కోటీశ్వరుడి 140 కి.మీ.ల పాదయాత్ర కథ

భార‌త‌దేశంలో అత్యంత సంప‌న్న‌మైన కుటుంబాల్లో ఒక‌టి అంబానీ ఫ్యామిలీ. వ్యాపార దిగ్గ‌జం ముఖేష్ అంబానీ త‌న‌యుడు అనంత్ అంబానీ ఎప్పుడూ వార్త‌ల్లో నిలుస్తూనే ఉంటారు. అయితే ఈసారి ఆయ‌న ఒక అనూహ్య‌మైన విష‌యంతో అంద‌రి దృష్టిని ఆక‌ర్షించారు. ఎండ‌క‌న్నెరుగ‌ని జీవితాన్ని గ‌డిపే అనంత్ అంబానీ ఇప్పుడు ఏకంగా 140 కిలోమీట‌ర్ల దూరం పాద‌యాత్ర చేస్తున్నారు. గుజ‌రాత్‌లోని జామ్ న‌గ‌ర్ నుంచి ప్ర‌ఖ్యాత కృష్ణ క్షేత్రం ద్వార‌క‌కు ఆయ‌న కాలిన‌డ‌క‌న ప్ర‌యాణిస్తున్నారు. ఈ పాద‌యాత్ర‌కు సంబంధించిన విష‌యాలు నెట్టింట్లో వైర‌ల్ అవుతున్నాయి. ఒక‌వైపు ఆయ‌న చేస్తున్న ఈ సాహ‌సానికి అంద‌రూ ఆశ్చ‌ర్య‌పోతుంటే.. మ‌రోవైపు ఎందుకు ఆయ‌న ఇంత క‌ష్ట‌మైన ప్ర‌యాణాన్ని ఎంచుకున్నార‌నే ప్ర‌శ్న అంద‌రి మ‌న‌స్సుల్లో మెదులుతోంది.

-రాత్రిపూట మాత్ర‌మే పాద‌యాత్ర‌.. ప్ర‌భుత్వ సూచ‌న‌లు!

అనంత్ అంబానీ పాద‌యాత్ర సాఫీగా సాగేందుకు ప్ర‌భుత్వం కూడా త‌గిన ఏర్పాట్లు చేసింది. జ‌నాలు ర‌ద్దీగా ఉండే స‌మ‌యాల్లో ఆయ‌న న‌డ‌వ‌డం లేదు. కేవ‌లం రాత్రి 11 గంట‌ల త‌ర్వాత నుంచి ఉద‌యం 6 గంట‌ల వ‌ర‌కు మాత్ర‌మే ఆయ‌న పాద‌యాత్ర చేస్తున్నారు. దీనికి ముఖ్య కార‌ణం ఆయ‌న వ్య‌క్తిగ‌త భ‌ద్ర‌త‌ను కాపాడ‌టం.. ట్రాఫిక్ స‌మ‌స్య‌లు త‌లెత్త‌కుండా చూడ‌టం. గుజరాత్ ప్ర‌భుత్వం తీసుకున్న ఈ నిర్ణ‌యంతో అనంత్ అంబానీ ఎలాంటి ఇబ్బందులు లేకుండా త‌న యాత్ర‌ను కొన‌సాగిస్తున్నారు.

-ఎందుకీ పాద‌యాత్ర‌? అస‌లు కార‌ణం ఇదే!

అయితే అనంత్ అంబానీ ఈ పాద‌యాత్ర ఎందుకు చేస్తున్నార‌నే విష‌యంపై చాలా మందికి స్ప‌ష్ట‌త లేదు. కానీ ఇప్పుడు దీనికి సంబంధించిన అస‌లు కార‌ణం బ‌య‌ట‌కొచ్చింది. ఈ నెల 10న అనంత్ అంబానీ త‌న 30వ పుట్టిన‌రోజును జ‌రుపుకోనున్నారు. ఈ సంద‌ర్భంగా ఆయ‌న ద్వార‌క చేరుకుని అక్క‌డి కృష్ణుడికి ప్ర‌త్యేక పూజ‌లు చేయాల‌ని నిర్ణ‌యించుకున్నారు. అందుకే ఆయ‌న జామ్ న‌గ‌ర్ నుంచి ద్వార‌క వ‌ర‌కు 140 కిలోమీట‌ర్ల దూరాన్ని కాలిన‌డ‌క‌న చేరుకునే ప్ర‌య‌త్నం చేస్తున్నారు.

-అనంత్ అంబానీ గురించి కొన్ని విశేషాలు..

అనంత్ అంబానీ గురించి కొత్త‌గా ప‌రిచ‌యం చేయాల్సిన అవ‌స‌రం లేదు. ఆయ‌న ముఖేష్ అంబానీ కుమారుడు. ప్ర‌స్తుతం జియోతో స‌హా రిల‌యెన్స్‌కు చెందిన ప‌లు కంపెనీల్లో డైరెక్ట‌ర్‌గా బాధ్య‌త‌లు నిర్వ‌ర్తిస్తున్నారు. ఇటీవ‌ల ఆయ‌న దేశంలోనే అత్యంత ఖ‌రీదైన వివాహం ద్వారా సెన్సేష‌న్ అయ్యారు. అంతేకాదు ప్ర‌ధాని న‌రేంద్ర మోదీని త‌న ప్రైవేట్ జూ 'వంతార'కు ఆహ్వానించి ఆయ‌న‌తో ఒక రోజంతా గ‌డిపారు. ఇప్పుడు త‌న పాద‌యాత్ర‌తో మ‌రోసారి వార్త‌ల్లో నిలిచారు.

-ద్వార‌క‌లో పుట్టిన‌రోజు వేడుక‌లు..

అనంత్ అంబానీకి జ‌డ్ ప్ల‌స్ కేట‌గిరీ భ‌ద్ర‌త ఉంది. ఇంత భ‌ద్ర‌త ఉన్న వ్య‌క్తులు సాధార‌ణంగా రాజ‌కీయ పాద‌యాత్ర‌లు చేస్తుంటారు. కానీ అనంత్ అంబానీ రాజ‌కీయ నాయ‌కుడు కాదు. ఆయ‌న చేస్తున్న‌ది ఒక ఆధ్యాత్మిక పాద‌యాత్ర‌. త‌న 30వ పుట్టిన‌రోజు నాటికి ద్వార‌క చేరుకోవాల‌నే సంక‌ల్పంతో ఆయ‌న ఈ యాత్ర‌ను ప్రారంభించారు. ఏప్రిల్ 10న ఆయ‌న పుట్టిన‌రోజు కావ‌డంతో ఆ రోజు ద్వార‌క‌లో ప్రత్యేక పూజ‌లు నిర్వ‌హించ‌నున్నారు.

-రాత్రిపూట మాత్ర‌మే యాత్ర‌.. ఎందుకంటే?

మార్చి 27న అనంత్ అంబానీ త‌న పాద‌యాత్ర‌ను ప్రారంభించారు. జామ్ న‌గ‌ర్ నుంచి ద్వార‌క‌కు ఉన్న 140 కిలోమీట‌ర్ల దూరాన్ని ఆయ‌న రోజుకు 15 నుంచి 20 కిలోమీట‌ర్ల మేర న‌డుస్తున్నారు. జ‌డ్ ప్ల‌స్ భ‌ద్ర‌త ఉన్న వ్య‌క్తి రోడ్డుపైకి వ‌చ్చి యాత్ర చేస్తే ట్రాఫిక్ జామ్ ఏర్ప‌డే అవ‌కాశం ఉంది. ప్ర‌జ‌లు ఇబ్బంది ప‌డ‌కుండా ఉండేందుకే ఆయ‌న రాత్రి స‌మ‌యంలో మాత్ర‌మే యాత్ర చేస్తున్నారు. తెల్ల‌వారుజామున త‌న యాత్ర‌ను ముగించి ప‌గ‌టిపూట విశ్రాంతి తీసుకుంటున్నారు.

-మందీమార్బ‌లం.. భ‌ద్ర‌తా సిబ్బందితో క‌లిసి..

అనంత్ అంబానీ వెంట దాదాపు 100 మంది సిబ్బంది ఈ యాత్ర‌లో పాల్గొంటున్నారు. వారిలో కొంద‌రు ఆయ‌న‌కు కావాల్సిన ఏర్పాట్లు చూసుకుంటుంటే.. మ‌రికొంద‌రు వాహ‌నాల్లో ఆయ‌న్ను అనుస‌రిస్తున్నారు. ఇంకొంద‌రు ప్రైవేట్ సెక్యూరిటీ సిబ్బంది. దారి పొడ‌వునా ఎలాంటి ఇబ్బందులు త‌లెత్త‌కుండా వీరంతా ముందు జాగ్ర‌త్త‌లు తీసుకుంటున్నారు.

-భార్య కూడా ద్వార‌క‌కు..

ఏప్రిల్ 8 నాటికి అనంత్ అంబానీ భార్య రాధికా మర్చంట్ కూడా ద్వార‌క చేరుకుంటారు. ఆ త‌ర్వాత ఒక‌ట్రెండు రోజుల్లో అనంత్ అంబానీ కూడా పాద‌యాత్ర ద్వారా అక్క‌డికి చేరుకుంటారు. ఏప్రిల్ 10న అనంత్ అంబానీ పుట్టిన‌రోజు సంద‌ర్భంగా ఇద్ద‌రూ క‌లిసి ద్వార‌క‌లో ప్ర‌త్యేక పూజ‌లు నిర్వ‌హిస్తారు.

అధిక బ‌రువు స‌మ‌స్య‌, ఇత‌ర ఆరోగ్య స‌మ‌స్య‌లు ఉన్న‌ప్ప‌టికీ అనంత్ అంబానీ ప్ర‌తిరోజూ 10 నుంచి 15 కిలోమీట‌ర్లు న‌డుస్తుండ‌టం నిజంగా ఆశ్చ‌ర్య‌క‌ర‌మ‌ని నెటిజ‌న్లు అంటున్నారు. ఆయ‌న సంక‌ల్ప శ‌క్తికి అంద‌రూ హ్యాట్సాఫ్ చెబుతున్నారు. మొత్తానికి అనంత్ అంబానీ త‌న 30వ పుట్టిన‌రోజును ద్వార‌క‌లో జ‌రుపుకోవాల‌నే త‌ప‌న‌తో చేస్తున్న ఈ పాద‌యాత్ర ఇప్పుడు దేశ‌వ్యాప్తంగా ఒక ఆస‌క్తిక‌ర‌మైన అంశంగా మారింది.