైనా సరే తాము చేస్తున్న పనిలో సరైన గుర్తింపు వచ్చినప్పుడే చేస్తున్న పనిలో సంతృప్తి చెందుతాడు. ఐతే సినిమా నటుల విషయంలో అది అంత తేలికగా రాదు. సినిమా హిట్ అయినా సరే తాము చేసిన పాత్ర గురించి అందరు మాట్లాడుకునేలా చేయడమే అసలు సక్సెస్ అని చెప్పొచ్చు. బాలీవుడ్ లో ఇన్నాళ్లు సినిమాలు చేస్తున్నా ట్వెల్త్ ఫెయిల్ సినిమాతోనే మంచి ఐడెంటిటీ తెచ్చుకున్నాడు విక్ల్రాంత్ మస్సే. ట్వెల్త్ ఫెయిల్ సినిమాలో అతని నటన ఆకట్టుకుంది. అప్పటి వరకు విక్రాంత్ కెరీర్ ఒకళా ఉంటే ఆఫ్టర్ ట్వెల్త్ ఫెయిల్ నెక్స్ట్ లెవెల్ కి వెళ్లింది.

ట్వెల్త్ ఫెయిల్ సౌత్ ఆడియన్స్ ని మెప్పించడం తో విక్రాంత్ కు సౌత్ ఆడియన్స్ నుంచి ఫ్యాన్స్ ఏర్పడ్డారు. ట్వెల్త్ ఫెయిల్ తర్వాత విక్రాంత్ మస్సే నటించిన సినిమా ఫిర్ ఆయూ హసీనా దిల్ రుబా లో నటించాడు. ఈ సినిమా రిలీజ్ సందర్భంగా ప్రమోషన్స్ లో పాల్గొన్నాడు విక్రాంత్ మస్సే. అందులో తన కెరీర్ గురించి ఇంకా పర్సనల్ లైఫ్ గురించి ఆసక్తికరమైన విషయాలను వెల్లడించాడు. ఇక పర్సనల్ లైఫ్ గురించి చెప్పిన విక్రాంత్ తన భార శ్రీతల్ తో కొన్నేళ్లు సహజీవనం చేశాకే పెళ్లి చేసుకున్నానని అన్నారు.

తల్లి సలహా మేరకు విక్రాంత్ పెళ్లికి ముందే సహజీవనం చేశానని చెప్పి షాక్ ఇచ్చారు. కామన్ ఫ్రెండ్ ద్వారా శీతల్ పరిచయం కాగా ఆ తర్వాత మంచి స్నేహితులమయ్యాము. ఆ తర్వాత మా మధ్య బంధం ఏర్పడింది. ఆమెను నా లైఫ్ పార్ట్ నర్ చేసుకోవాలని అనిపించింది. ఐతే పెళ్లి చేసుకోవడానికి ముందు దాదాపు 8 ఏళ్లుగా మేము కలిసి ఉన్నా. అన్నేళ్లు సహజీవనం చేయడం అందరికీ వర్క్ అవుట్ అవుతుందో లేదో తెలియదు ఐతే మేము కలిసి ఉన్న టైం లో మా బంధం బలపడిందని.. పెళ్లికి ముందు సహజీవనం మాకు చాలా ఉపయోగపడిందని విక్రాంత్ అన్నారు.

ఐతే విక్రాంత్ కి కుదిరినట్టుగా అందరికీ కుదురుతుందో లేదో కానీ అన్నేళ్లు కలిసి ఉండి ఆ తర్వాత పెళ్లి చేసుకున్నారు అంటే వారి రిలేషన్ ఎంత స్ట్రాంగ్ అన్నది అర్థమవుతుంది. విక్రాంత్ ఇప్పుడిప్పుడే బిజీ ఆర్టిస్ట్ గా మారుతున్నాడు. ప్రస్తుతం రిలీజ్ కాబోతున్న ఫిర్ ఆయూ హసీనా దిల్ రుబా సినిమా తో మరో సక్సెస్ అందుకోవాలని చూస్తున్నారు. ఈ సినిమాను జయప్రద్ దేశాయ్ డైరెక్ట్ చేశారు. ఈ సినిమా డైరెక్ట్ ఓటీటీ రిలీజ్ అవుతుంది.