నెంబర్ 28... ట్రంప్ పై స్విస్ మోడల్ లిప్ కిస్ ఆరోపణలు!

నవంబర్ 5న అమెరికా అధ్యక్ష ఎన్నికలు జరగనున్న సంగతి తెలిసిందే. ఈ సమయంలో డొనాల్డ్ ట్రంప్ పై వస్తోన్న మిగిలిన ఆరోపణలు, విమర్శలన్నీ ఒకెత్తు అయితే... లైంగిక వేధింపులకు సంబంధించి వస్తోన్న ఆరోపణలు మరొకెత్తు అన్నట్లుగా ఉందనే అనుకోవాలి! ఈ నేపథ్యంలో తాజాగా ఓ స్విస్ మోడల్ నుంచి ట్రంప్ పై సంచలన ఆరోపణలు వచ్చాయి.

అవును... అమెరికా మాజీ అధ్యక్షుడు, రిపబ్లికన్ అభ్యర్థి డొనాల్డ్ ట్రంప్ పై ఇప్పటికే పలు లైంగిక ఆరోపణలు వచ్చిన సంగతి తెలిసిందే. ఈ నెపథ్యంలో తాజాగా మరో సరికొత్త ఆరోపణ తెరపైకి వచ్చింది. ఇందులో భాగంగా.. 1993లో మాజీ మిస్ స్విట్జర్లాండ్ బీట్రైస్ కీల్ సంచలన ఆరోపణలు చేశారు. డొనాల్డ్ ట్రంప్ తనను అనుచితంగా తాకి, పెదాలపై ముద్దుపెట్టారని ఆమె ఆరోపించింది.

నివేదికల ప్రకారం... "ప్రైవేట్ టాక్" అనే నెపంతో న్యూయార్క్ లోని ప్లాజా హోటల్ లో డొనాల్డ్ ట్రంప్ సూట్ కు తనను ఆహ్వానించినట్లు బీట్రైస్ కీల్ పేర్కొంది. ఈ సమయంలో ట్రంప్ తనపైకి దూకి.. తనను గట్టిగా పట్టుకున్నాడని.. తన సమ్మతి లేకుండా.. పెదవులు, మెడపై ముద్దు పెట్టుకున్నాడని ఆమె తెలిపింది!

ఈ సమయంలో యూఎస్ లో ఆమె ప్లాన్స్ గురించి అడిగిన ట్రంప్... న్యూయార్క్ యూనివర్శిటీలో ఆమె ప్లేస్ మెంట్ పొందడంలో సహాయపడటానికి ఆఫర్ ఇచ్చాడని చెబుతున్నారు. అయితే.. ఆ సమయంలో వారం రోజుల్లో అందాల పోటీలు ఉండటంతో ఈ విషయాన్ని ఎవరికీ వెల్లడించలేదని ఆమె చెబుతున్నారు!

ఈ కీల్ ఆరోపణలపై ట్రంప్ టీమ్ స్పందించింది. ఇందులో భాగంగా... వైస్ ప్రెసిడెంట్ కమలా హారిస్ భర్త డౌగ్ ఎం హోఫ్ చుట్టూ ఉన్న వివాదాల నుంచి దృష్టిని మళ్లించడానికే వ్యూహాత్మకంగా ఈ విషయాలు తెరపైకి తెస్తున్నారని.. ఇవి పూర్తిగా తప్పుడు ఆరోపణలని తోసి పుచ్చారు.. ట్రంప్ నేషనల్ ప్రెస్ సెక్రటరీ కరోలీన్ లీవిట్!

కాగా.. అమెరికా మజీ అధ్యక్షుడు, రిపబ్లికన్ పార్టీ అభ్యర్థి డొనాల్డ్ ట్రంప్ పై ఇలంటి ఆరోపణలు రావడం ఇదే తొలిసారి కాదు. ఇప్పటివరకూ 27 మంది మహిళలు అతనిపై రకరకాల లైంగిక దుష్ప్రవర్తనకు పాల్పడ్డారనే ఆరోపణలు చేశారు. ఈ జాబితాలో తాజాగా ఈ స్విస్ మోడల్ కీల్ కూడా చేరారు!