వరల్డ్ బెస్ట్ షార్ప్‌ షూటర్‌... రికార్డ్ డిస్టెన్స్ లో పెర్ఫెక్ట్ షాట్!

2022 ఫిబ్రవరిలో సైనిక చర్య పేరుతో ఉక్రెయిన్‌ పై రష్యా దండయాత్రకు దిగిన సంగతి తెలిసిందే. ఇలా దాదాపు ఏడాదిన్నరకు పైగా ఉక్రెయిన్‌ సైన్యం తమ భూభాగంలోకి అడుగుపెట్టిన రష్యా దళాలతో పోరు సాగిస్తోంది. ఈ క్రమంలో తాజాగా ఓ ఉక్రెయిన్‌ షార్ప్‌ షూటర్‌.. చాలా దూరం నుంచే రష్యా సైనికుడిని కాల్చివేసినట్లు తెలుస్తోంది. ఈ విషయాన్ని ఉక్రెయిన్ మీడియా వెల్లడించింది.

అవును... ఒక ఉక్రెయిన్ స్నైపర్ ఏకంగా రెండున్నర మైళ్ల (3.8 కిలోమీటర్లు) దూరం నుంచి షూట్ జరిపినట్లు ఉక్రెయిన్‌ మీడియా కథనాలు వెల్లడించాయి. ఇప్పుడు ఇది తాజా రికార్డ్ అని, గతంలో ఉన్న రికార్డులను ఈ స్నైపర్ చెరిపివేసిందని ఉక్రెయిన్ మీడియా రాసుకొస్తుంది. గతంలో ఉన్న 3.54కి.మీ. స్నైపర్ రికార్డ్ ఇక్కడితో చెరిగిపోయిందని అంటుంది.

వివరాళ్లోకి వెళ్తే... ఉక్రెయిన్‌ సెక్యూరిటీ సర్వీసెస్‌ విభాగానికి చెందిన ఓ స్నైపర్‌ ఏకంగా 3.8 కిలోమీటర్ల దూరంలో ఉన్న రష్యా సైనికుడిని కాల్చి చంపినట్లు ఆ విభాగం ధ్రువీకరించింది. దీంతో షార్ప్‌ షూటింగ్‌ లో ఈ ఉక్రెయిన్ సైనికుడు ప్రపంచ రికార్డును నెలకొల్పినట్లు స్థానిక మీడియాకు తెలిపింది.

ఈ సందర్భంగా గత రికార్డులను గుర్తుచేసిన ఉక్రెయిన్ మీడియా... 2009లో ఓ బ్రిటిష్‌ స్నైపర్‌.. అఫ్గానిస్థాన్‌ లోని తాలిబన్‌ ఫైటర్‌ ను 2.5 కిలో మీటర్ల దూరం నుంచి చంపేశాడు. ఆ తర్వాత 2017లో కెనడియన్‌ స్పెషల్‌ ఫోర్సెస్‌ కు చెందిన ఓ స్నైపర్‌.. ఇరాక్‌ లో సుమారు 3.54 కిలోమీటర్ల దూరంలో ఉన్న శత్రువును షూట్ చేసి చంపాడు. ఈ క్రమంలో ఆ రికార్డులను ఉక్రెయిన్‌ స్నైపర్‌ అధిగమించినట్లు స్థానిక మీడియా కథనాలు పేర్కొన్నాయి.

కాగా గతేడాది ఫిబ్రవరిలో సైనిక చర్య పేరుతో ఉక్రెయిన్‌ పై రష్యా దండయాత్రకు దిగిన సంగతి తెలిసిందే. నాటి నుంచి రెండు దేశాల మధ్య పోరు అవిరాంఅంగా కొనసాగుతూనే ఉంది. ఈ యుద్ధంలో ఇప్పటివరకు ఇరువైపులా వేలాది మంది సైనికులు ప్రాణాలు కోల్పోగా.. లక్షల మంది ప్రజలు నిరాశ్రయులయ్యారు. ఇంకా ఈ యుద్ధం ఎంతకాలం సాగుతుందనేది ప్రపంచ పటంపై అతిపెద్ద ప్రశ్నగా ఉంది!