పార్టీలో ఇచ్చిప‌డేసిన స్టార్ హీరో!

బ‌ర్త్ డే పార్టీల‌ను ఆస్వాదించ‌డంలో? బాలీవుడ్ హీరోల త‌ర్వాతే ఎవ‌రైనా! కోస్టార్ బ‌ర్త్ డే అయినా...స్నేహితుల‌కు సంబంధించిన వేడుక అయినా? స‌రే వాళ్ల‌తో స్టార్ హీరోలు మ‌మేకం అయ్యే విధానం చూస్తే ఎంతో ముచ్చ‌టేస్తుంది. తాను అతిధిలా ఫీల‌వ్వ‌కుండా అంద‌రిదో క‌లిసి పోయి డాన్సులు వేస్తుంటారు. స‌ల్మాన్ ఖాన్, షారుఖాన్ లాంటి వారి గురించైతే చెప్పాల్సిన ప‌నిలేదు. ఇక టాలీవుడ్ హీరోలు అయితే అలాంటి ఛాన్స్ ఎక్క‌డా తీసుకోరు.

అతిధిలా వెళ్తారు..వ‌స్తారు త‌ప్ప‌! అక్క‌డ ఎలాంటి మెమోరీస్ కి ఛాన్స్ ఇవ్వ‌రు. తాజాగా పాన్ ఇండియా స్టార్ య‌శ్ సైతం బాలీవుడ్ త‌ర‌హాలోనే ఓ పార్టీలో చిందులేసాడు. ఏకంగా ఫ్యామిలీ తో క‌లిసి వెళ్లి విషెస్ చెప్పి పార్టీని ఎంజాయ్ చేసాడు. య‌శ్ ఓ బ‌ర్త్ డే పార్టీలో డాన్స్ చేసిన వీడియో ఒక‌టి నెట్టింట వైర‌ల్ అవుతోంది. య‌శ్ తెలిసిన వారి బ‌ర్త్ డే పార్టీకి వెళ్ల‌గా అక్క‌డ అంద‌రితో క‌లిసి పోయి ఎంతో ఉత్సాహంగా డాన్స్ చేసాడు.

ఆయ‌న ప‌క్క‌నే స‌తీమ‌ణి పాపాయి కూడా ఉన్నారు. భార్య పిల్ల‌ని ఎత్తుకుని కాలు క‌దిపింది. య‌శ్ మాత్రం హుక్ స్టెప్పులు..బ్రేక్ డాన్సులు వేస్తూ మ‌రింత జోష్ పెంచాడు. ఆయ‌న్ని చూసి మ‌రింత మంది అత‌డి ముందుకొచ్చి డాన్సులు చేసారు. ప్ర‌స్తుతం ఆ వీడియో నెట్టింట వైర‌ల్ అవుతుంది. అది చూసి య‌శ్ అభిమానులు ఎంతో సంతోషంగా ఫీల‌వుతున్నారు. య‌శ్ పాన్ ఇండియా స్టార్ అయినా త‌న ఇమేజ్ ని ప‌క్క‌న‌బెట్టి పార్టీలో కలిసిపోయిన తీరుకు అంతా ఫిదా అవుతున్నారు. అత‌డిలో డౌన్ టూ ఎర్త్ క్వాలిటీ గురించి మాట్లాడుకుంటున్నారు.

ప్ర‌స్తుతం య‌శ్ `టాక్సిక్` అనే సినిమా చేస్తోన్న సంగ‌తి తెలిసిందే. ఈసినిమా షూట్ ఆగింది. పిణ్య‌-జ‌ల‌హ‌ళి వ‌ద్ద‌ కొత్త షెడ్యూల్ ఇటీవ‌లే ప్రారంభ‌మైంది. అయితే షూటింగ్ కోసం వేలాది చెట్లు న‌ర‌క‌డంతో అట‌వీశాఖ సీరియ‌స్ అయింది. చ‌ట్ట ప‌ర‌మైన చ‌ర్య‌లు తీసుకుంటామ‌ని హెచ్చ‌రిండంతో తాత్కాలికంగా బ్రేక్ ప‌డింది.