వెండితెర మీద తెలుగు అందం.. శక్తిస్వరూపుల చేతుల మీదగా..!

వైవిఎస్ చౌదరి దర్శకత్వంలో నందమూరి జానకిరామ్ తనయుడు నందమూరి తారక రామారావు హీరోగా వస్తున్న సినిమా త్వరలో సెట్స్ మీదకు వెళ్తుంది. అంతకుముందు హీరోని పరిచయం చేస్తూ ఒక గ్లింప్స్ వదిలారు. ఇక ఈ సినిమా నుంచి కథానాయిక వీణా రావుని పరిచయం చేస్తూ ప్రెస్ మీట్ ఏర్పాటు చేశారు. ఈ ప్రెస్ మీట్ లో సినిమా గురించి తన హీరో హీరోయిన్స్ గురించి ప్రేక్షకులతో పంచుకున్నారు దర్శక నిర్మాత వైవీఎస్ చౌదరి.

తన కెరీర్ లో మొదటి ఛాన్స్ నాగార్జున గారు ఇస్తే.. తనకు తన దర్శకుడిగా అవ్వాలని ప్రోత్సహించింది దత్ గారు. అలా ఆ ఫ్యామిలీల నుంచి ఎదిగిన మహిళా మూర్తులు.. శక్తి స్వరూపాలు వీళ్లు.. వారి చేతుల మీదగా మా సినిమా హీరోయిన్ వీణారావుని పరిచయం చేయడం ఆనందంగా ఉందని అన్నారు.

ఐతే సినిమాలో హీరోని పరిచయం చేస్తూ వదిలిన గ్లింప్స్ కు ప్రపంచవ్యాప్తంగా అప్రిసియేషన్ వచ్చింది. ఇప్పుడు వీణారావుని పరిచయం చేస్తున్నాం.. తనకు కూడా మంచి అప్రిసియేషన్ రావాలని కోరుకుంటున్నా.. మంచి భవిష్యత్తు ఉండాలని ఆశిస్తున్నా అన్నారు. తెలుగు తెర మీద తెలుగు అమ్మాయి అది కూడా కూచిపూడి వచ్చిన వీణా రావుకి అందరి సపోర్ట్ కావాలని అన్నారు.

ఇక ఇదే వేదిక మీద అన్న ఎన్టీఆర్ ను స్మరించుకున్నారు వైవీఎస్ చౌదరి. ఆయన అభిమానిగానే పరిశ్రమకు వచ్చా.. ఆయన చూపించిన బాటలోనే వెళ్తున్నా.. ఈరోజు అన్న గారు నటించిన యుగంధర్ సినిమా రిలీజ్ అయ్యింది. అందుకే ఈ సినిమా రిలీజ్ రోజు కథానాయికను పరిచయం చేస్తున్నామని అన్నారు. ఇక వేదిక మీద భానుమతి పెట్టడానికి కారణం ఆమె కూడా బహుముఖ ప్రజ్ఞాశాలి.. నటి, గాయని, దర్శకురాలు ఆమె ఆశీస్సులు కూడా ఉండాలని ఆమె సాక్షిగా వీణా రావుని పరిచయం చేస్తున్నామని అన్నారు.

వైవీఎస్ చౌదరి ఈ సినిమాకు కావాల్సినంత బజ్ తెచ్చే ప్రయత్నం చేస్తున్నారు. ఎన్ టీ ఆర్, వీణా రావు జంటగా నటిస్తున్న ఈ సినిమా ప్రేమకథగా వస్తుందని తెలుస్తుంది. సినిమా రిలీజ్ ఎప్పుడు టైటిల్ ఏంటన్నది త్వరలో వెల్లడిస్తామని అన్నారు దర్శక నిర్మాత వైవీఎస్ చౌదరి.