అటు మీనాక్షి.. ఇటు శ్రద్ధ.. విశ్వక్ క్రేజీ గేమ్!!

టాలీవుడ్ యంగ్ హీరో- మాస్ కా దాస్ విశ్వక్ సేన్, హీరోయిన్స్ మీనాక్షి చౌదరి, శ్రద్ధ శ్రీనాథ్ నటించిన అవైటెడ్ ప్రాజెక్ట్ మెకానిక్ రాకీ. కొత్త డైరెక్టర్ రవితేజ ముళ్ళపూడి దర్శకత్వం వహించిన ఆ సినిమా.. మరికొన్ని గంటల్లో థియేటర్లలో రిలీజ్ కానుంది. దీంతో సినిమా కోసం విశ్వక్ సేన్ ఫ్యాన్స్ తో పాటు మూవీ లవర్స్ ను ఎంతగానో ఎదురు చూస్తున్నారు.

అయితే సినిమాను హీరో హీరోయిన్స్ తో పాటు మూవీ టీమ్ అంతా ఓ రేంజ్ లో ప్రమోట్ చేసింది. సినిమాపై మంచి బజ్ క్రియేట్ చేసింది. క్రేజీ సాలిడ్ యాక్షన్ ఎంటర్టైనర్ గా మూవీ సందడి చేయనున్నట్లు క్లారిటీ ఇచ్చేసింది. విశ్వక్ సేన్.. అనేక ఇంటర్వ్యూలు ఇచ్చారు. సినిమా కోసం ఇంట్రెస్టింగ్ విషయాలను షేర్ చేసుకుని హైప్ క్రియేట్ చేశారు.

విశ్వక్ తో పాటు హీరోయిన్స్ మీనాక్షి, శ్రద్ధ కూడా అంతే రీతిలో సందడి చేశారు. అనేక ఇంటర్వ్యూలు ఇచ్చి వరుసగా ప్రమోషనల్ ఈవెంట్స్ లో పాల్గొన్నారు. సినిమాలో చాలా ట్విస్టులు ఉన్నాయని చెప్పి హైప్ నెలకొల్పారు. ఇప్పుడు సరదాగా విశ్వక్ సేన్ తో బ్లైండ్ ఫోల్డ్ గేమ్ (కళ్లకు గంతలు) ఆడుతూ కనిపించారు.

కళ్లకు గంతలు ఉండగా.. చేతిలో పిల్లోతో ఎవరో ఒకరిని టచ్ చేస్తే వాళ్లు ఔట్ అయినట్లే. అలా విశ్వక్, మీనాక్షి, శ్రద్ధ ఫుల్ గా ఆడుకుంటూ సందడి చేశారు. జోకులు వేసుకుంటూ క్రేజీగా ఎంజాయ్ చేశారు. మీనాక్షి తెలివిగా ఆడిన మూమెంట్స్ స్పెషల్ అట్రాక్షన్ గా నిలిచాయి. అందుకు సంబంధించిన వీడియోను సోషల్ మీడియాలో విశ్వక్ సేన్ షేర్ చేశారు.

దీంతో నెటిజన్లు ఫుల్ ఫన్నీగా స్పందిస్తున్నారు. లైక్స్ కొడుతూ రీ షేర్ చేస్తూ వీడియో వైరల్ చేస్తున్నారు. లాఫింగ్ సింబల్స్ ను కామెంట్స్ గా పెడుతున్నారు. ఇట్స్ రిలాక్సింగ్ టైమ్ అంటూ సందడి చేస్తున్నారు. అదే సమయంలో మెకానిక్ రాకీ హ్యాష్ ట్యాగ్ ను యాడ్ చేశారు విశ్వక్ సేన్. మూవీ టికెట్స్ ను బుక్ చేసుకోమని కోరారు!

ఇక మెకానిక్ రాకీ సినిమా విషయానికొస్తే.. వాస్తవిక సంఘటనల ఆధారంగా రూపొందిన మూవీని ఎస్ ఆర్ టీ ఎంటర్టైన్మెంట్స్ బ్యానర్ పై రామ్ తాళ్లూరి నిర్మించారు. జేక్స్ బిజోయ్ మ్యూజిక్ అందించారు. స్టార్ యాక్టర్ సునీల్ కీలక పాత్ర పోషించారు. మరి ఈ సినిమాతో విశ్వక్ సేన్ అండ్ కో ఎలాంటి హిట్ అందుకుంటారో వేచి చూడాలి.