దీపావళికి దమ్ము చూపించేందుకు వస్తున్నాడు..!

మాస్ కా దాస్ విశ్వక్ సేన్ ఈమధ్యనే గ్యాంగ్స్ ఆఫ్ గోదావరి సినిమాతో ప్రేక్షకుల ముందుకు వచ్చాడు. ఆ సినిమా సక్సెస్ జోష్ తో సెట్స్ మీద ఉన్న సినిమాలను పూర్తి చేసే పనుల్లో ఉన్నాడు విశ్వక్ సేన్. మాస్ కా దాస్ ప్రస్తుతం రెండు సినిమాలను చేస్తున్నాడు. అందులో ఒకటి లైలా కాగా మరోటి మెకానిక్ రాకీ. ఎస్.ఆర్.టీ ఎంటర్టైన్మెంట్స్ బ్యానర్ లో రవితేజ ముల్లపూడి మెకానిక్ రాకీ ని డైరెక్ట్ చేస్తున్నారు. ఈ సినిమాలో విశ్వక్ సేన్ సరసన మీనాక్షి చౌదరి హీరోయిన్ గా నటిస్తుంది.

యాక్షన్ ఎంటర్టైనర్ గా రాబోతున్న మెకానిక్ రౌడీ నుంచి లేటెస్ట్ పోస్టర్ రిలీజ్ చేశారు. ఈ పోస్టర్ లో ఒక చేతిలో గన్ మరో చేతిలో రేంజ్ తో విశ్వక్ లుక్ అదిరిపోయింది. విశ్వక్ సేన్ లోని మాస్ యాంగిల్ ని మరో సరికొత్త కథతో మెకానిక్ రాకీగా ఆవిష్కరించబోతున్నారు. ఇక ఈ పోస్టర్ లో రిలీజ్ డేట్ ని కూడా రివీల్ చేశారు. అక్టోబర్ 31న మెకానిక్ రాకీ రిలీజ్ లాక్ చేశారు. అంటే దీపావళి రేసులో ఈ సినిమా రిలీజ్ కాబోతుంది.

మాస్ కా దాస్ విశ్వక్ సేన్ దీవాళికి తన సినిమాతో వచ్చేందుకు ఫిక్స్ అయ్యాడు. మెకానిక్ రౌడీ సినిమాకు జేక్స్ బిజోయ్ మ్యూజిక్ అందిస్తున్నారు. సినిమాకు మనోజ్ కాటసాని సినిమాటోగ్రఫీ చేస్తున్నారు. ఈ సినిమాను రామ్ తాళ్లూరి నిర్మిస్తుండగా సత్యం రాజేష్, విద్యా సాగర్ జె సహ నిర్మాతలుగా వ్యవహరిస్తున్నారు.

తన ప్రతి సినిమాను ఒక డిఫరెంట్ అటెంప్ట్ చేస్తూ మాస్ క్లాస్ అనే తేడా లేకుండా అన్ని వర్గాల ప్రేక్షకులను అలరిస్తున్న విశ్వక్ సేన్ మెకానిక్ రాకీతో తన మాస్ పొటెన్షియల్ చూపించాలని ఫిక్స్ అయ్యాడు. మరి ఈ మెకానిక్ రాకీ మాస్ మేనియా ఎలా ఉంటుందో చూడాలి. ఐతే ఈ సినిమా దీవాళికి రిలీజ్ ఫిక్స్ చేసుకోగా అదే డేట్ న చాలా సినిమాలు రిలీజ్ ప్లాన్ చేస్తున్నాయి. మరి వీటిలో ఏది ఉంటుంది ఏదో వాయిదా పడతాయన్నది తర్వాత తెలుస్తుంది.. ఐతే ఎవరొచ్చినా రాకపోయినా విశ్వక్ సేన్ మెకానిక్ రాకీ మాత్రం దీపావళికి వచ్చేందుకు ఫిక్స్ అయ్యాడు. ఈ సినిమాతో విశ్వక్ సేన్ ఈ ఇయర్ 3 సినిమాలను రిలీజ్ చేసినట్టు అవుతుంది.