మాస్ కా దాస్ అడుగులు ఎటువైపు..?

తన సినిమాలతో యువ హీరోలలోనే ఒక సెపరేట్ క్రేజ్ తెచ్చుకున్నాడు మాస్ కా దాస్ విశ్వక్ సేన్. కెరీర్ లో ఒక్కో మెట్టు ఎక్కుతూ తన సినీ ప్రయాణం సాగిస్తున్నాడు. ఈ ఇయర్ ఆల్రెడీ గామీ, గ్యాంగ్స్ ఆఫ్ గోదావరి సినిమాలతో ప్రేక్షకుల ముందుకు వచ్చిన విశ్వక్ సేన్ రీసెంట్ గా మెకానిక్ రాకీ అంటూ మరో సినిమాతో పలకరించాడు. రవితేజ ముళ్లపూడి డైరెక్షన్ లో తెరకెక్కిన ఈ సినిమా ఫస్ట్ డే టాక్ పర్వాలేదని అనిపించినా తర్వాత మాత్రం డీలా పడ్డది.

యువ హీరోల్లో తన మాస్ స్టామినాతో ఆన్ అండ్ ఆఫ్ స్క్రీన్ లో హడావిడి చేస్తున్న విశ్వక్ సేన్ అసలైతే గ్యాంగ్స్ ఆఫ్ గోదావరి సినిమాతోనే తన రేంజ్ పెంచుకోవాల్సి ఉన్నా సినిమా అనుకున్నంత సక్సెస్ అవ్వలేకపోయింది. అయినా సరే నిర్మాతలకు లాస్ ఇవ్వలేదు. ఐతే గ్యాంగ్స్ ఆఫ్ గోదావరితో మిస్సైన ఆ టార్గెట్ ని మెకానిక్ రాకీతో అందుకుంటాడు అనుకున్న విశ్వక్ సేన్ ఈ సినిమాతో కూడా డిజప్పాయింట్ చేశాడు.

యువ హీరోగా తన దగ్గరకు వచ్చిన కథల్లో బెస్ట్ వన్ ని సెలెక్ట్ చేసుకుని సినిమాలు చేస్తున్నాడు విశ్వక్ కానీ సినిమాలు మాత్రం ఆశించిన రేంజ్ లో బజ్ క్రియేట్ చేయలేకపోతున్నాయి. ఒకవేళ బజ్ వచ్చినా సరే సినిమాలు సక్సెస్ అవ్వట్లేదు. మరి మిస్టేక్ ఎక్కడ జరుగుతుంది అని గుర్తించి విశ్వక్ ఇక మీదట అయినా జాగ్రత్త పడాల్సిన అవసరం ఉందని చెప్పొచ్చు. యువ హీరోలంతా కూడా 100 కోట్ల కలెక్షన్స్ తో పరుగులు తీస్తున్నారు. వారితో పోల్చితే విశ్వక్ వెనకపడ్డాడని చెప్పొచ్చు.

100 కోట్ల స్టామినా ఉన్న హీరో అని తెలిసినా ఎందుకో సరైన కథలు పడక విశ్వక్ వెనకపడిపోతున్నాడు. మెకానిక్ రాకీ తర్వాత రాబోయే సినిమా లైలా కూడా ఎంటర్టైన్మెంట్ బేస్ తోనే వస్తుంది. ఆ సినిమాలో విశ్వక్ సేన్ లేడీ గెటప్ లో నటిస్తున్న విషయం తెలిసిందే. మరి విశ్వక్ సేన్ 100 కోట్ల సినిమా ఏది అవుతుందా అని మాస్ కా దాస్ ఫ్యాన్స్ ఆసక్తిగా ఎదురుచూస్తున్నారు.

విశ్వక్ సేన్ కి ఒక మంచి మాస్ హిట్ పడితే మాత్రం అతని స్టామినా ఏంటన్నది ప్రూవ్ అవుతుంది. లైలా తర్వాత సినిమా అయినా విశ్వక్ పర్ఫెక్ట్ ప్లాన్ చేసుకుంటాడేమో చూడాలి. ఐతే కెరీర్ ఎలా ఉన్నా తను మాత్రం వరుస సినిమాలు చేస్తూ ఉంటానని అంటున్నాడు విశ్వక్ సేన్.