ఖాకీలను కలవరపెట్టిన పక్షి

రామచిలుక, కోకిల, నెమలి, కాకి వంటి పక్షుల అరుపులు మనకు తరచుగా వింటుంటాం. కానీ యూకేలోని థేమ్స్ వ్యాలీ పోలీస్ స్టేషన్ పక్కన ఒక పక్షి చేస్తున్న అరుపులు పోలీసులను తికమక పెడుతుండగా సాధారణ పౌరులకు దడపుట్టిస్తుంది.

ఇంతకూ ఆ పక్షి ఏం చేస్తుందని ఆలోచిస్తున్నారా ? అచ్చం పోలీస్ సైరన్ మాదిరిగా అరుస్తుందట. దీంతో ఆ సౌండ్ వినగానే స్టార్ట్ చేయకుండానే ఈ సౌండ్ ఏంటని పోలీసులు తమ వాహనాల వద్దకు పరుగులు పెడితే .. రోడ్డు మీద వెళ్తున్న జనాలు పోలీసులు వస్తున్నారని అలర్ట్ అవుతున్నారట.

పక్షి జాతుల్లో కొన్ని మాత్రమే మనుషుల్లా మిమిక్రీ చేయగలవట. ఈ అరుదయిన పక్షి శబ్దాలతో ముందు కంగారుపడిన పోలీసులు, జనాలు తర్వాత పోలీస్ స్టేషన్ పక్కన చెట్టు మీద ఈ పక్షిని గుర్తించారట. దీనిని స్టార్లింగ్ అనే పక్షిగా అని చెబుతున్నారు.