ఫోటోషూట్లు స‌రే.. పెళ్లెప్పుడు? వ‌రుణ్ తేజ్ హీరోయిన్‌కి ప్ర‌శ్న‌!!

విమ‌లారామ‌న్ ప‌రిచ‌యం అవ‌స‌రం లేదు. టాలీవుడ్ లో ప్రేమ‌క‌థా చిత్రాల్లో న‌టించిన ఈ బ్యూటీ..వ‌రుణ్ సందేశ్, త‌రుణ్ లాంటి హీరోల‌తో హిట్లు అందుకుంది. త‌న‌దైన అందం ప్ర‌తిభ‌తో ఆక‌ట్టుకున్న విమ‌లారామ‌న్ వ‌రుణ్ తేజ్ `గాండీవ‌ధారి అర్జున‌`లో మ్యారీడ్ గాళ్ పాత్ర‌లో న‌టించిన సంగ‌తి తెలిసిందే.

అప్ప‌టికే ప్రముఖ న‌టుడు కం మోడ‌ల్ తో డేటింగ్ లో ఉన్న విమ‌లారామ‌న్ త‌న‌కు స‌రిప‌డే పాత్ర‌ను ఎంచుకుంద‌ని అభిమానులు భావించారు. తెలుగు, త‌మిళంలో క‌థానాయిక‌గా ఓ వెలుగు వెలిగిన‌ విమలా రామన్, విలన్ పాత్రలతో పాపుల‌రైన‌ తమిళ నటుడు వినయ్ రాయ్‌తో రిలేషన్‌షిప్‌లో ఉన్నార‌ని మీడియాలో క‌థ‌నాలొచ్చాయి. ఈ జంట స్నేహం ప్రేమాయ‌ణం గురించి పుకార్లు ఉన్నాయి. వారు కొంతకాలంగా కలిసి జీవిస్తున్నారు. వీరి రిలేషన్‌షిప్‌పై పుకార్లు షికారు చేస్తున్నాయి. ఇటీవ‌లే ఈ విష‌యాన్ని ఈ జంట అధికారికంగా ధృవీకరించారు. చాలా మంది వివాహిత సెలబ్రిటీ జంటల మాదిరిగానే ఈ జోడీ కలిసి `వివి` (విమల -వినయ్‌) పేరుతో సోష‌ల్ మీడియాలో వ‌రుస‌గా ఫోటోషూ్ల‌ను షేర్ చేస్తున్నారు.

తమిళ చిత్రాలలో విలన్ పాత్రలకు ప్రసిద్ధి చెందిన నటుడు వినయ్ రాయ్‌తో విమ‌లా లేటెస్ట్ రొమాంటిక్ ఫోటోషూట్ నుండి ఫోటోలను ఇన్ స్టాలో షేర్ చేసింది. VV (VimalaVinay) పేరుతో ప్రత్యేక ఫోటోషూట్ సిరీస్ నుండి ఫోటోలను షేర్ చేయ‌గా అవి వైర‌ల్ గా దూసుకెళుతున్నాయి. ఈసారి స్టైలిష్ ఫోటోషూట్ లో బ్లాక్ థీమ్డ్ డ్రెస్ లో ఈ జంట స్మార్ట్ గా క‌నిపించారు. తాజా ఫోటోషూట్ వారి న‌డుమ సాన్నిహిత్యాన్ని సూచిస్తోంద‌ని అభిమానులు కామెంట్ చేస్తున్నారు. డేటింగ్ అధికారికం.. కానీ పెళ్లెప్పుడో చెప్ప‌లేదు అంటూ అభిమానులు దీనిపై వ్యాఖ్యానిస్తున్నారు.

విమల తెలుగులో గాయం 2, ఎవరైనా ఎప్పుడైనా, చుక్కలాంటి అమ్మాయి చక్కనైన అబ్బాయి వంటి చిత్రాలలో నటించింది. ముఖ్యంగా వినయ్ రాయ్ - విమలా రామన్ వరుణ్ తేజ్ చిత్రం `గాండీవధారి అర్జున`లో పెళ్ల‌యిన‌ జంటగా న‌టించారు. వారి ఆన్-స్క్రీన్ కెమిస్ట్రీ.. ఆఫ్ ది స్క్రీన్ కెమిస్ట్రీ రెండూ మ్యాచ్ అయ్యాయని ఫ్యాన్స్ భావించారు.