ఘోర ఘటన వీడియో... రీల్స్ చేస్తుండగా తల తెగి యువకుడు మృతి!

ఎవరిని ఎప్పుడు ఎలా మృత్యువు కాటేస్తుందనేది ఎవరికీ తెలియదు! జాగ్రత్తగా లేకపోతే ప్రమాదం ఎప్పుడూ పక్కనే పొంచి ఉంటుంది! ఈ క్రమంలో తాజాగా నలుగురు స్నేహితులతో సరదాగా గడుపుతున్నట్లు కనిపిస్తూ.. రీల్స్ ప్రాక్టీస్ చేస్తున్నట్లు స్లో మోషన్ లో నడుచుకుంటూ వచ్చిన ఓ యువకుడు ఊహించని రీతిలో మృతువాత పడ్డాడు.

అవును... ఓ షాకింగ్ వీడియో ఇప్పుడు నెట్టింట వైరల్ గా మారింది. అప్పటివరకూ సరదాగా ఉన్న ప్రాంతం ఒక్కసారిగా రక్తసిక్తమైన ఘటన కలకలం రేపుతోంది. తాజాగా ఓ 20 ఏళ్ల యువకుడు రీల్ కోసం ట్రై చేస్తున్నట్లు కనిపిస్తూ.. దుర్మరణం పాలయ్యాడు. యూపీలోని ఆగ్రాలో వెలుగు చూసిన ఈ ఘటన ఇప్పుడు తీవ్ర భయానకంగా ఉంది.

వివరాళ్లోకి వెళ్తే... ఉత్తరప్రదేశ్ లోని ఆగ్రాకు చెందినదిగా చెబుతున్న వీడియో ఒకటి ఇప్పుడు వైరల్ గా మారింది. ఈ వీడియోలో.. ఐదుగురు యువకులు కనిపిస్తున్నారు. వీరిలో ఇద్దరు యువకులు కూర్చుని ఫోన్ చూస్తూ, ఎదురుగా ఉన్న యువకుడితో మాట్లాడుతుండగా.. ఓ యువకుడు షాపు షట్టర్ తెరవడానికి రెడీ అవుతున్నాడు.

ఈ సమయంలో మరో యువకుడు కుర్చున్న యువకులకు ఎదురుగా నిలబడి డ్యాన్స్ ప్రాక్టీస్ చేస్తున్నట్లు కనిపించాడు. ఇందులో భగంగా స్లో మోషన్ లో నడుస్తూ ముందుకు కదిలాడు.. ఈ సమయంలో తన ఎదురుగా ఉన్న గ్యాలరీలో అమర్చిన ఇనుప నెట్ ను పైకి లేపాడు. అయితే.. దాని అతడు బ్యాలెన్స్ చేయలేకో, కాలుజారో కానీ లోపలకు పడిపోయాడు.

దీంతో బరువైన ఆ ఇనుప నెట్ అతడిపై పడి తల తెగి పడినట్లు తెలుస్తోంది! ఈ సమయంలో అతడు మూడో అంతస్తు నుంచి కింద పడిపోయాడు! దీంతో అక్కడున్న మిగతా యువకులు అతడిని కాపాడేందుకు పరుగులు తీశారు. అయితే... అప్పటికే ఆ యువకుడి రక్తపుమడుగులో పడి మృతి చెందాడని అంటున్నారు! అక్కడ నేలంతా నెత్తుటితో నిండిపోయింది.

దీనికి సంబంధించిన వీడియోలు సంచలనంగా మారాయి. కొత్వాల్ పోలీస్ స్టేషన్ పరిధిలోని బులియన్ మార్కెట్ లో ఈ ఘోరం జరిగింది. పోలీసులు కేసు నమోదు చేసి దర్యాప్తు చేస్తున్నారని అంటున్నారు!