రూ.200 కోసం పోలీస్ తో పోరాడిన ఆర్మీ మ్యాన్... వీడియో వైరల్!

అభివృద్ధి చెందుతున్న భారతదేశాన్ని పట్టి పీడిస్తున్న సమస్యల గురించి చాలా మంది చాలా చెబుతారనే సంగతి తెలిసిందే. అయితే... వీటితో పాటు ప్రభుత్వ అధికారుల దోపిడీ కూడా ఒక కారణమని స్వీయానుభవం ఉన్నవారు నొక్కి చెబుతుంటారు. ఈ క్రమంలో తాజాగా ఓ పోలీసుతో రూ.200 కోసం పోరాడిన ఆర్మీ మ్యాన్ కి సంబంధించిన వీడియో నెట్టింట వైరల్ గా మారింది.

అవును... నెట్టింట ఓ వీడియో వైరల్ అవుతోంది. ఈ వీడియో చూసినవారు తమ ఆగ్రహాన్ని కామెంట్స్ సెక్షన్ లో చూపిస్తున్నారు. ఇలాంటి వాటిని తీవ్రంగా ఖండించాలని చెబుతున్నారు. అదనపు డబ్బులు వసూలు చేస్తున్న పోలీసుపై పోరాడిన ఆర్మీ మ్యాన్ పై ప్రశంసలు కురిపిస్తున్నారు. ఈ నేపథ్యంలో.. అసలు ఏమి జరిగిందనేది ఇప్పుడు చూద్దామ్...!

తాజాగా వైరల్ అవుతోన్న వీడియో... ఒక పోలీసు, ఒక ఆర్మీ మ్యాన్, ఒక పౌరుడికి మధ్య జరుగుతున్న పోరాటానికి సంబంధించినది. ఈ ఘటనలో రైలులోని ఓ పోలీసు.. ప్రయాణికుడి నుంచి రూ.200 అడిగాడు. దీంతో... ఆర్మీ మ్యాన్ రియాక్ట్ అయ్యారు. ఆ డబ్బులు ఇచ్చినందుకు ఆ వ్యక్తిని తిట్టడంతో పాటు పోలీసును ప్రశ్నించాడు.

ఈ సమయంలో... అదనపు డబ్బులు వసూల్ చేస్తున్న పోలీసుకు - ఆర్మీ మ్యాన్ కు మధ్య తీవ్ర వాగ్వాదం జరిగింది. దీనికి సంబంధించిన వీడియో సోషల్ మీడియాలో హల్ చల్ చేస్తోంది. దీనిపై నెటిజన్లు ఆగ్రహం వ్యక్తం చేస్తూ కామెంట్లు పెడుతున్నారు. ఈ సందర్భంగా... సదరు ఆర్మీ మ్యాన్ కు మద్దతుగా నిలబడుతున్నారు.

ఈ సందర్భంగా స్పందించిన ఓ యూజర్... సదరు సైనికుడికి సెల్యూట్ అని చెబుతూ.. అలాంటి పోలీసులే ఈ సమాజానికి చీడ పురుగులు అని కామెంట్ చేయగా... ఈ తరహా వేదింపులకు ముగింపు ఎప్పుడో? అని మరొకరు స్పందించారు.