ఆ క‌మెడియ‌న్ జ‌న‌సేన లో చేరుతున్నాడా?
ఈ నేప‌థ్యంలో తాజాగా ఓ స్టార్ క‌మెడియ‌న్ పార్టీలో చేరుతున్న‌ట్లు గుస గుస వినిపిస్తోంది.
By: Tupaki Desk | 27 July 2023 3:30 AM GMT
2024 ఎన్నిక‌ల్లో జ‌న‌సేన పోత్తుతో ముందుకెళ్తుందా? పొత్తులేకుండా సొంత ఎజెండాతో బ‌రిలోకి దిగుతుం దా? అన్న‌ది తేలాలంటే ఇంకా స‌మ‌యం ప‌డుతుంది. ఓవైపు ఆ పార్టీ అధ్య‌క్షుడు ప‌వ‌న్ క‌ళ్యాణ్ వారాహి యాత్ర‌లో భాగంగా పూర్తిగా ప్ర‌జ‌ల మ‌ధ్య‌లోనే తిరుగుతున్నారు. ఎన్నిక‌ల స‌మ‌యం కూడా ద‌గ్గ‌ర‌ప‌డ‌టంతో వీలైనంత వ‌ర‌కూ జ‌నాల కు ద‌గ్గ‌ర‌గానే ఉండాల‌ని ప‌వ‌న్ ప్ర‌ణాళిక క‌నిపిస్తోంది. ఇక ఆయ‌న ఏ స‌మావేశం ఏర్పాటు చేసిన ప్రేక్ష‌కాభిమానులు భారీ ఎత్తున త‌ర‌లి వ‌స్తున్నారు.
సీఎం సీఎం అంటూ స‌భ మార్మోగిపో తుంది. ఇంత‌వ‌ర‌కూ బాగానే ఉంది. ఇక ఆయ‌న పార్టీలో చేర‌డానికి టాలీవుడ్ నుంచి కొంత మంది క‌మెడియ‌న్లు సిద్దంగా ఉన్న‌ట్లు గ‌తం లోనే వార్త‌లొచ్చాయి. హైప‌ర్ ఆది జ‌న‌సేన వేదిక ఎక్కి ఏకంగా ప్ర‌భుత్వం పై త‌న‌దైన శైలి లో పంచ్ లు వేసాడు. ఛాన్స్ ఇస్తే ఇదే మార్గంలోకి పార్టీలోకి వ‌చ్చి విమ‌ర్శ‌నాస్త్రాలు సంధించ‌డానికి మేము కూడా సిద్దంగా ఉన్నామ‌ని ప‌వ‌న్ తో సంప్ర‌దిం పులు జ‌రుపుతున్నారు. అయితే వీళ్లంతా ఇప్పుడిప్పుడే ప‌రిశ్ర‌మ‌లో ఎదుగుతోన్న క‌మెడియ‌న్లు.
పార్టీలోకి ఎవ‌రొచ్చిన ప‌వ‌న్ సాద‌రంగా స్వాగ‌తం ప‌లికి ఆహ్వానిస్తున్నారు. ఈ నేప‌థ్యంలో తాజాగా ఓ స్టార్ క‌మెడియ‌న్ పార్టీలో చేరుతున్న‌ట్లు గుస గుస వినిపిస్తోంది. ఇటీవ‌లే ఆయ‌న ప‌వ‌న్ క‌ళ్యాణ్ తో వ్య‌క్తిగ‌త స‌మావేశం అయిన‌ట్లు లీకులందాయి. స‌మావేశం లో పార్టీ ఎజెండా ఎంటి? ఎన్నిక‌ల్లోకి ఎలాంటి మేనిఫెస్టోతో వెళ్తున్నారు? ప్రాంతాల వారిగా ఎక్క‌డెక్క‌డ పార్టీకి ప‌ట్టు ఉంది? వంటి అంశాల పై ప్ర‌ధానంగా చ‌ర్చ జ‌రిగిందిట.
ఈ స‌మావేశంలో మెగా బ్ర‌ద‌ర్ నాగ‌బాబు కూడా ఉన్నారుట. ఆ న‌టుడు ఇండ‌స్ట్రీలో సీనియ‌ర్ మోస్ట్ క‌మెడియ‌న్. నాలుగైదు-ద‌శాబ్ధాలుగా ప‌రిశ్ర‌మ‌లో కొన‌సాగుతున్నారు. మెగా కుటుంబానికి అత్యంత స‌న్నిహితంగానూ ఉంటారు. ఈ కార‌ణాల‌న్ని ఆ న‌టుడ్ని పార్టీ వైపు ఆక‌ర్షిస్తున్న‌ట్లు తెలుస్తోంది.
ఈ మధ్య కాలం లో ఆయ‌న‌కు సినిమా అవకాశాలు కూడా త‌గ్గాయి. న‌ట‌న పై కూడా మునుప‌టంత ఆస‌క్తి చూపించ‌డం లేదు. ఛాన్సులు వ‌స్తే చేయ‌డం లేక‌పోతే ఇత‌ర వ్యాపకాల్లోనే బిజీ అవుతున్నారు. ఈ నేప‌థ్యంలో ఆ క‌మెడియ‌న్ రాజ‌కీయంగా కూడా అదృష్టాన్ని ప‌రీక్షించుకునే ఓ ప్ర‌య‌త్నం చేస్తుండొచ్చు.
