వార్ 2 .. ఎన్టీఆర్ హీరోయిన్ ఫైన‌ల్?

టైగర్ 3 విడుదలైంది. సల్మాన్ ఖాన్, షారుఖ్ ఖాన్, హృతిక్ రోషన్‌లతో గూఢచారి-విశ్వం గురించి ఇందులో హింట్ ఇచ్చారు. వార్ ఫ్రాంచైజీకి సీక్వెల్‌లో యంగ్ టైగ‌ర్ ఎన్టీఆర్ హృతిక్‌తో చేరనున్నారు. మునుముందు గూఢ‌చారి విశ్వంలో యంగ్ టైగ‌ర్ ఎన్టీఆర్ రిపీటెడ్ గా క‌నిపించే ఛాన్సుంద‌ని క‌థ‌నాలొస్తున్నాయి. య‌ష్ రాజ్ ఫిలింస్ ఇప్ప‌టికే హృతిక్-ఎన్టీఆర్ క‌థానాయ‌కులుగా న‌టించే వార్ 2 చిత్రీక‌ర‌ణ‌ను ప్రారంభించింది. జ‌న‌వ‌రి నుంచి ఇద్ద‌రు ప్ర‌ధాన హీరోలు సెట్లో జాయిన‌వుతార‌న్న టాక్ కూడా వినిపిస్తోంది.

తాజా నివేదిక ప్రకారం.. ఎన్టీఆర్ ప్రస్తుతం తెలుగు మూవీ దేవర షూటింగ్‌లో బిజీగా ఉన్నారు. జాన్వీ కపూర్-సైఫ్ అలీ ఖాన్‌లతో దేవర షూటింగ్ కోసం ఎన్టీఆర్ గోవాలో ఉన్నాడు. ఈ ఏడాది చివరికల్లా దేవర‌ను పూర్తి చేయాలనేది అత‌డి ప్రణాళిక. హిందుస్థాన్ టైమ్స్ నివేదిక ప్రకారం, హృతిక్ రోషన్ తో స్పై థ్రిల్లర్ వార్ 2 కోసం ఎన్టీఆర్ ఇంకా వ్యక్తిగతంగా తేదీలను కేటాయించలేదని ఒక సోర్స్ వెల్ల‌డించింది. అయితే వచ్చే ఏడాది ఏప్రిల్‌లోపు జూనియర్ ఎన్టీఆర్ తన పార్ట్ ని పూర్తి చేయాల‌ని భావిస్తున్నట్టు క‌థ‌నాలొస్తున్నాయి. దీనిని బ‌ట్టి వెంట‌నే ఎన్టీఆర్ కాల్షీట్లు కేటాయించే అవ‌కాశం ఉంద‌ని అంచ‌నా.

ఇక ఎన్టీఆర్ ఇప్ప‌టికే కేజీఎఫ్ ప్రశాంత్ నీల్ దర్శకత్వం వహించనున్న త‌దుప‌రి సినిమా కోసం చాలా కాలం క్రితం తన డేట్‌లను కేటాయించాడ‌ని కూడా తెలుస్తోంది. RRR అద్భుతమైన విజయం తర్వాత వార్ 2- ప్ర‌శాంత్ నీల్ ల‌తో సినిమాల్ని ఎన్టీఆర్ ప్ర‌తిష్ఠాత్మ‌కంగా భావిస్తున్నారు. ఇవ‌న్నీ పాన్ ఇండియా అప్పీల్ ఉన్న సినిమాలు కావ‌డంతో స‌ర్వం ఒడ్డి స‌త్తా చాటాల‌ని ఉవ్విళ్లూరుతున్నాడు.

వార్ 2 లో క‌థానాయిక‌ల పాత్ర‌ల‌ను ఫైన‌ల్ చేసేందుకు స‌న్నాహ‌కాలు చేస్తున్నార‌ని స‌మాచారం. దీపికా పదుకొణె -అలియా భట్‌లను సంప్రదించినట్లు తెలుస్తోంది. ఇటీవల వైఆర్‌ఎఫ్ నిర్మించే స్పై యూనివ‌ర్శ్ లో ఆలియా కథానాయికగా నటిస్తోందని వార్తలు వచ్చాయి. అందువల్ల వార్ 2లో ఆలియా అతిధి పాత్రలో నటించవచ్చని ఊహాగానాలు సాగుతున్నాయి. ఈ చిత్రం కూడా మ‌రో టైగర్ 3 లేదా పఠాన్ వంటిది కావచ్చు. ఇందులో ఇత‌ర స్పై సినిమాల నుంచి హీరోలు అతిధి పాత్రల్లో న‌టించేందుకు అవ‌కాశం ఉంద‌ని కూడా తెలుస్తోంది.

వార్ 2 కోసం ఎన్టీఆర్ బిగ్ ప్లాన్స్:

భారీ యాక్ష‌న్ చిత్రాల్లో హీరోల‌కు బాడీ డ‌బుల్ ని ఉప‌యోగించే వీలుంది. కానీ జూనియర్ ఎన్టీఆర్ చాలా కష్టపడి పనిచేసే వ్యక్తి. షూటింగ్ పరంగా వార్ 2 కోసం రియ‌ల్ స్టంట్స్ లో తార‌క్ పాల్గొనేందుకు ఆస్కారం ఉంద‌ని తెలిసింది. RRR కోసం అత‌డు అదే రూట్‌ని అనుసరించాడు. ఎన్టీఆర్ తన యాక్షన్ సీక్వెన్స్‌లన్నింటినీ బాడీ డ‌బుల్ ఆర్టిస్ట్ లేకుండా స్వయంగా న‌టిస్తాడ‌ని తెలిసింది. RRRలో జూనియర్ ఎన్టీఆర్ తన స్వంత యాక్షన్ సన్నివేశాల్లో త‌నే స్వ‌యంగా క‌నిపించ‌డంపై ప్రశంస‌లు కురిసాయి. కాబట్టి వార్ 2లో కూడా ఎన్టీఆర్ నుండి అభిమానులు భారీ యాక్షన్ ని ఆశించవ‌చ్చ‌ని విశ్లేషిస్తున్నారు. వార్ 2లో ఎన్టీఆర్ పాత్ర ఎలా ఉంటుంది? అంటే అత‌డు ప్రధాన ప్రతినాయకుడిగా నటిస్తున్నాడని కూడా బాలీవుడ్ మీడియా పేర్కొంది.