హిట్ కొట్టి తెలుగులో మ‌రో ఛాన్స్ కొట్టేసిన హ‌ర్యానా భామ‌

హ‌ర్యానా భామ యుక్తి త‌రేజాకు తెలుగులో ఓ మంచి ఛాన్స్ ద‌క్కింది. త‌ను హీరోయిన్ గా న‌టించిన మ‌ల‌యాళీ సినిమా మార్కో భారీ హిట్ గా నిలిచింది. ఆ సినిమా హిట్ అవ‌డంతో యుక్తికి ఇప్పుడు తెలుగులో మ‌రో అవ‌కాశం ద‌క్కింది. ఎందుకంటే యుక్తి త‌రేజా ఇప్ప‌టికే తెలుగులో ఓ సినిమా చేసింది. కానీ ఆ సినిమా హిట్ కాక‌పోవ‌డంతో త‌ర్వాత టాలీవుడ్ లో క‌నిపించ‌కుండా పోయింది.

నాగ‌శౌర్య హీరోగా 2023లో ప్రేక్ష‌కుల ముందుకు వ‌చ్చిన రంగ‌బ‌లి సినిమాలో యుక్తినే హీరోయిన్. రంగ‌బ‌లి సినిమా త‌ర్వాత యుక్తికి తెలుగులో వ‌రుస ఆఫ‌ర్లు వ‌స్తాయ‌ని అంద‌రూ అనుకున్నారు కానీ అమ్మ‌డికి ల‌క్ క‌లిసిరాక‌పోవ‌డంతో టాలీవుడ్ నుంచి ఆఫ‌ర్లు రాలేదు. ఈ గ్యాప్ లో యుక్తి మ‌ల‌యాళంలో చేసిన మార్కో సినిమా రీసెంట్ గా రిలీజై మంచి హిట్ అందుకుంది.

ఇప్పుడు మార్కో సినిమా హిట్ అవ‌డంతో అంద‌రి ఫోక‌స్ యుక్తి త‌రేజా వైపు మ‌ళ్లింది. ఈ నేప‌థ్యంలో అమ్మ‌డిని కిర‌ణ్ అబ్బ‌వ‌రం సినిమాలో హీరోయిన్ గా ఎంపిక చేసిన‌ట్టు తెలుస్తోంది. రాజేష్ దండా నిర్మించ‌నున్న కె ర్యాంప్ సినిమా కోసం యుక్తిని తీసుకున్న‌ట్లు స‌మాచారం. కె ర్యాంప్ క‌థ బాగా వ‌చ్చింద‌ని ఆల్రెడీ టాక్ వినిపిస్తుంది.

ఈ సినిమా కూడా హిట్ అయితే యుక్తికి తెలుగు నుంచి అవ‌కాశాలు క్యూ క‌ట్టే ఛాన్సుంది. 2019లో మోడ‌లింగ్ తో కెరీర్ ను స్టార్ట్ చేసిన అమ్మ‌డు త‌ర్వాత ఎంటీవీ సూప‌ర్ మోడ‌ల్ ఆఫ్ ది ఇయ‌ర్ లో 4వ ప్లేస్ సాధించి అంద‌రినీ ఆక‌ర్షించింది. త‌ర్వాత ఎన్నో క‌మ‌ర్షియ‌ల్ యాడ్స్ లో న‌టించగా ఆ టైమ్ లోనే యుక్తికి నాగశౌర్య స‌ర‌స‌న న‌టించే అవ‌కాశం ద‌క్కింది.

హ‌ర్యానాకు ద‌గ్గ‌ర‌లోని కైత‌ల్ ప్రాంతంలో ప‌ర్వీన్ త‌రేజా, రీటా త‌రేజా జంట‌కు 2000వ సంవ‌త్స‌రంలో జ‌న్మించిన యుక్తి త‌రేజా యాక్టింగ్ పై ఉన్న ఇంట్రెస్ట్ తో మోడ‌లింగ్ రంగంలోకి అడుగుపెట్టింది. ఆ త‌ర్వాత ఇమ్రాన్ హ‌ష్మీ చేసిన లూట్ గ‌యే మ్యూజిక్ ఆల్బ‌మ్ లో మొద‌టిసారిగా క‌నిపించింది. ఆ సాంగ్ లో త‌న‌కు స్క్రీన్ స్పేస్ త‌క్కువైన‌ప్ప‌టికీ త‌ర్వాత మాత్రం అమ్మ‌డికి ప‌లు ఆఫ‌ర్లు ద‌క్కాయి.