మోక్షజ్ఞ తో ఎన్టీఆర్ ఫైట్.. కుండబద్ధలు కొట్టేశాడు..!

నందమూరి ఫ్యామిలీ నుంచి మరో హీరోని పరిచయం చేసే బాధ్యత మీద వేసుకున్నారు దర్శకుడు వైవిఎస్ చౌదరి. హరికృష్ణ మనవడు.. జానకి రామ్ తనయుడు ఎన్టీఆర్ ను హీరోగా పరిచయం చేస్తూ తన సొంత బ్యానర్ లో వైవిఎస్ చౌదరి దర్శక నిర్మాతగా సినిమా చేస్తున్నారు. ఈ సినిమాలో ఎన్టీఆర్ సరసన తెలుగు అమ్మాయి వీణా రావుని కథానాయికగా పరిచయం చేస్తున్నారు. కథానాయిక పరిచయం కోసం దర్శక నిర్మాత వైవీఎస్ చైదరి ప్రెస్ మీట్ ఎరేంజ్ చేశారు.

ఈ ఈవెంట్ లో వైవీఎస్ చౌదరి చాలా విషయాల మీద క్లారిటీ ఇచ్చారు. ముందుగా తన సినిమాల్లో తెలుగు అమ్మాయిని పరిచయం చేయాలని ఎన్నో ఏళ్లుగా అనుకుంటున్నా ఇన్నాళ్లకు అది కుదిరిందని అన్నారు. భానుమతి సాక్షిగా వీణా రావుని పరిచయం చేశారు వైవీఎస్ చౌదరి. ఇక ఎన్టీఆర్ తో సినిమాకు ముందే 18 నెలలు కావాల్సినంత వర్క్ షాప్ చేశామని సినిమా పై చాలా నమ్మకంగా ఉన్నట్టు చెప్పుకొచ్చారు వైవీఎస్ చౌదరి.

ఎన్టీఆర్ తో సినిమాకు వారి మదర్ నుంచి పర్మిషన్ తీసుకున్నామని. సినిమా గురించి అడిగినప్పుడు ఆమె నిబంధనలన్నీ చెప్పారని గుర్తుచేశారు. ఐతే జానకిరామ్ తనయుడు ఎన్టీఆర్ సినిమా కోసం కళ్యాణ్ రామ్, ఎన్టీఆర్ ల పర్మిషన్ తీసుకున్నారా అంటే నందమూరి ఫ్యామిలీ సభ్యులందరితో మాట్లాడానని అన్నారు.. సినిమా ఓపెనింగ్ రోజే కళ్యాణ్ రామ్, ఎన్టీఆర్ ఈ ఎన్టీఆర్ గురించి ట్వీట్ చేశారని.. దాన్ని బట్టి వారి సపోర్ట్ అతనికి ఉంటుందని అన్నారు వైవీఎస్ చౌదరి.

ఐతే త్వరలో మోక్షజ్ఞ సినిమా కూడా మొదలవుతున్న తరుణంలో మోక్షజ్ఞ కు ఎన్టీఆర్ పోటీ వస్తాడా అన్న ప్రశ్నకు సమాధానం ఇస్తూ. ఎవరు ఎవరికి పోటీ రారు.. మోక్షజ్ఞ ఎంట్రీ కోసం తాను కూడా ఎంతో ఆసక్తిగా ఎదురుచూశానని అన్నారు. మోక్షజ్ఞ సినిమా వస్తే తమ సినిమా పోటీకి తీసుకు రాలేమని అన్నారు వైవీఎస్ చౌదరి.

మొత్తానికి తెలుగు చలన చిత్ర పరిశ్రమకు మరో ఎన్టీఆర్ వస్తున్నాడు. ఆమధ్య తన ఫస్ట్ వాయిస్ టీజర్ తో ఇంప్రెస్ చేసిన ఈ యంగ్ ఎన్టీఆర్ స్క్రీన్ ప్రెజన్స్ తో ఎలా మెప్పిస్తాడన్నది చూడాలి. వైవీఎస్ చౌదరి మాత్రం ఈ సినిమాను చాలా భారీగానే ప్లాన్ చేస్తున్నట్టు అర్ధమవుతుంది.