OTT ఆడియన్స్ పై 'వ్యూహం' ఫలించింది..!

అక్కినేని ఫ్యామిలీ నుంచి ఒక సినిమా లేదా సీరీస్ వస్తుంది అంటే దానిపై ఆడియన్స్ లో ఆసక్తి ఉంటుంది. ముఖ్యంగా అన్నపూర్ణ బ్యానర్ నుంచి వచ్చే సినిమాలు ప్రేక్షకాదరణ పొందుతాయి. లేటెస్ట్ గా ఆ బ్యానర్ లో సుప్రియ యార్లగడ్డ నిర్మాతగా వచ్చిన వెబ్ సీరీస్ వ్యూహం. శశికాంత్ శ్రీవైష్ణవ్ పీసపాటి డైరెక్ట్ చేసిన ఈ సీరీస్ ఎనిమిది ఎపిసోడ్స్ తో రిలీజైంది. సస్పెన్స్ థ్రిల్లర్ గా వచ్చిన ఈ వెబ్ సీరీస్ లో చాలా పాత్రలు వాటి మధ్య కనెక్షన్స్ తో మంచి నేరేషన్ తో తెరకెక్కింది. సీరీస్ మొత్తం సీట్ ఎడ్జ్ ఎక్స్ పీరియన్స్ ఇస్తుంది.

ఈ సీరీస్ లో సాయి సుశాంత్ రెడ్డి పోలీస్ పాత్రలో నటించారు. సీరీస్ మొదటి ఎపిసోడ్ నుంచి అతని నటన ఆకట్టుకుంటుంది. సుశాంత్ నిజాయితీగా తన పర్ఫార్మెన్స్ తో మెప్పించాడు. ఇక సీరీస్ లో మైఖెల్ గా చైతన్య కృష్ణ నటించాడు. సినిమాలో అతని పాత్ర నెగిటివిటీ సీరీస్ లో బెస్ట్ పార్ట్ గా నిలిచింది. వచ్చిన ఏ చిన్న పాత్ర అయినా ప్రేక్షకులను మెప్పించాలనే ప్రయత్నంలో వ్యూహం వెబ్ సీరీస్ లో చైతన్య కృష్ణ ఇంప్రెస్ చేశాడు.

ఇక ఈ సీరీస్ లో శ్రీ రాం మద్దూరి మ్యూజిక్ సీరీస్ మూడ్ కి తగినట్టుగా ఉంటుంది. సీరీస్ లో ఉన్న హై టెంపో, ఎమోషనల్, సినిమాటిక్ ఇలా కథనానికి తగినట్టుగా బ్యాక్ గ్రౌండ్ స్కోర్ అలరిస్తుంది. ఎడిటింగ్ సాయి మురళి షార్ప్ ఎడిటింగ్ సీరీస్ కు హెల్ప్ అయ్యింది. ఏది ఎక్కువ అనిపించదు ఏది తక్కువ కాకుండా పర్ఫెక్ట్ ఎడిటింగ్ చేశారు. ఆసక్తికరమైన కథతో మంచి నటనా ప్రతిభతో ఈ వెబ్ సీరీస్ తీర్చిదిద్దారు.

ఓటీటీలో ఈమధ్య థ్రిల్లర్ కథలు చాలా వచ్చాయి.. వస్తున్నాయి. కొన్ని ఆడియన్స్ ని సర్ ప్రైజ్ చేసేలా ఉంటే మరికొన్ని సీరీస్ లు మాత్రం నిరాశపరిచాయి. అయితే వ్యూహం మాత్రం ప్రేక్షకులను సీడ్ ఎడ్జ్ లో కూర్చోబెట్టడంలో సక్సెస్ అయ్యింది. ఓటీటీ ఆడియన్స్ ని మెప్పించాలనే వ్యూహం ఫలించిందని చెప్పొచ్చు. అమేజాన్ ప్రైం లో రిలీజైన ఈ వెబ్ సీరీస్ ఓటీటీ ఆడియన్స్ ని మెప్పించింది. డిసెంబర్ 14న ఓటీటీ రిలీజైన వ్యూహం ఇప్పటికి కూడా ప్రైమ్ వీడియో లో ట్రెండింగ్ లో ఉంటుంది.