ముగ్గుర్ని లైన్ లో పెట్టిన మెగాస్టార్!

మెగాస్టార్ చిరంజీవి క‌థానాయ‌కుడిగా న‌టిస్తోన్న 'భోళా శంక‌ర్' రిలీజ్ స‌మ‌యం ద‌గ్గ‌ర‌ప‌డుతోన్న సంగ‌తి తెలిసిందే. ఆగ‌స్టు లో సినిమా రిలీజ్ అవుతుంది. అయితే ఇంత‌వ‌ర‌కూ చిరు త‌దుప‌రి ప్రాజెక్ట్ ఏంటి? అన్న‌ది క్లారిటీ లేదు. ఓ సినిమా సెట్స్ లో ఉండ‌గానే రెండు..మూడు సినిమాలు ప్ర‌క‌టించే చిరు ఈసారి కాస్త దూకుడు త‌గ్గించిన‌ట్లు క‌నిపిస్తుంది. ద‌ర్శ‌కుల పేర్లు అయితే వినిపిస్తున్నాయి కానీ ఏ ద‌ర్శ‌కుడితో సినిమా చేస్తున్నారు? అన్న‌ది క్లారిటీ ఇవ్వ‌డం లేదు.

ఇప్ప‌టికే 'బింబిసార' ఫేం వ‌శిష్ట‌...క‌ల్యాణ్ కృష్ణ కుర‌సాల‌..అనీల్ రావిపూడి ముందు వ‌రుస‌లో ఉన్న‌ట్లు తెలుస్తోంది. ముగ్గురు క‌థ‌లతో చిరుని మెప్పించిరెడీగా ఉన్నారు. కానీ చిరంజీవి ఈ ముగ్గురిలో ఎవ‌రికి డేట్లు కేటాయించారు? అన్న‌ది క్లారిటీ లేదు.

తాజాగా అనీల్ సినిమా నిర్మాత దిల్ రాజు పేరు వినిపిస్తోంది. ఆయ‌నే చిత్రాన్ని ప్ర‌తిష్టాత్మ‌కంగా నిర్మించ‌డానికి ముందుకొచ్చారుట‌. రాజుగారి ఎంట్రీ తో చిరంజీవి అనీల్ కే డేట్లు ముందుగా ఇచ్చారు? అన్న కొత్త అంశం తెర‌పైకి వ‌స్తోంది.

ప్ర‌స్తుతం అనీల్ లీడింగ్ లో ఉన్నాడు. ఇప్ప‌టివ‌ర‌కూ ఆయ‌న‌కు వైఫ‌ల్యాలే ఎదుర‌వ్వ‌లేదు. స‌రిలేరు నీకెవ్వ‌రు సినిమాతో వంద కోట్ల వ‌సూళ్ల ద‌ర్శ‌కుల క‌బ్ల్ లోను చేరిపోయారు. ప్ర‌స్తుతం బాల‌య్య తో 'భ‌గ‌త‌వంత్ కేస‌రి' తెర‌కెక్కిస్తున్నాడు.

ఇలా సీనియ‌ర్ హీరోల నుంచి మ‌హేష్ రేంజ్ హీరోల్ని డైరెక్ట్ చేసిన అనుభ‌వం ఉంది. ఇక వ‌శిష్ట ఒక సినిమానే చేయ‌గా...క‌ళ్యాణ్ కృష్ణ మూడు నాలుగు సినిమాలు చేసిన‌ప్ప‌టి కీ ఆయ‌న‌కి స‌క్సెస్ రేట్ త‌క్కువ‌గా ఉంది.

ఈ నేప‌థ్యంలో చిరంజీవి అనీల్ వైపే ఆస‌క్తి చూపించ‌డానికి అవ‌కాశాలు ఎక్కువ‌గా క‌నిపిస్తున్నాయి.చిరంజీవి గ‌తంలో కొరాటాల శివ‌తో ఆచార్య చేసిన సంగ‌తి తెలిసిందే. అప్ప‌టికే కొర‌టాల వ‌రుస స‌క్సెస్ ల‌తో దూసుకుపోతున్నారు. ఆయ‌న స‌క్సెస్ ట్రాక్ చూసి చిరు పిలిచి మ‌రీ ఆచార్య సినిమాకి అవ‌కాశం ఇచ్చారు.ఇప్పుడు అనీల్ రావిపూడి కూడా అదే కోవ‌లో సీన్ లోకి వ‌చ్చాడు.