మెకానిక్ రాకీ.. విశ్వక్ ఇచ్చి పడేశాడుగా!

టాలీవుడ్ మాస్ కా దాస్ విశ్వక్ సేన్ ఈ ఏడాదిలో అప్పుడే రెండు చిత్రాలతో అలరించారు. మార్చిలో గామితో వచ్చిన విశ్వక్.. ఇటీవల గ్యాంగ్స్ ఆఫ్ గోదావరితో పలకరించారు. ఎవరూ చేయడానికి డేర్ చేయని అఘోర పాత్రలో గామిలో నటించి సినీ ప్రియులతో పాటు విమర్శకుల నుంచి కూడా ప్రశంసలు అందుకున్నారు. మంచి హిట్ ను తన ఖాతాలో వేసుకున్నారు. రీసెంట్ గా గ్యాంగ్స్ ఆఫ్ గోదావరిలో లంకల రత్నగా మెప్పించారు.

ఇప్పుడు తన అప్ కమింగ్ మూవీలపై దృష్టి పెట్టారు విశ్వక్ సేన్. ప్రస్తుతం మెకానిక్ రాకీ సినిమా షూటింగ్ లో పాల్గొంటున్నారు. ఈ చిత్రంతో రవితేజ ముళ్ళపూడి దర్శకుడిగా పరిచయం కానున్నారు. ఎస్ ఆర్ టీ ఎంటర్టైన్మెంట్స్ బ్యానర్ పై రామ్ తల్లూరి నిర్మిస్తున్న ఈ సినిమాకు జోక్స్ బిజోయ్ మ్యూజిక్ తో పాటు బ్యాక్ గ్రౌండ్ స్కోర్ అందిస్తున్నారు. ప్రస్తుతం తన ఫోకస్ అంతా విశ్వక్.. ఈ మూవీపైనే పెట్టడంతో షూటింగ్ శరవేగంగా జరుగుతున్నట్లు టాక్.

అయితే మెకానిక్ రాకీ మూవీ థియేట్రికల్ రైట్స్ డీల్ ఫిక్స్ అయినట్లు వార్తలు వచ్చాయి. ఏషియన్ సంస్థ.. ఈ మూవీ హక్కులను సొంతం చేసుకున్నట్లు టాక్ వినిపించింది. తెలుగు రాష్ట్రాలు, కర్ణాటక, తమిళనాడు కలిపి రూ.8 కోట్లకు నాన్ రిటర్న్ బుల్ అడ్వాన్స్ తో సురేష్ కొనుగోలు చేసినట్లు వార్తలు వైరల్ అయ్యాయి. దీంతో ఈ విషయంపై హీరో విశ్వక్ సేన్ సోషల్ మీడియాలో స్పందించారు. తనదైన శైలిలో రైట్స్ ఫిక్స్ అయినట్లు పెట్టిన పోస్ట్ కు కౌంటర్ ఇచ్చారు.

"డాంకీ ఎగ్ ఏం కాదు. విత్ జీఎస్టీ అంట (నవ్వుతూ) టీ షాప్ ముచ్చట్లు తీసుకొచ్చి ట్విట్టర్ లో పెట్టొద్దు ప్రియాజీ (పోస్ట్ పెట్టిన వ్యక్తి పేరు) మెకానిక్ రాకీ రైట్స్ ను మేము ఇంకా అమ్మలేదు. ముందు వాస్తవాలను సరిగ్గా తెలుసుకోండి. ఇది మేకర్స్ కెరీర్" అంటూ విశ్వక్ సేన్ ట్వీట్ చేశారు. ప్రస్తుతం విశ్వక్ ట్వీట్ నెట్టింట తెగ చక్కర్లు కొడుతోంది. అన్న ఇచ్చి పడేశాడుగా అని మాస్ కా దాస్ ఫ్యాన్స్ కామెంట్లు పెడుతున్నారు.

ఇక మేకర్స్ ఇప్పటికే షేర్ చేసిన పోస్టర్లతో మూవీపై మంచి బజ్ క్రియేట్ అయింది. విశ్వక్ బర్త్ డే సందర్భంగా రిలీజ్ చేసిన పోస్టర్ లో విశ్వక్ క్రేజీ గా కనిపించారు. చేతిలో రెంచ్, సిగరెట్ కాలుస్తూ ఆకట్టుకున్నారు. ఈ సినిమాలో విశ్వక్ తనలోని ఫన్ యాంగిల్‌ తో వినోదాన్ని పంచనున్నారని టాక్ నడుస్తోంది. త్వరలోనే ఈ మూవీ నుంచి స్పెషల్ అప్డేట్ రానుందని వినికిడి. మరి ఈ మూవీ ఎప్పుడు రిలీజ్ అవుతుందో చూడాలి.