యశ్.. మరో క్రేజీ హింట్

'కేజిఎఫ్' సినిమాతో కన్నడలో ఓవర్ నైట్ స్టార్ట్ అయిపోయాడు యశ్. ఆ తర్వాత వచ్చిన 'కేజిఎఫ్ 2' తో మరింత పాపులారిటీ తెచ్చుకుని పాన్ ఇండియా స్టార్ గా మారిపోయాడు. అయితే 'కేజీఎఫ్ 2' తర్వాత ఇప్పటివరకు యశ్ తన నెక్స్ట్ సినిమాని అనౌన్స్ చేయలేదు. ఈ విషయంలో ఆయన ఫ్యాన్స్ అసంతృప్తి వ్యక్తం చేస్తున్నారు. ఆయన కొత్త సినిమా అనౌన్స్మెంట్ కోసం ఎంతో ఆసక్తిగా ఎదురు చూస్తున్నారు. ఎట్టకేలకు ఆ సమయం రానే వచ్చింది.

యశ్ కొత్త ప్రాజెక్ట్ అనౌన్స్మెంట్ అతి త్వరలోనే రాబోతోంది. 'కేజీఎఫ్ 2' తర్వాత యశ్ తన కొత్త సినిమా విషయంలో ఎన్నో జాగ్రత్తలు తీసుకున్నాడు. తన దగ్గరికి వచ్చిన స్క్రిప్ట్ తో తాను 100% సాటిస్ఫై అయితేనే అప్పుడు ఆ ప్రాజెక్టు అఫీషియల్ గా అనౌన్స్ చేయాలని అనుకుంటున్నా అంటూ ఇటీవల తెలిపారు. ఫైనల్ గా యశ్ కొత్త సినిమాకి సంబంధించి అప్డేట్ రాబోతోంది.

ఇదే విషయంపై యశ్ తన సోషల్ మీడియా వేదికగా హింట్ ఇచ్చాడు. తాజాగా యశ్ తన ఇన్ స్టాగ్రామ్ ప్రొఫైల్ పిక్ ని అప్డేట్ చేశాడు. దీంతో ఇది చూసిన ఫ్యాన్స్ యశ్ కొత్త సినిమా అప్డేట్ రాబోతుందంటూ ఫుల్ ఖుషి అవుతున్నారు. నిన్నటి వరకు యశ్ ఫోటోనే ఇన్ స్టాగ్రామ్ ప్రొఫైల్ పిక్ ఉండేది. కానీ ఇప్పుడు దాని ప్లేస్ లో 'లోడింగ్' అనే సింబల్ తో ఉన్న ఫోటోని ప్రొఫైల్ పిక్ గా పెట్టాడు. దీంతో యశ్ తన కొత్త సినిమాకి సంబంధించే హింట్ ఇచ్చేలా ప్రొఫైల్ పిక్ అప్డేట్ చేశాడంటూ ఫ్యాన్స్ తమ ఆనందాన్ని వ్యక్తపరుస్తున్నారు.

కాగా యశ్ తన తదుపరి చిత్రాన్ని గీతూ మోహన్ దాస్ తో దర్శకత్వంలో చేస్తున్నాడు. యశ్ కెరియర్లో 19వ సినిమాగా వస్తున్న ఈ ప్రాజెక్టు వచ్చే ఏడాది ఆరంభంలో స్టార్ట్ కానుంది. యాక్షన్ డ్రామాగా రూపొందనున్న ఈ మూవీ అఫీషియల్ అనౌన్స్మెంట్ అతి త్వరలోనే రాబోతోంది. ఇదిలా ఉంటే ఇటీవల ఓ ప్రైవేట్ ఈవెంట్లో తన తదుపరి సినిమాల ఆలస్యానికి కారణాన్ని వివరించాడు.

తాను ఏం చేసినా అభిమానుల కోసమేనని, అందరూ గర్వించే సినిమా చేయాలని అనుకుంటున్నాని, అందుకే ఆలస్యం అవుతుందని.. కాబట్టి అభిమానులు ఈ విషయం గమనించి కొంత ఓపిక పట్టాలని అన్నారు. మరోవైపు జనవరి 8న యశ్ తన బర్త్ డే జరుపుకోబోతున్నాడు. బహుశా ఆయన పుట్టినరోజు సందర్భంగా కొత్త సినిమాని అఫీషియల్ గా లాంచ్ చేస్తారేమో చూడాలి.