ఇండస్ట్రీలో తీవ్ర విషాదం.. ప్రముఖ సింగర్ మృతి!

సినిమా ఇండస్ట్రీలో ఇటీవల కాలంలో ఆత్మహత్యల ఘటనలు తరచూ వినిపిస్తున్న సంగతి తెలిసిందే. ఈ క్రమంలో తాజాగా సినిమా ఇండస్ట్రీలో మరో తీవ్ర విషాదం నెలకొంది. ఇందులో భాగంగా... ఉత్తరప్రదేశ్‌ కు చెందిన ప్రముఖ సింగర్ విజయ్ లక్ష్మి అలియాస్ మల్లికా రాజ్‌ పుత్ అనుమానాస్పద స్థితిలో మృతిచెందింది. దీంతో ఒక్కసారిగా స్థానిక ఇండస్ట్రీలో తీవ్ర కలకలం రేగింది.

అవును... ప్రముఖ సింగర్ మల్లికా రాజ్ పుత్ అనుమానాస్పద స్థితిలో మృతి చెందింది. ఇందులో భాగంగా ఆమె ఆమె ఇంటి గదిలో ఫ్యాన్‌ కు వేలాడుతూ కనిపించిందని పోలీసులు వెల్లడించారు. ప్రాథమికంగా మాత్రం అనుమానాస్పద మృతిగా భవిస్తున్నట్లు తెలిపిన పోలీసులు... మృతదేహాన్ని పోస్టు మార్టానికి తరలించారు!!

సింగర్‌ గా కెరీర్ ప్రారంభించి, నటిగానూ రాణిస్తున్న మల్లికా రాజ్‌ పుత్‌... కొత్వాలి పోలీస్ స్టేషన్ పరిధిలోని సీతాకుండ్ ప్రాంతంలోని ఆమె ఇంటి గదిలో ఫ్యాన్‌ కు వేలాడుతూ కనిపించారు! రాత్రి కుటుంబ సభ్యులు నిద్రిస్తున్న సమయంలో ఈ ఘటన జరిగినట్లు మల్లిక తల్లి సుమిత్రా సింగ్ చెబుతున్నారు. ఈ సంఘటనపై మరింతగా స్పందించిన ఆమె... ఈ సంఘటన ఎప్పుడు జరిగిందో తనకు తెలియదని.. తన గదిలో తాను పడుకున్నానని తెలిపారు.

అయితే ఎంతసేపటికీ తన కుమార్తె గదిలో లైట్ వెలుగుతుండడంతో అనుమానం వచ్చి తలుపు తీసేందుకు ప్రయత్నించగా.. ఎంతకు డోర్ తీయలేదని.. దీంతో కిటికీలో నుంచి చూడగా.. ఫ్యాన్‌ కు వేలాడుతూ తన కూతురు కనిపించిందని తెలిపారు. దీంతో... వెంటనే తన భర్తతో పాటు స్థానికులతో కలిసి మల్లికను ఆసుపత్రికి తరలించినట్లు తెలిపారు. అయితే అప్పటికే ఆమె చనిపోయిందని వైద్యులు చెప్పారని ఆమె వెల్లడించారు.

కాగా.. సింగర్‌ గా కెరీర్ ప్రారంభించిన మల్లికా రాజ్‌ పుత్‌.. అనంతరకాలంలో నటిగా కూడా రాణిస్తున్నారు. ఈ క్రమంలో బాలీవుడ్‌ లోనూ ఆమె పలు సూపర్ హిట్ సాంగ్స్ పాడారు. అయితే... కెరీర్ మంచి ఫాం లో ఉండగా 35 ఏళ్లకే ఆమె చనిపోవడంతో వారి కుటుంబసభ్యులు తీవ్ర విషాదంలో మునిగిపోయారు. అభిమానులు ఆన్ లైన్ వేదికగా ఆమె ఆత్మకు శాంతి చేకూరాలని ప్రార్థిస్తున్నారు.