యంగ్ డైరెక్ట‌ర్ తో వామికా గ‌బ్బి..జీవితానికిది చాలు!

ఇండ‌స్ట్రీకొచ్చిన ప్రతీ హీరోయిన్ కి ఓ డ్రీమ్ రోల్ అంటూ ఒక‌టుంటుంది. ఫ‌లానా పాత్ర‌లో న‌టించాల‌ని ప‌రిశ్ర‌మ‌కి రాక ముందునుంచే క‌లలు కంటుంటారు. అందుకు కొంత మంది న‌టీమ‌ణుల్ని స్పూర్తిగా తీసుకుంటారు. అయితే డ్రీమ్ రోల్ రావ‌డం అన్న‌ది అంత సుల‌భంగా జ‌రిగే ప‌నికాదు. అలాంటి పాత్ర‌లు అందుపుచ్చుకోవ‌డానికి చాలా స‌మ‌యం ప‌డుతుంది. అందుకు ట్యాలెంట్ తో పాటు టైమ్...లుక్ అన్నీ క‌లిసి రావాలి.

అలాగైతేనే సాధ్య‌మ‌వుతుంది. తాజాగా యువ నాయిక వామిక గ‌బ్బీ ఆ కోటాకి చెందిన భామ‌గా చెప్పుకుంటుంది. 'జూబిలి'..'గ్ర‌హ‌న్' లాంటి వెబ్ సిరీస్ ల‌తో వామిక ప్రేక్ష‌కుల్ని మెప్పించిన సంగ‌తి తెలిసిందే. తాజాగా ఈ భామ యువ సంచ‌ల‌నం అట్లీ సినిమాలో అవ‌కాశం ద‌క్కించుకుంది. ఇప్పుడీ అవకాశాన్ని త‌న డ్రీమ్ రోల్ గా ప్ర‌చారం చేసుకుంటోంది. అట్లీ బ్రాండ్ తో అమ్మ‌డు త‌న‌ని తాను వ్య‌క్తిగ‌తంగా ప్ర‌మోట్ చేసుకుంటుంది.

అట్లీ లాంటి స్టార్ డైరెక్ట‌ర్ తో ప‌నిచేయ‌డం కన్నా నాలాంటి వాళ్ల‌కు అంత‌కు మించిన డ్రీమ్ రోల్ ఎక్క‌డ దొరుకుతుంద‌ని సంతోషం వ్య‌క్తం చేసింది. అలాగ‌ని అట్లీ ఈ సినిమాకి ద‌ర్శ‌కుడు కాదండోయ్. ఆయ‌న కేవ‌లం నిర్మాత మాత్ర‌మే. ఈ సినిమాకి ద‌ర్శ‌క‌త్వం వ‌హించేది క‌లీస్. ఆయ‌న చెప్పిన క‌థ న‌చ్చ‌డంతో అట్లీ చిత్రాన్ని నిర్మించ‌డానికి ముందుకొచ్చారు. ఈ సంద‌ర్భంగా వామికా గ‌బ్బీ ఆస‌క్తిక‌ర వ్యాఖ్య‌లు చేసింది.

'అట్లీ గొప్ప ద‌ర్శ‌కుడు..యాక్ష‌న్..ఎమోష‌న్ క‌లిపి అద్బుతాలు చేయ‌గ‌ల గ్రేట్ మేక‌ర్. అలాంటి వ్య‌క్తితో క‌లిసి ప‌నిచేయ‌డం ఎంతో సంతోషంగా ఉంది. పైగా ఇందులో నేనెంతో ఇష్ట‌ప‌డే పాత్ర కూడా ద‌క్కింది. ఇది పెద్ద క‌మ‌ర్శియ‌ల్ చిత్రం. ఇలాంటి ఓ సినిమా నా జీవితంలో ఉంటుంద‌ని ఊహించ‌లేదు. నేను అనుకోకుండా నా ద‌గ్గ‌ర‌కు ఊహించ‌ని ప్రాజెక్ట్ వ‌చ్చిన‌ప్పుడు దాన్ని నేను డ్రీమ్ రోల్ గానే భావిస్తాను. ఓ పాత్ర‌లో న‌టించే అవ‌కాశం క‌ల్పించారు అంటే ఆ పాత్ర‌కు మ‌నం సూట‌వుతున్నామ‌ని..న్యాయం చేస్తామ‌నే న‌మ్మ‌కంతోనే ఛాన్స్ ఇస్తారు. అట్లీ అండ్ కోకి నాపై ఆ నమ్మ‌కం ఉంచినందుకు ధ‌న్య‌వాదాలు' అని అంది.