అఖిల్ పహిల్వాన్ వ్యభిచారం కేసు... తెరపైకి సినీ ఇండస్ట్రీతో సంబంధాలు!!

అఖిల్ పహిల్వాన్ అనే పేరు హైదరాబాద్‌ లో ఉండే చాలామందికి తెలుసనే సంగతి తెలిసిందే! ప్రధానంగా బోనాల జాతర సందర్భంగా ఈ పహిల్వాన్ చేసే హడావిడి అంతా ఇంతా కాదు! ఆ సంగతి అలా ఉంటే... తాజాగా ఈ పహిల్వాన్ ఆధ్వర్యంలోనే జరుగుతున్న వ్యభిచార వ్యవహారం షాకింగ్ విషయాలతో వెలుగులోకి వచ్చింది! ఈ సందర్భంగా అఖిల్ పహిల్వాన్ వ్యభిచార అరెస్ట్ కేసులో కొత్త కోణాలు వెలుగుచూస్తున్నాయి.

అవును... హైదరాబాద్ రాంనగర్ అఖిల్ పహిల్వాన్ వ్యభిచార అరెస్ట్ కేసులో పోలీసులు అతడి గతాన్ని తవ్వే పనిలో ఉన్నారని తెలుస్తుంది. ఈ సమయంలో అతడి పాత ట్రాక్ రికార్డ్ బయటికి తీస్తున్న పోలీసులకు దిమ్మతిరిగే వాస్తవాలు తెలుస్తున్నాయని తెలుస్తుంది. ఇందులో భాగంగా... అతడి మొబైల్ ఫోన్ లో జాతీయ, అంతర్జాతీయ వ్యభిచార ముఠా నిర్వాహకుల ఫోన్ నెంబర్లు ఉన్నాయని పోలీసులు గుర్తించారని తెలుస్తుంది.

అంతేకాకుండా... ఆ వ్యభిచార ముఠా నిర్వాహకులతో రోజుకి కనీసం 20 - 30 కాల్స్ మాట్లాడినట్లు పోలీసులు గుర్తించారని అంటున్నారు! ఈ క్రమంలోనే సుమారు పశ్చిమ బెంగాల్ కు చెందిన పదహారు మంది అమ్మాయిలతో ఓ హోటల్ లో 25 రోజులుగా ఇతడు వ్యభిచారం చేయిస్తున్నట్లు పోలీసులు చెబుతున్నారని సమాచారం!

శుక్రవారం రాత్రి రాత్రి అబిడ్స్ లోని ఓ హోటల్ లో హైటెక్ వ్యవభిచారం జరుగుతున్నట్లు సమాచారం అందుకున్న టాస్క్ ఫోర్స్ పోలీసులు తనిఖీలు చేపట్టారు. ఈ సమయంలో... రాంనగర్ అఖిల్ పహిల్వాన్ ఆధ్వర్యంలో ఈ వ్యవహారం జరుగుతున్నట్లు పోలీసులు గుర్తించారని తెలుస్తుంది. దీంతో పోలీసులు అఖిల్ ను అరెస్ట్ చేశారు. ఇదే సమయంలో... అతడితోపాటు 16మంది అమ్మాయిలు, నలుగురు విటులు, ఇద్దరు ఆర్గనైజర్లను అదుపులోకి తీసుకున్నారని.. 25 సెల్ ఫోన్లను స్వాధీనం చేసుకున్నారని తెలుస్తుంది.

ఈ సమయంలో... అఖిల్ పహిల్వాన్ గడిచిన కొన్నేళ్లుగా ఈ దందా చేస్తున్నట్లు పోలీసులు చెబుతున్నారని తెలుస్తుంది.

ఈ క్రమంలో ఇప్పుడు పోలీసులు అదుపులోకి తీసుకున్న 16మంది వెస్ట్ బెంగాల్ అమ్మాయిలతోనే కాకుండా.. స్థానికంగా సినిమా ఇండస్ట్రీకి సంబంధించిన వారితో కూడా అఖిలేష్ కు సన్నిహిత సంబంధాలు ఉన్నట్లు ఆరోపణలు వినిపిస్తున్నాయి! దీంతో ఈ కేసు విషయంలో దర్యాప్తును పోలీసులు ముమ్మరం చేశారని తెలుస్తుంది.