OG: ఫ్యాన్స్ కు ఇలా షాక్ ఇచ్చారేంటి

పవర్ స్టార్ పవన్ కళ్యాణ్ ఇప్పుడు రాజకీయాలపైనే పూర్తి దృష్టి సారించారు. సినిమా షూటింగ్ లకు పూర్తింగా దూరంగా ఉంటున్నారు. తెలుగు రాష్ట్రాల ఎన్నికల కోసం తాను కమిట్ అయిన సినిమాలన్నింటినీ పక్కన పెట్టేశారు. దీంతో ఆ సినిమా షూటింగ్ ల పై రకరకాల వార్తలు చక్కర్లు కొడుతున్నాయి.

హరీశ్ శంకర్ ఇప్పటికే ఎన్నో ఏళ్లు వేస్ట్ చేసుకున్నారని నెటిజన్లు అంటున్నారు. సినిమా స్టోరీ, టైటిల్ మారిపోయాయని.. కానీ ఆయన ఇంకా వెయిట్ చేస్తూనే ఉన్నారని చెబుతున్నారు. క్రిష్ తెరకెక్కిస్తున్న హరిహర వీరమ్లల్లు ఉందా లేదో కూడా తెలియడం లేదని కామెంట్లు పెడుతున్నారు. ఈ సినిమా ఎప్పుడో ఆగిపోయిందన్న డౌట్ వస్తుందని చెబుతున్నారు. వాస్తవానికి ఆ కామెంట్లన్నీ కాస్త నిజమే కావచ్చు. ఇటీవలే భీమ్లానాయక్, బ్రో రిలీజైనా.. పవన్ మిగతా ప్రాజెక్ట్ లు అన్నీ ఎక్కడ వేసిన గొంగళి అక్కడే ఉన్నట్లు మారాయి.

అయితే పవన్ ఓజీ షూటింగ్ జరుగుతున్న టైమ్ లో డీవీవీ సంస్థ వరుస అప్డేట్లతో సందడి చేసింది. ఫ్యాన్స్‌కు మంచి కిక్కించింది. ఆన్ లొకేషన్స్, వర్కింగ్ స్టిల్స్, షూటింగ్ లొకేషన్ అప్డేట్లు అంటూ తెగ సందడి చేసింది. ఫ్యాన్స్ కూడా డీవీవీ ఎంటర్ టైన్ మెంట్స్ సోషల్ మీడియా హ్యాండిళ్లపై ఫుల్ ఫోకస్ పెట్టారు.

కానీ గత కొంత కాలంగా డీవీవీ సోషల్ మీడియా హ్యాండిల్ నుంచి ఎలాంటి అప్డేట్లు రావడం లేదు. దీంతో ఫ్యాన్స్ మాత్రం అప్డేట్ కోసం డీవీవీ ట్విట్టర్ హ్యాండిల్‌కు రిక్వెస్టులు పెడుతూనే ఉన్నారు. షూటింగ్ జరగడం లేదు.. మళ్లీ స్టార్ట్ అయ్యాక అప్డేట్ ఇస్తామని చెబుతూనే వస్తోంది డీవీవీ సంస్థ.

ఇటీవలే మరోసారి క్లారిటీ ఇచ్చింది డీవీవీ సంస్థ. "బర్త్ డే విషెస్‌తో టైమ్ లైన్ ఫుల్లైంది. సాధారణంగానే అభిమానులు అంటే ఫుల్ హంగ్రీతో ఉంటారు. మీకు ఇది తెలియాలనే చెబుతున్నాం. ఇప్పుడు షూటింగ్ జరగడం లేదు. అందుకే అప్డేట్లు రావాలంటే ఇంకా టైమ్ పడుతుంది. ఇక్కడ మీరు వెయిట్ చేయకండి. డోంట్ స్టే ట్యూన్డ్ హియర్" అని ట్వీట్ వేసింది.

అయితే డీవీవీ ట్వీట్ చూసిన తర్వాత పవన్ ఫ్యాన్స్ మాత్రం కన్ఫ్యాజ్ అవుతున్నారు. ఎవరి బర్త్ డే? ఎవరు ట్వీట్లు వేశారు? అని అడుగుతున్నారు. ఓజీ అప్డేట్ ఇవ్వకపోతే మీ అకౌంట్ లేపేస్తామని కొంత మంది ఫ్యాన్స్ ఫన్నీగా సెటైర్లు వేస్తున్నారు. వీటికి డీవీవీ స్పందిస్తుందేమో చూడాలి.