తెలంగాణలో బీఎస్పీ దూకుడు... అభ్యర్థుల మూడో జాబితా విడుదల!

తెలంగాణ అసెంబ్లీ ఎన్నికల కోసం బహుజన్ సమాజ్ పార్టీ (బీఎస్పీ) మూడో జాబితా తాజాగా విడుదలైంది. ఇందులో భాగంగా... 25 మంది అభ్యర్థులను ఆ పార్టీ రాష్ట్ర చీఫ్ ఆర్.ఎస్ ప్రవీణ్ కుమార్ ప్రకటించారు. శనివారం హైదరాబాద్ లోని ఆ పార్టీ రాష్ట్ర కార్యాలయంలో ఏర్పాటు చేసిన మీడియా సమావేశంలో ఆ 25మంది అభ్యర్థుల పేర్లను వెల్లడించారు.

ఇంతకు ముందు మొదటి జాబితాలో 20 మంది అభ్యర్థుల పేర్లను బీఎస్పీ ప్రకటించిన సంగతి తెలిసిందే. అదే విధంగా... రెండవ జాబితాలో 43 మంది అభ్యర్థుల్ని ప్రకటించింది. ఈ క్రమంలో తాజాగా విడుదల చేసిన ఈ మూడోజాబితాలో 25 మందిని ప్రకటించింది. దీంతో బీఎస్పీ మొత్తం 88 మంది అభ్యర్థులను ప్రకటించినట్లయ్యింది. ఇక మరో 31 స్థానాలకు అభ్యర్థులను ప్రకటించాల్సి ఉంది.

కాగా... గతనెల మూడో వారంలో 10 పథకాలతో బీఎస్పీ మేనిఫెస్టో విడుదలలైన సంగతి తెలిసిందే. సుందరయ్య విజ్ఞాన కేంద్రంలో పవర్ పాయింట్ ప్రెసెంటేషన్ ద్వారా ప్రవీణ్ కుమార్ ఈ మేనిఫెస్టోను విడుదల చేశారు. యువతకు అయిదు ఏళ్లలో 10 లక్షల ఉద్యోగాలు, రైతులకు ఉచిత వాషింగ్ మిషన్, స్మార్ట్ ఫోన్, ప్రతి కుటుంభానికి 15 లక్షల ఆరోగ్య భీమా ప్యాకేజ్, ఇళ్లు లేని వారికి 550 గజాల ఇంటి స్థలం ఇళ్లు కట్టుకునే వారికి 6 లక్షల సహాయం మొదలైన పథకాలు ప్రవేశ పెట్టారు!

ఇందులో భాగంగా... కన్సీ యువ సర్కార్., బహుజన రైతు ధీమా., పూలే విద్యా దీవెన., బ్లూ జాబ్ కార్డు., దొడ్డి కొమరాయ్య భూమి హక్కు., నూరేళ్లు ఆరోగ్య ధీమా., చాకలి ఐలమ్మ మహిళా జ్యోతి., వలస కార్మికులు సంక్షేమ నిధి., భీం రక్షణ కేంద్రం., షేక్ బందగీ గృహ భరోసా వంటి పథకాలు ప్రవేశపెట్టారు.

మూడో విడతలో వెల్లడించిన అభ్యర్థులు వీరే:

నిజామాబాద్ (రూరల్)- మటమాల శేఖర్

చెన్నూర్ (ఎస్సీ)- డా. దాసారపు శ్రీనివాస్

అదిలాబాద్ – ఉయక ఇందిర

మహేశ్వరం – కొత్త మనోహర్ రెడ్డి

ఆర్మూర్ – గండికోట రాజన్న

బాల్కొండ – పల్లికొండ నర్సయ్య

కరీంనగర్ – నల్లాల శ్రీనివాస్

నర్సాపూర్ – కుతాడి నర్సింహులు

హుస్నాబాద్ – పెద్దోళ్ల శ్రీనివాస్ యాదవ్

మేడ్చల్ – మల్లేపోగు విజయరాజు

సంగారెడ్డి – పల్పనూరి శేఖర్

ఎల్బీ నగర్ – గువ్వ సాయి రామ కృష్ణ ముదిరాజ్

రాజేంద్రనగర్ – రాచమల్లు జయసింహ (రివైజ్డ్)

కుత్బుల్లాపూర్ – మహ్మద్ లమ్రా అహ్మద్

అంబర్ పేట్ – ప్రో. అన్వర్ ఖాన్ (రివైజ్డ్)

గోషా మహల్ – మహ్మద్ కైరుద్దీన్ అహ్మద్

కార్వాన్ – ఆలేపు అంజయ్య

నారాయణ్ పేట్ – బొడిగెల శ్రీనివాస్

అలంపూర్ (ఎస్సీ) – మాకుల చెన్న కేశవరావు

జడ్చర్ల – శివ వుల్కుందఖర్

భూపాలపల్లి – గజ్జి జితేందర్ యాదవ్

పరకాల – అముధాలపల్లి నరేష్ గౌడ్

ఖమ్మం – అయితగాని శ్రీనివాస్ గౌడ్

సత్తుపల్లి (ఎస్సీ) – సీలం వెంకటేశ్వర రావు

నారాయణ్ ఖేడ్ – మహ్మద్ అలాఉద్దీన్ పటేల్