మహేష్ లేకున్నా.. అలా కానిచ్చేస్తున్న త్రివిక్రమ్

టాలీవుడ్ సూపర్ స్టార్ మహేష్ బాబు, త్రివిక్రమ్ దర్శకత్వంలో చేస్తున్న గుంటూరు కారం సినిమాను మంచి ముహూర్తం చూసే స్టార్ట్ చేశారు. కానీ సినిమాకు మాత్రం ఊహించని స్థాయిలో బ్రేకులు అయితే పడుతున్నాయి. మహేష్ బాబు త్రివిక్రమ్ కలయికపై అంచనాలు గట్టిగానే ఉన్నప్పటికీ కూడా ఎప్పటిలానే వీరికి బ్యాడ్ సెంటిమెంట్ అయితే కంటిన్యూ అవుతోంది. మొదటి సినిమా అతడు ఆ తర్వాత వచ్చిన ఖలేజా రెండు కూడా అనుకున్న సమయానికి రిలీజ్ కాలేవు.

వివిధ కారణాల వలన అవి కూడా అనుకున్న డేట్ కంటే ఆలస్యంగానే థియేటర్లలోకి వచ్చాయి. అయితే ఆ రెండు ఎలాగోలా త్రివిక్రమ్ మహేష్ తో ఇబ్బంది లేకుండానే ఫినిష్ చేశాడు. కానీ ఈసారి మాత్రం మహేష్ బాబు కారణంగానే సినిమా షూటింగ్ ఆలస్యం అవుతున్నట్లుగా ఒక టాక్ అయితే వినిపిస్తోంది. ఎందుకంటే సినిమా మేకింగ్ విషయంలో మహేష్ సంతృప్తిగా లేడు అనే విధంగా కొన్ని గాసిప్స్ కూడా వచ్చాయి.

అయితే అందులో ఎలాంటి నిజం లేదని కూడా ఆ మధ్య నిర్మాత నాగ వంశీ అయితే క్లారిటీ ఇచ్చాడు. మహేష్ మాత్రమే కాదని అందరూ అనుకున్నట్లుగానే కొన్ని మార్పులు చేశామని కూడా అన్నారు. అయితే ఇటీవల మహేష్ బాబు మళ్ళీ సడన్ గా సినిమా షూటింగ్ కు బ్రేక్ ఇచ్చి ఫ్యామిలీతో కలిసి విదేశాలకు హాలిడే ట్రిప్ కు వెళ్ళాడు.

అయితే ఇప్పుడు మహేష్ బాబు లేకపోయినప్పటికీ కూడా గుంటూరు కారం సినిమాకు సంబంధించిన కొన్ని సీన్స్ ను పూర్తి చేసే పనిలో పడ్డట్లుగా తెలుస్తోంది. హీరో చైల్డ్ హుడ్ క్యారెక్టర్ కు సంబంధించిన సీన్స్ ను ప్రస్తుతం త్రివిక్రమ్ పూర్తి చేసే పనిలో బిజీగా ఉన్నట్లు సమాచారం. చాలామంది క్యారెక్టర్ ఆర్టిస్టులు కూడా ఆ షూటింగ్లో పాల్గొనబోతున్నారు.

ఇక చిన్నప్పుడు హీరోకు సంబంధించిన అన్ని రకాల సీన్స్ ను మహేష్ వచ్చేలోపు ఫినిష్ చేయాలని ఫిక్స్ అయినట్లుగా తెలుస్తోంది. వీలైనంతవరకు సినిమా షూటింగ్ ను ఇదే ఫినిష్ చేయాలి అని నిర్మాతలు, దర్శకుడు త్రివిక్రమ్ అనుకుంటున్నారు. ఎందుకంటే 2024 సంక్రాంతికి సినిమాను విడుదల చేయాలని ఒక ప్లాన్ అయితే సెట్ చేసుకున్నారు. ఒకవేళ ఆ డేట్ సెట్ అవ్వకపోతే మాత్రం గుంటూరు కారం వచ్చే ఏడాది సమ్మర్ కు వచ్చే అవకాశం ఉంటుంది.