ZNMD 2 లేడీ డైరెక్ట‌ర్ క్లాసిక్ కి సీక్వెల్ ప్లాన్

భార‌త‌దేశంలో మ‌హిళా ద‌ర్శ‌కురాళ్ల వెల్లువ ఇటీవ‌ల పెరుగుతోంది. బాలీవుడ్ కోలీవుడ్ స‌హా టాలీవుడ్ లో క‌మ‌ర్షియ‌ల్ స‌క్సెస్ తో పాటు, అవార్డులు కొల్ల‌గొట్టిన‌ మ‌హిళా ద‌ర్శ‌కులు ఉన్నారు. స‌ద‌రు మ‌హిళా ద‌ర్శ‌కురాలు కెరీర్ లో తెర‌కెక్కించిన సినిమాల‌న్నీ ఎంతో ప్ర‌త్యేక‌మైన‌వి. బాక్సాఫీస్ వ‌ద్ద క‌మ‌ర్షియ‌ల్ స‌క్సెస్ తో పాటు, అవార్డులు రివార్డులు ద‌క్కించుకున్న చిత్రాల్ని రూపొందించారు. ఇప్పుడు ప‌రిశ్ర‌మ టాప్ సెల‌బ్రిటీల వార‌సుల‌ను వెండితెర‌కు ప‌రిచ‌యం చేస్తూ నిరంత‌ర వార్త‌ల్లో నిలుస్తున్న ఓ ప్ర‌ముఖ మ‌హిళా ద‌ర్శ‌కురాలి ప్ర‌య‌త్నం ఉత్కంఠ పెంచుతోంది.

స‌ద‌రు లేడీ డైరెక్ట‌ర్ ఇప్పుడు త‌న క్లాసిక్స్ లోని ఓ సినిమాకి సీక్వెల్ ని తెర‌కెక్కించే ప‌నిలో ఉన్నారు. ఇంత‌కీ ఆమె ఎవ‌రు? అంటే.. ది గ్రేట్ జోయా అక్త‌ర్. జింద‌గిన మిలేగి దొబారా- గ‌ల్లీ బోయ్ లాంటి చిత్రాల‌ను జోయా తెర‌కెక్కించారు. జింద‌గి న మిలేగి దొబారా .. బహుశా మన కాలంలో అత్యంత ఇష్టపడే ట్రావెల్ బేస్డ్ ఫిల్మ్. ఇది 2011లో విడుదలైనప్పుడు ఈ సినిమా క‌థ‌లో ఆడియెన్ త‌మ‌ను తాము ఐడెంటిఫై చేసుకున్నారు. రిలేట్ అయ్యారు. అలాంటి అద్భుత‌మైన‌ కథను చెప్పినందుకు ఈ చిత్రం అందరికీ నచ్చింది. ఈ చిత్రంలో అభయ్ డియోల్, ఫర్హాన్ అక్తర్ , హృతిక్ రోషన్ ప్రధాన పాత్రల్లో నటించారు.

ఈ సినిమా విడుదలైన 12 సంవత్సరాల తర్వాత, ఫర్హాన్ అక్తర్ తన ఇన్‌స్టాగ్రామ్‌లో ZNMD 2 గురించి ప్ర‌స్థావించ‌డంతో ఆన్‌లైన్‌లో మ‌రోసారి చ‌ర్చ మొద‌లైంది. బుధవారం నాడు అత‌డు పోస్ట్ చేసిన ఒక ఫోటోలో ఫర్హాన్ పోషించిన పాత్రను ఎలివేట్ చేసే ఫోటోని షేర్ చేసాడు. క్యాప్షన్‌లో ``ఇమ్రాన్ లుక్ పూర్తి వృత్తంలో.. జోయా ఏమి చెబుతారు ..? Boys మరొక రహదారి యాత్రకు వెళ్లాలా?`` అంటూ టీజ్ చేసాడు.

ఈ పోస్ట్ తర్వాత ఇతర తారాగణం - జోయా కూడా దీనిపై వ్యాఖ్యలను జోడించారు. ఇది అభిమానుల్లో మ‌రింత‌ ఉత్సాహాన్ని పెంచింది. అభయ్ ఇలా రాసాడు. ``నేను 2012 నుండి నా #బాగ్ వ‌తిని ప్యాక్ చేసాను. బోయ్స్ మిమ్మల్ని నిలబెట్టేది ఏమిటి? అని రాసాడు. బాగ్‌వతి అనేది ఈ సినిమా నుండి ఒక ముఖ్యమైన సింబ‌ల్. దీనిని అభిమానులు తక్షణమే గుర్తిస్తారు. ఫర్హాన్ పోస్ట్‌కి జోయా రిప్లై ఇచ్చింది. తన బాగ్‌వతి ప్యాక్ చేసాన‌ని తెలిపింది. హృతిక్ రోషన్ కూడా 'తక్కువ గూఓఓఓ!`` అంటూ రిప్ల‌య్ ఇచ్చాడు. దీంతో పాటు డ్యాన్స్ ఎమోజీని కూడా జోడించాడు. అంతేకాదు ఈ చిత్ర నిర్మాత రితేష్ సిధ్వానీ మాట్లాడుతూ.. ``నాకు రెండు మాటలు సత్య వచన్`` అన్నారు. నెట్‌ఫ్లిక్స్ ఈ వ్యాఖ్యలను జోడించి, ``ఇన్సాన్ కా కర్తవ్యా హోతా హై ఏక్ రోడ్ ట్రిప్ ప్లాన్ కర్నా`` అని చెప్పడం అంచనాలను మరింత పెంచింది. దాంతో రెండో భాగం నెట్‌ఫ్లిక్స్ ఒరిజినల్‌గా ఉండబోతుందా? అనే ప్రశ్న త‌లెత్తింది.

ఈ పరిణామంతో అభిమానులు పిచ్చెక్కిపోతున్నారు. ఇది నిజమే అయితే జింద‌గినా.. సినిమాని అందులో గుర్తుండిపోయే పాత్రలను ఇష్టపడే ప్రతి ఒక్కరికీ ఇది చాలా ఆనందం క‌లిగించే వార్త‌. ఫర్హాన్ అక్తర్ ఇంతకుముందు అలియా భట్, కత్రినా కైఫ్, ప్రియాంక చోప్రా ప్రధాన పాత్రలతో రోడ్-ట్రిప్ చిత్రానికి దర్శకత్వం వహించబోతున్నాడని ప్ర‌చార‌మైంది. అయితే ఆ ప్రాజెక్ట్ ఆగిపోయింది. జిందగీ నా మిలేగీ దొబారాను జోయా అక్తర్ - రీమా కగ్తీ కలిసి రచించారు. ఫర్హాన్ ఈ సినిమాలో నటించడమే కాకుండా డైలాగ్ లు రాశారు.