వీకెండ్ బాక్సాఫీస్.. ఏ సినిమా ఎంత తెచ్చిందంటే..

మరో వారం రోజుల్లో 2023 కంప్లీట్ అవ్వనుంది. ఈ ఏడాది చివరి నెలలో సినిమాలు ఎక్కువగానే ప్రేక్షకుల ముందుకు వచ్చాయి. సినీ ప్రియులను ఆకట్టుకుని బాక్సాఫీస్ వద్ద దూసుకెళ్తున్నాయి. భారీ వసూళ్లను సాధిస్తున్నాయి. వీకెండ్లో మరిన్ని వసూళ్లు రాబట్టాయి. మరి డిసెంబర్ నెల మూడో వీకెండ్ పరిస్థితేంటి? ఏఏ సినిమాలు రన్ అవుతున్నాయి? ఎంత వసూలు చేశాయి? టాప్-5 చిత్రాల విషయాలు మీకోసం

సలార్ దే ఫస్ట్ ప్లేస్

క్రిస్మస్ కానుకగా విడుదలైన పాన్ ఇండియా స్టార్ ప్రభాస్ నటించిన సలార్ మూవీ బాక్సాఫీస్ వద్ద రికార్డ్ వసూళ్లతో సత్తా చాటుతోంది. 2023లో అత్యధిక ఓపెనింగ్స్ సాధించిన చిత్రంగా రికార్డ్ సృష్టించింది. ఈ వీకెండ్లో భారీ వసూళ్లను రాబట్టింది. ఇప్పటి వరకు ఈ సినిమా రూ.400 కోట్లకుపైగా గ్రాస్ రాబట్టినట్లు తెలుస్తోంది. ఫుల్ రన్ పూర్తయ్యేసరికి ఈ సినిమా రూ.1000 కోట్లు వసూలు చేయనుందని సినీ వర్గాల్లో టాక్.

బాలీవుడ్ బాద్ షా షారుక్ ఖాన్ హీరోగా స్టార్ డైరెక్టర్ రాజ్ కుమార్ హిరాణీ తెరకెక్కించిన చిత్రం డంకీ. డిసెంబర్ 21వ తేదీన రిలీజైన ఈ చిత్రం మిక్స్ డ్ టాక్ సంపాదించుకుంది. ఇప్పటి వరకు ఈ సినిమా ప్రపంచవ్యాప్తంగా రూ.157.22 కోట్ల రాబట్టినట్లు మేకర్స్ అధికారికంగా ప్రకటించారు. వరుస పండుగల నేపథ్యంలో ఈ సినిమా వసూళ్లు పెరిగే అవకాశం ఉంది.

బాలీవుడ్ స్టార్ హీరో రణ్ బీర్ కపూర్, నేషనల్ క్రష్ రష్మిక మందన్న నటించిన యానిమాల్ మూవీ.. రిలీజై 24 రోజులు అవుతున్నా వసూళ్లు భారీగానే సాధిస్తోంది. సందీప్ రెడ్డి వంగా తెరకెక్కించిన ఈ చిత్రం ఇప్పటి వరకు ప్రపంచవ్యాప్తంగా రూ.860 కోట్ల గ్రాస్ కలెక్షన్లు సాధించింది. ఈ మూవీ రూ.1000 కోట్ల మార్కును తాకుతుందనే అంచనాలు ఉన్నప్పటికీ.. సలార్, డంకీ రిలీజ్ సవాలుగా మారింది.

బాక్సాఫీస్ వద్ద సలార్, డంకీకి గట్టి పోటీ ఇస్తుందని ఊహించిన హాలీవుడ్ సినిమా ఆక్వామ్యాన్ అండ్ ది లాస్ట్ కింగ్‌డమ్ తేలిపోయింది. ఈ రెండు మూవీల ముందు నిలబడలేకపోయింది. వసూళ్లు అంతంతమాత్రమే రాబడుతోందని ట్రేడ్ వర్గాలు చెబుతున్నాయి.

నేచురల్ స్టార్ నాని, మృణాల్ ఠాకూర్ హీరోహీరోయిన్లకు నటించిన హాయ్ నాన్న మూవీ మూడో వారాంతం పూర్తి చేసుకుంది. ఇప్పటి వరకు వరల్డ్ వైడ్ గా రూ.65 కోట్ల గ్రాస్ వసూలు చేసింది. ఫాదర్ సెంటిమెంట్ తో తెరకెక్కిన ఈ మూవీ ఫ్యామిలీ ఆడియెన్స్ ను ఆకట్టుకుంటోంది. ఈ సినిమా ఫుల్ రన్ డిసెంబర్ 31తో ముగిసే అవకాశం ఉంది. మరి నెక్స్ట్ వీకెండ్ కల్లా ఏ సినిమాలు రన్ అవుతాయో చూడాలి.