బాలయ్య ఆఫర్.. విశ్వక్ ఎందుకు రిజెక్ట్ చేశాడంటే..

టాలీవుడ్ టాలెంటెడ్ యువ హీరో విశ్వక్ సేన్ గామి సినిమాతో ప్రేక్షకుల ముందుకు రాబోతున్న విషయం తెలిసిందే. మార్చి 8న ప్రపంచవ్యాప్తంగా విడుదల కాబోతున్న ఈ సినిమాపై పాజిటివ్ వైబ్రేషన్స్ క్రియేట్ అయ్యాయి. ఎందుకంటే గతంలో ఎప్పుడు లేనివిధంగా విశ్వక్ ఇందులో ఒక అఘోర పాత్రలో కనిపించబోతున్నాడు.

మానవ స్పర్శ తట్టుకోలేని ఒక అంతు చిక్కని సమస్యతో బాధపడుతున్న అతను హిమాలయాలకు వెళ్లి తన సమస్యకు సమాధానం ఎలా వెతికాడు అనే కథ ఇందులో ఉండబోతోంది. ప్రమోషన్స్లో చాలా హడావిడిగా పాల్గొంటున్న విశ్వక్ సినిమా గురించి ఎన్నో రకాల విషయాలను చెబుతూ ఉన్నాడు. గ్రాఫిక్స్ కథనం సినిమాలో స్పెషల్ ఎట్రాక్షన్ గా ఉంటాయని అన్నాడు.

అంతే కాకుండా భవిష్యత్తు ప్రణాళికపై కూడా అతను ఒక క్లారిటీతో ఉన్నాడు. ఇక రాబోయే ప్రాజెక్టుల గురించి కూడా స్పందించాడు. అయితే ఒక స్టార్ హీరో సినిమాలో అతనికి గెస్ట్ గా ఒక పాత్ర చేసే ఆఫర్ వచ్చినప్పటికీ కూడా రిజెక్ట్ చేశాడు. అయితే మొదట విశ్వక్ అది ఏ హీరో సినిమా అనే విషయం చెప్పకపోయినాప్పటికీ బాలకృష్ణ సినిమా అని అందరికీ అర్థమైపోయింది.

నిజానికి విశ్వక్ కి ఆ హీరోతో చేయడానికి ఎలాంటి ఇబ్బంది లేదట. కాకపోతే తనకు ఆ హీరో చాలా ఇష్టం కావడంతో అంతకంటే మంచి పాత్ర చేయాలని డిసైడ్ అయ్యాడట. బాబీ దర్శకత్వంలో బాలకృష్ణ చేస్తున్న సినిమా కోసమే మొదట విశ్వక్ సేన్ ని అడిగారు. అయితే అందులో కేవలం కొన్ని నిమిషాల క్యామియో పాత్ర కావడంతో విశ్వక్ చేయడానికి ఒప్పుకోలేదు. ఇంకా మరింత నిడివి కలిగిన పాత్రతో బాలయ్యతో కలిసి స్క్రీన్ షేర్ చేసుకోవాలి అనే విశ్వక్ అనుకుంటున్నాడు.

బాలకృష్ణ అంటే కూడా విశ్వక్ కు చాలా అభిమానం. అందుకే మొదట ఆయనతో చేసే సినిమా ఎప్పటికీ గుర్తుండి పోవాలి అని అతను ఆలోచించాడు. ఇక ప్రస్తుతం విశ్వక్ చేతిలో చాలా డిఫరెంట్ సినిమాలో అయితే ఉన్నాయి. ఇక అందులో గ్యాంగ్స్ ఆఫ్ గోదావరి సినిమా కూడా ఒకటి. ఈ సినిమా కూడా చాలా డిఫరెంట్ గా ఉండబోతున్నట్లు తెలుస్తోంది. అలాగే మరో రెండు ప్రాజెక్టులు కూడా చర్చల దశలో ఉన్నాయి వాటిపై కూడా విశ్వక్ త్వరలోనే క్లారిటీ ఇవ్వబోతున్నాడు.