దేవర తరువాత.. కొరటాల ప్లాన్ ఏంటి?

రచయితగా కెరియర్ స్టార్ట్ చేసి దర్శకులుగా మారిన వారిలో చాలా మంది స్టార్ మేకర్స్ అవుతారు. అలా టాలీవుడ్ లో స్టార్ డైరెక్టర్ గా గుర్తింపు తెచ్చుకున్న వ్యక్తి కొరటాల శివ. రచయితగా సూపర్ హిట్ సినిమాలకి వర్క్ చేసిన కొరటాల శివ మిర్చి మూవీతో దర్శకుడిగా మారాడు. ఆ సినిమాతో బ్లాక్ బస్టర్ హిట్ అందుకున్నారు. తరువాత శ్రీమంతుడు, జనతా గ్యారేజ్, భరత్ అనే నేను చిత్రాలతో బ్యాక్ టూ బ్యాక్ బ్లాక్ బస్టర్ హిట్స్ సొంతం చేసుకున్నారు.

ఈ వరుస సక్సెస్ లతో కొరటాల శివ స్టార్ డైరెక్టర్ గా మారిపోయాడు. ప్రతి దర్శకుడిగా ఒక బ్యాడ్ ఫేజ్ వస్తుంది. అలాగే కొరటాల శివకి కూడా మెగాస్టార్ చిరంజీవితో చేసిన ఆచార్య మూవీ బ్యాడ్ ఫేజ్ తీసుకొచ్చింది. ఈ సినిమా కథని ముందుగా మెగాస్టార్ చిరంజీవి కోసమే కొరటాల రాసుకున్నారు. తరువాత రామ్ చరణ్ కూడా ఈ మూవీలోకి వచ్చి చేరాడు. దీంతో అతన్ని పెర్ఫెక్ట్ గా ఎస్టాబ్లిష్ చేయాలని కథలో మార్పులు చేశారు. ఈ ప్రభావం మొత్తం సినిమా మీద ఇంపాక్ట్ క్రియేట్ చేసింది.

ఫలితంగా ఆచార్య బిగ్గెస్ట్ డిజాస్టర్ గా మారింది. ఈ సినిమా ఫెయిల్యూర్ ఎఫెక్ట్ అంతా కొరటాల శివ మీదనే పడింది. కొరటాల శివని సోషల్ మీడియాలో విపరీతంగా ట్రోలింగ్ చేశారు. అయితే జూనియర్ ఎన్టీఆర్ మాత్రం కొరటాల శివ మీద నమ్మకం ఉంచారు. అతని కోసం తారక్ ఏడాది వెయిట్ చేశారు. కొరటాల శివ కూడా హైవోల్టేజ్ యాక్షన్ కథాంశంతో దేవర స్క్రిప్ట్ రెడీ చేసి ఎన్టీఆర్ ని మెప్పించారు.

ఈ సినిమా షూటింగ్ కంప్లీట్ చేసుకొని రిలీజ్ కి సిద్ధం అవుతోంది. సెప్టెంబర్ 27న వరల్డ్ వైడ్ గా పాన్ ఇండియా రేంజ్ లో ప్రేక్షకుల ముందుకి రాబోతోంది. అయితే ఈ సినిమా తర్వాత ప్రాజెక్ట్ ని కొరటాల శివ ఇప్పటికే కన్ఫర్మ్ చేసుకున్నట్లు తెలుస్తోంది. కొరటాల శివ తెరకెక్కించిన జనతా గ్యారేజ్ సినిమాలో మోహన్ లాల్ కీలక పాత్రలో నటించారు.

ఆ క్యారెక్టర్ తెలుగులో మోహన్ లాల్ కి మంచి క్రేజ్ తీసుకొచ్చింది. ఈ నేపథ్యంలో కొరటాల శివ రీసెంట్ గా మోహన్ లాల్ ని కలిశారంట. అయితే ఈ సారి మోహన్ లాల్ తనయుడు ప్రణవ్ మోహన్ లాల్ తో కొరటాల శివ మూవీ చేయాలని అనుకుంటున్నారంట. ప్రణవ్ మోహన్ లాల్ జీతూ జోసెఫ్ దర్శకత్వంలో ఆది సినిమాతో హీరోగా మారాడు. ఈ మూవీ సూపర్ హిట్ అయ్యింది. తరువాత ఆదిత్య "ఆది" మోహన్, మరక్కార్, హృదయం సినిమాలలో హీరోగా సక్సెస్ లు అందుకున్నాడు.

అతనికి ఇప్పటికే కథ నేరేట్ చేసారంట. స్టోరీ బాగా నచ్చడంతో ప్రణవ్ కూడా మూవీ చేయడానికి ఒకే చెప్పారంట. మైత్రీ మూవీ మేకర్స్ ఈ చిత్రాన్ని నిర్మించేందుకు సిద్ధం అయ్యిందని టాక్. ఈ సినిమాని కొరటాల శివ వచ్చే ఏడాది స్టార్ట్ చేస్తారనే ప్రచారం ప్రస్తుతం నడుస్తోంది. మరి ఇందులో వాస్తవం ఎంత అనేది అఫీషియల్ గా ఎనౌన్స్ అయ్యేంత వరకు తెలియదు.