జగన్ ఫ్యామిలీపై పూనమ్ ట్వీట్... ఇంతలోనే ఎంత మార్పు?

ప్రముఖ నటి పూనమ్ కౌర్ గురించి ప్రత్యేకంగా పరిచయం అవసరం లేని సంగతి తెలిసిందే! గతంలో తెలుగులో పలు హిట్ సినిమాల్లో నటించిన ఆమె ప్రస్తుతం ఇండస్ట్రీకి దూరంగా ఉంటున్నారు. ఈ క్రమంలోనే సినిమాయేతర విషయాలపై స్పందిస్తూ వార్తల్లో నిలుస్తున్నారు. ఈ క్రమంలో గతంలో టాలీవుడ్ లో ఒక స్టార్ హీరోని, ఒక దర్శకుడిని టార్గెట్ చేస్తూ పోస్టులు పెట్టే ఆమె తాజాగా ఎన్నికల ఫలితాల అనంతరం మరోసారి జగన్ పై ట్వీట్ చేశారు.

అవును... ప్రముఖ నటి పూనమ్ కౌర్ తెలుగు ప్రేక్షకులకు సినిమా నటిగానే కాకుండా... పలు అంశాలపై ఆన్ లైన్ వేదికగా స్పందించే సెలబ్రెటీ నెటిజన్ గానూ బాగా పరిచయం అనే సంగతి తెలిసిందే. ఈ క్రమంలోనే ఒకానొక సమయంలో వైసీపీ అధినేత జగన్ సర్కార్ కు అనుకూలంగానూ ఆమె పలు పోస్టులు పెట్టారు. కోవిడ్ సమయంలో జగన్ సర్కార్ పెర్ఫార్మెన్స్ పై ఆమె ప్రశంసల జల్లులు కురిపించారు.అవి వైరల్ గా మారాయి.

ఈ క్రమంలో తాజాగా ఏపీ ఎన్నికల ఫలితాలపై ఇప్పటికే స్పందించిన ఆమె... వైసీపీ అధినేత జగన్ తో పాటు ఆయన కుటుంబ సభ్యులపైనా స్పందించారు. ఇందులో భాగంగా... గత ఎన్నికల్లో జగన్ విజయానికి భార్య భారతి, తల్లి విజయమ్మ, సోదరి షర్మిళ కీలక పాత్ర పోషించారు అని తెలిపిన పూనమ్... వారు తమదైన మార్గంలో సహనం, పట్టుదల నేర్పారని అన్నారు.

ఈ సమయంలో జగన్ కుటుంబ సభ్యులంతా ప్రేమ, శాంతితో ఉండాలని కోరుకుంటున్నట్లు పూనమ్ ట్వీట్ చేశారు. ఈ నేపథ్యంలో ఈ ట్వీట్ ఇప్పుడు ఆసక్తికరంగా మారింది.

కాగా... ఇప్పటికే ఏపీలో ఎన్నికల ఫలితాలపై స్పందించిన పూనమ్... వైసీపీ ఎలక్షన్ నినాదం "వైనాట్ 175" పై సెటైరికల్ గా స్పందించారు! ఇందులో భాగంగా... "వై నాట్ 175 అనే విషయాన్ని ఏపీ ప్రజలు చాలా సీరియస్ గా తీసుకున్నట్లున్నారు" అని ఇన్ స్టాలో స్పందిస్తూ... #ఆంధ్రప్రదేశ్ ను జోడించారు.