అనంతబాబు డర్టీ పిక్చర్!... గుట్టు తేల్చనున్నారా?

వైసీపీ ఎమ్మెల్సీ అనంతబాబు అసభ్యంగా ప్రవర్తిస్తున్నట్లు ఉన్న ఓ వీడియో తాజాగా వెలుగులోకి వచ్చి వైరల్ అవుతుంది. దీనిపై రకరకాల కామెంట్లు తెరపైకి వస్తున్నాయి. ప్రస్తుతం సోషల్ మీడియాలో వైరల్ అవుతున్న ఓ వీడియో కాల్ లో ఎమ్మెల్సీ అనంతబాబు అవతలి వారితో మాట్లాడుతూ, ముద్దులు పెట్టడంతోపాటు జుగుప్సాకరంగా ప్రవర్తించినట్లుగా ఉంది.

దీనిపై స్పందించిన ఆయన... ఈ విషయాన్ని కొట్టిపారేస్తున్నారు. అదంతా మార్ఫింగ్ వీడియో అని చెబుతున్నారు. వీడియో కాల్ లో పిల్లలకు ముద్దులు పెట్టిన వాటిని ఎడిట్ చేసి, మార్ఫింగ్ చేసి కొన్ని నెలలుగా తనను ఒకరు బ్లాక్ మెయిల్ చేస్తున్నారని చెప్పుకొచ్చారు. తన వీడియోలను మార్ఫింగ్ చేసి, దుష్ప్రచారానికి పాల్పడుతున్న వారిపై విచారించి, చర్యలు తీసుకోవాలని పోలీస్ స్టేషన్ లో ఫిర్యాదు చేశారు.

అయితే... గతంలో గోరంట్ల మాధవ్ వ్యవహారంలోనూ ఇలాగే జరిగిందని గుర్తుచేస్తున్నారు నెటిజన్లు. అప్పట్లోనూ ఆయన వీడియో ఒకటి వైరల్ అవ్వగా... అప్పట్లో సీఐడీ చీఫ్ గా ఉన్న సునీల్ కుమార్ రంగంలోకి దిగి అది ఫేక్ వీడియో అని సర్టిఫికెట్ ఇచ్చారు! అప్పుడంటే... సర్కార్ వారిది కాబట్టి అలా సర్టిఫికెట్ ఇచ్చి ఉంటారనే కామెంట్లు వినిపించాయి! ఈ సమయంలో అనంతబాబు వీడియో పరిస్థితి హాట్ టాపిక్ గా మారింది.

అవును... తన వీడియో మార్ఫింగ్ చేశారని వైసీపీ ఎమ్మెల్సీ అనంతబాబు తాజాగా అల్లూరి సీతారామరాజు జిల్లా అడ్డతీగల పోలీస్ స్టేషన్ లో ఫిర్యాదు చేశారు. దీంతో.. ఈ వీడియో తనది కాదని చెప్పుకుంటున్న అనంతబాబు అభ్యర్థనను పోలీసులు పరిగణలోకి తీసుకోవాలని.. దాని గుట్టు తేల్చాలని కోరుతున్నారు నెటిజన్లు.

పైగా తన ఫిర్యాదులో అలాంటి వీడియో ఒకటి తన దగ్గర ఉందని.. కొంతకాలంగా ఓ వ్యక్తి ఆ వీడియో ద్వారా తనను బెదిరిస్తున్నాడని పేర్కొన్నట్లు తెలుస్తోంది. దీంతో... ఆ వీడియోలో ఉన్నది తానే కానీ.. ముద్దులు పెడుతున్నది మాత్రం అవతలి వారికి కాదు, పిల్లలకు పెడుతున్న వీడియోని కట్ చేశారని చెబుతున్నట్లేనా అనేది మరో ఆసక్తికరమైన అంశంగా మారింది. మరి పోలీసులు ఎప్పటిలోగా ఇది మార్ఫింగా.. ఒరిజినల్ ఆ అనేది తేలుస్తారనేది వేచి చూడాలి.

కాగా... తన దగ్గర పనిచేసిన డ్రైవర్ సుబ్రహ్మణ్యాన్ని హత్య చేసి, డోర్ డెలివరీ చేసిన కేసులో నిందితుడైన అనంతబాబు.. ప్రస్తుతం బెయిల్ పై బయట ఉంటున్న సంగతి తెలిసిందే!