గామి వరల్డ్ లో ఇంపార్టెంట్ వీళ్లే.. సో ఇంట్రెస్టింగ్

టాలీవుడ్ మాస్ కా దాస్ విశ్వక్ సేన్ నటిస్తున్న మోస్ట్ అవైటెడ్ మూవీస్‌ లో గామి ఒకటి. విద్యాధర్ డైరెక్షన్‌ లో కార్తీక్ శబరీష్ ఈ సినిమాను నిర్మిస్తున్నారు. నాలుగేళ్లుగా చిత్రీకరణ జరుపుకుంటున్న ఈ చిత్రం రిలీజ్ డేట్ ను ఇటీవలే మేకర్స్ ప్రకటించారు. శివరాత్రి కానుకగా మార్చి 8వ తేదీని విడుదల చేస్తున్నట్లు తెలిపారు. అయితే ఫస్ట్ లుక్ రిలీజ్ తో ఈ సినిమాపై అంచనాలు భారీ పెరిగాయి.

ఇక గామి మూవీ మేకింగ్ వీడియోతో మరింత బజ్ క్రియేట్ చేశారు మేకర్స్. సినిమాను కచ్చితంగా చూడాలన్నంతలా హైప్ సృష్టించారు. ఇప్పటి వరకు స్టైలిష్, మాస్ రోల్స్ లో కనిపించిన విశ్వక్ సేన్.. గామి మూవీలో వైవిధ్యమైన పాత్రలో సందడి చేయనున్నారు. అఘోర శంకర్ గా కనిపించనున్నారు. మానవ స్పర్శను అనుభవించలేని అరుదైన వ్యాధితో బాధపడుతున్న ఓ అఘోర ప్రయాణమే ఈ చిత్రమని తెలుస్తోంది.

తాజాగా గామి మూవీ మేకర్స్.. ప్రమోషన్ల స్పీడ్ పెంచారు. అందులో భాగంగా సినిమాలోని పాత్రలను శనివారం పరిచయం చేశారు. "గామి ప్రపంచంలోని పాత్రలను పరిచయం చేస్తున్నాం. ఫిబ్రవరి 29న థియేట్రికల్ ట్రైలర్ రానుంది. మార్చి 8న మూవీ ప్రపంచవ్యాప్తంగా గ్రాండ్ గా రిలీజ్ కానుంది" అని పోస్ట్ చేశారు. ప్రస్తుతం గామి కొత్త గ్లింప్స్ సోషల్ మీడియాలో వైరల్ గా మారింది.

'ఇదే నీ సమస్యకు పరిష్కారం' అంటూ విశ్వక్ సేన్ ప్రాబ్లమ్ కు నివారణ చెప్పే వాయిస్ ఓవర్ తో వీడియో ఎంతో ఇంట్రెస్టింగ్ గా ప్రారంభమైంది. వెంటనే నటీమణులు ఎంజీ అభినయ, హీరోయిన్ చాందినీ చౌదరిని పరిచయం చేశారు మేకర్స్. ఆ తర్వాత సినిమాలో మిగతా పాత్రలను ఇంట్రడ్యూస్ చేశారు. చివరగా విశ్వక్ సేన్ అఘోర శంకర్ గా పరిచయమయ్యారు. ఇవన్నీ దాటుకుని నా వల్ల అవుతుందంటారా అని విశ్వక్ చెప్పిన డైలాగ్ ఆసక్తి పెంచుతోంది. గ్లింప్స్ ఎండింగ్ లో విశ్వక్, చాందిని హిమాలయ పర్వతాలను ట్రెక్కింగ్ చేస్తున్నట్లు చూపించారు.

మొత్తానికి గ్లింప్స్ చాలా ఇంట్రెస్టింగ్ గా ఉందని నెటిజన్లు చెబుతున్నారు. సినిమా కోసం ఈగర్లీ వెయిటింగ్ అంటూ కామెంట్లు పెడుతున్నారు. సినిమా సూపర్ హిట్ అవ్వడం పక్కా అని అంటున్నారు. దర్శకుడు విద్యాధర్‌ గామి కోసం చాలా రీసెర్చ్‌ చేశారట. ప్రతి ఎలిమెంట్‌ ను లోతుగా అధ్యయనం చేసి రాసుకున్నారట. హిమాలయాలు, వారణాసి ప్రాంతాల్లో ఈ సినిమా షూట్ చేసినట్లు సమాచారం. కుంభమేళాలో కూడా షూటింగ్ చేశారట. మరి ఈ సినిమా రిజల్ట్ ఎలా ఉంటుందో చూాడాలి.