ప్రశాంత్ నీల్ తో ఎన్టీఆర్.. ప్లానింగ్ పెద్దదే..!

కన్నడ పరిశ్రమని పాన్ ఇండియా వైడ్ లో డిస్కషన్స్ లో నిలిచేలా చేశాడు KGF ప్రశాంత్ నీల్. అతను రాసుకున్న కె.జి.ఎఫ్ కథ నేషనల్ లెవెల్ లో ఆడియన్స్ కు రీచ్ అయ్యేలా చేశాడు. ఆ సినిమాతో యష్ పాన్ ఇండియా క్రేజ్ తెచ్చుకున్నాడు. KGF 1, 2 సినిమాలతో ప్రశాంత్ నీల్ డైరెక్షన్ టాలెంట్ ఏంటో తెలిసింది. ఆ సినిమా తర్వాత ప్రభాస్ తో సలార్ సినిమా ఫిక్స్ చేసుకున్నాడు. ప్రశాంత్ నీల్ మార్క్ ఎలివేషన్స్ లో ప్రభాస్ సినిమా వస్తే ఆ లెక్క వేరేలా ఉంటుంది. సలార్ 1 కూడా భారీ అంచనాలతో వస్తుంది.

ప్రశాంత్ నీల్ సలార్ సినిమాను కూడా రెండు పార్ట్ లతో వస్తుంది. సలార్ 1 ఈ నెల చివరన రిలీజ్ అనుకున్నారు కానీ అది కుదిరేలా లేదు. ఇదిలా ఉంటే ప్రశాంత్ నీల్ సలార్ 1 తర్వాత తను నెక్స్ట్ చేయబోతున్న తారక్ సినిమా లైన్ లో పెడతాడని టాక్. ఎన్.టి.ఆర్ ప్రశాంత్ నీల్ ఈ ఇద్దరు కలిసి చేస్తున్న సినిమా రేంజ్ ఎలా ఉంటుందో అర్థం చేసుకోవచ్చు. ఎన్.టి.ఆర్ తో కూడా కె.జి.ఎఫ్, సలార్ తరహా కథతోనే వీటికన్నా పెద్దగా గ్రాండియర్ గా ప్లాన్ చేస్తున్నారని తెలుస్తుంది.

పాన్ ఇండియా లెవెల్ లో ఊర మాస్ ఫాలోయింగ్ ఉన్న తారక్ కు ప్రశాంత్ నీల్ సినిమా పడితే అది వేరే లెవెల్ లో ఉంటుంది. అనుకున్నట్టుగానే ఈ సినిమా స్క్రిప్ట్ దశ నుంచి చాలా జాగ్రత్తగా ప్లాన్ చేస్తున్నాడట. ఈ సినిమాను కూడా ప్రశాంత్ నీల్ రెండు భాగాలుగా తెరకెక్కించే ఆలోచనలో ఉన్నట్టు తెలుస్తుంది. ప్రశాంత్ నీల్ ఎన్.టి.ఆర్ ఇద్దరు కలిసి ఇండియన్ ఆడియన్స్ కు ఒక గొప్ప సినిమాటిక్ ఎక్స్ పీరియన్స్ ని అందించాలని చూస్తున్నారు.

ప్రస్తుతం ఎన్.టి.ఆర్ కొరటాల శివ డైరెక్షన్ లో దేవర సినిమా చేస్తున్నాడు. ఆ సినిమా పూర్తి కాగానే ప్రశాంత్ నీల్ సినిమా సెట్స్ మీదకు వెళ్లనుంది. ఈ సినిమానే కాదు వార్ 2 కోసం కూడా నెక్స్ట్ ఇయర్ డేట్స్ ఇవ్వనున్నాడు ఎన్.టి.ఆర్. మరి ప్రశాంత్ నీల్ ఎన్.టి.ఆర్ కాంబో సినిమా ఎన్ని రికార్డులను కొల్లగొడుతుంది. ఎలాంటి సంచలనాలు సృష్టిస్తుంది అన్నది చూడాలి. RRR తర్వాత ఎన్.టి.ఆర్ కూడా వరుస పాన్ ఇండియా సినిమాలతో తన స్టామినా ప్రూవ్ చేసుకోవాలని చూస్తున్నాడు. ఎన్.టి.ఆర్, ప్రభాస్ ల తర్వాత ప్రశాంత్ నీల్ మళ్లీ KGF 3 కోసం పనిచేస్తాడని తెలుస్తుంది.