జూనియర్ ఎన్టీఆర్ కి మచ్చ ఉంది... సీఎం కన్ ఫాం.!

స్కిల్ డెవలప్ మెంట్ స్కాం కేసులో చంద్రబాబు అరెస్టైనప్పటినుంచీ ఏపీ రాజకీయాల్లో కీలక పరిణామాలు చోటు చేసుకుంటున్న సంగతి తెలిసిందే. మరి ముఖ్యంగా చంద్రబాబు జైల్లో ఉండటం, ఎప్పుడు బయటకు వస్తారనే విషయం క్లారిటీ లేకపోవడంతో టీడీపీ పరిస్థితి ఏమిటి అనేది ఇప్పుడు చర్చనీయాంశం అయ్యింది! బాలకృష్ణ, లోకేష్, బ్రాహ్మణిల పేర్లు వినిపిస్తున్నా... బాబుకు వాళ్లు ప్రత్యామ్నాయం కాదనేవారూ లేకపోలేదు.

ఈ నేపథ్యంలో పలువురు టీడీపీ నేతలు, కార్యకర్తలు ఆఫ్ ద రికార్డ్ ఇవే విషయాలపై చర్చించుకుంటున్నారని అంటున్నారు. ఇదే సమయంలో ఈ పరిస్థితుల్లో జూనియర్ ఎన్టీఆర్ తప్ప మరొకరు పార్టీని కాపాడలేరని, పూర్వ వైభవం తేలేకపోతున్నారని కూడా చర్చించుకుంటున్నారని అంటున్నారు. ఈ సమయంలో మాజీ సినీ నిర్మాత, వైసీపీ ఎమ్మెల్యే చెంగల వెంకట్రావు సంచలన వ్యాఖ్యలు చేశారు.

అవును... బాలయ్యతో "సమరసింహారెడ్డి", జూనియర్ ఎన్టీఆర్‌ తో "నరసింహుడు" వంటి సినిమాలు నిర్మించిన చెంగల వెంకట్రావు.. తాజాగా “టీడీపీ – జూనియర్ ఎన్టీఆర్” పై కీలక వ్యాఖ్యలు చేశారు. ఇందులో భాగంగా... "నీ కుమారుడు లోకేష్ కోసం.. ఏ ఎన్టీఆర్ ని అయితే దూరం పెట్టారో.. ఎప్పటికైనా ఆయనే వస్తాడని, అందుకు సిద్ధంగా ఉండాలని" చెబుతున్నారు చెంగల వెంకట్రావ్.

ఇదే సమయంలో "నేను బాలయ్యతో మాట్లాడాను.. నందమూరి అభిమానులుగా అడిగాను. ఫ్లైట్ లో పక్కపక్కన కూర్చుంటే... నందమూరి ఇంటివారుగా మీరు ముఖ్యమంత్రి అవ్వాలని నా కోరిక" అని అడిగారంట చెంగల వెంకట్రావ్. అయితే ఈయన అప్పటికే ఎమ్మెల్యే కాదట! అయితే ఈ కోరికకు సమాధానంగా బాలయ్య ఇచ్చిన రియాక్షన్ ను వెంకట్రావు చేస్తూ చెప్పి చూపించారు.

అనంతరం ఆలోచించిన బాలకృష్ణ... "వచ్చేస్తాను వెంకట్రావు" అని అంటారేమో అని అనుకుంటే... "అది మన మెంటాలిటీకి సూటవ్వదు లెండి" అని అన్నారని తెలిపారు. తర్వాత ఒకసారి తన ఆఫీసుకు వచ్చిన సందర్భంగా జూనియర్ ఎన్టీఆర్ ని కూడా ఇదే విషయమై ప్రస్థావించినట్లు తెలిపారు వెంకట్రావు. దీనికి జూనియర్ ఇచ్చిన రియాక్షన్ ని వెంకట్రావు తెలిపారు.

"నా వీపు మీద మచ్చ చూడు.. నా చేతిలో జాతకం చూడు.. నాకు సీఎం యోగం ఉంది" అని అన్నారని తెలిపిన చెంగల వెంకట్రావు.. ఎప్పటికైనా జూనియరే నిలబడతారని అన్నారు. దీనికి సంబంధించిన వీడియో ఇప్పుడు వైరల్ అవుతుంది.