విశ్వంభర : నిన్న డాన్స్, నేడు ఫైట్‌..!
విజయ్ బిన్నీ కొరియోగ్రఫీ అందించిన పాట చిత్రీకరణ నిన్నటి తో పూర్తి అయ్యింది.
By: Tupaki Desk | 15 March 2024 8:01 AM GMT
మెగాస్టార్ చిరంజీవి హీరోగా త్రిష హీరోయిన్‌ గా బింబిసార దర్శకుడు వశిష్ఠ దర్శకత్వంలో రూపొందుతున్న విశ్వంభర సినిమా విడుదలకు ఇంకా చాలా సమయం ఉంది. అయితే షూటింగ్ మాత్రం బ్రేక్ లేకుండా స్పీడ్‌ గా సాగుతోంది. నిన్నటి వరకు ఫ్యామిలీ ఫంక్షన్ సాంగ్ చిత్రీకరణ జరిపారు.
విజయ్ బిన్నీ కొరియోగ్రఫీ అందించిన పాట చిత్రీకరణ నిన్నటి తో పూర్తి అయ్యింది. ఆ షెడ్యూల్‌ పూర్తి చేసి కనీసం ఒక్క రోజు కూడా గ్యాప్ తీసుకోకుండా చిత్ర యూనిట్‌ సభ్యులు నేటి నుంచి యాక్షన్ సన్నివేశాల చిత్రీకరణ కోసం ఏర్పాట్లు చేస్తున్నారట. భారీ యాక్షన్ సన్నివేశాల కోసం ప్రీ ప్రొడక్షన్ వర్క్‌ జరుగుతున్నట్లుగా సమాచారం అందుతోంది.
పాట చిత్రీకరణకు ముందు ఒక యాక్షన్ సన్నివేశాన్ని చిరంజీవి పై చిత్రీకరించిన విషయం తెల్సిందే. ఇప్పుడు మరో యాక్షన్ సన్నివేశం చిత్రీకరణ కోసం దర్శకుడు సిద్ధం అవుతున్నాడు. చూస్తుంటే ఈ సినిమాలో భారీ యాక్షన్ సన్నివేశాలు పుష్కలంగా ఉన్నాయని, చిరంజీవి మార్క్‌ యాక్షన్ చూడబోతున్నామని ఫ్యాన్స్ అంటున్నారు.
ఈ చిత్రంలో చిరంజీవి కి ఐదుగురు చెల్లెలు ఉంటారట. విభిన్నమైన సోషియో ఫాంటసీ కథాంశంతో ఈ సినిమా ను దర్శకుడు వశిష్ఠ రూపొందిస్తున్నాడు. భారీ స్టార్ కాస్టింగ్‌ తో రూపొందుతున్న ఈ సినిమా ను 2025 సంక్రాంతికి ప్రేక్షకుల ముందుకు తీసుకు రాబోతున్నట్లు ఇప్పటికే అధికారికంగా ప్రకటించారు.
