వైరల్ పోస్టు: ఎందుకు ఓడామన్న వైసీపీ నేతలకు ఇదే సూటి ఆన్సర్ అట!

హోరాహోరీ సాగిన ఏపీ అసెంబ్లీ ఎన్నికల ఫలితాలు తెలుగువాళ్లను మాత్రమే కాదు యావత్ దేశం సైతం ఉలిక్కిపడేలా చేశాయి. ఏ ముహుర్తంలో వైసీపీ అధినేత జగన్మోహన్ రెడ్డి అన్నారో కానీ.. జూన్ 4న యావత్ దేశం మొత్తంఆంధ్రప్రదేశ్ వైపు చూస్తుందని.. అలాంటి ఫలితాల్ని తాము సొంతం చేసుకుంటామని చెప్పారు. అయితే.. ఆయన పాజిటివ్ టోన్ లో చెబితే.. ఏపీ ఓటర్లు మాత్రం నెగిటివ్ ఓటేసి.. తెలుగుదేశం కూటమికి సంచలన విజయాన్ని కట్టబెట్టారు.కలలో కూడా ఊహించని ఈ విజయం అందరిని ఆవాక్కు చేసింది.

అసెంబ్లీ ఎన్నికల ఫలితాలు వెల్లడైన రోజునే వైఎస్ జగన్మోహన్ రెడ్డి ఒక వీడియోను విడుదల చేశారు. ఈ సందర్భంగా తమ ప్రభుత్వం సంక్షేమ పథకాల్ని భారీ ఎత్తున చేపట్టిందని..అయినప్పటికీ ఓటర్లు ఇచ్చిన తీర్పుపై ఆయన తన ఆవేదనను దాచుకోలేకపోయారు. ఎందుకు ఓడామో అర్థం కావట్లేదన్నారు.అవ్వతాతలు.. అన్నదమ్ములు.. అక్కచెల్లెళ్ల ప్రేమాభిమానాలు ఎక్కడకు పోయాయి? అంటూ ప్రశ్నించిన ఆయన మాటలపై ఇప్పటికే పెద్ద చర్చ జరుగుతోంది.

వైఎస్ జగన్ వ్యాఖ్యలపై పలువురు స్పందిస్తున్నారు. అయితే.. కొందరి సోషల్ మీడియా.. వాట్సాప్ పోస్టులు ఆసక్తికరంగా మారాయి. అలాంటి వైరల్ పోస్టుల్లో ఒకటి మీ ముందుకు తీసుకొస్తున్నాం. జగన్ సర్కారు వైఫల్యాల్ని.. గడిచిన ఐదేళ్లలో ఎన్ని ఘటనలు జరిగాయో గుర్తుకు వస్తుందా? అన్న రీతిలో ఉన్న ఈ పోస్టు ఇప్పుడు పెద్ద ఎత్తున షేర్ అవుతోంది. వాట్సాప్ నుంచి సేకరించిన ఈ పోస్టును ఎలాంటి మార్పులు చేయకుండా యథాతధంగా ఇస్తున్నాం.

ఎందుకు ఓడామో అంటున్నారు..

రామతీర్థం లో తెగిన రాముడు తలను అడుగు ఎందుకు ఓడామో

అంతర్వేదిలో కాలిపోయిన రథంను అడుగు ఎందుకు ఓడామో

కనకదుర్గమ్మ గుడిలో పోయినా నగలను అడుగు ఎందుకు ఓడామో

చనిపోయిన నర్సీపట్నం డాక్టర్ ఫ్యామిలీ నీ అడుగు ఎందుకు ఓడామో

మధ్యం రేట్లు మీద ప్రశ్నించి చనిపోయిన ఓం ప్రకాష్ ను అడుగు ఎందుకు ఓడామో

చనిపోయిన తోట చంద్రయ్య ను,అబ్దుల్ సలాం ను ,మిస్బని ,పాములు మునయ్య నీ అడుగు ఎందుకు ఓడామో

ఇసుక దందా గురుంచి ప్రశ్నిస్తే శిరోముండనం చేసిన ప్రసాద్ నీ అడుగు ఎందుకు ఓడామో

మా అక్కని ఎందుకు ఏడిపించారు అని అడిగినందుకు పెట్రోల్ పోసి తగల పెట్టిన అమర్నాథ్ గౌడ్ నీ అడుగు ఎందుకు ఓడామో

అమరావతి లో ఆడవాళ్ళని,ఉద్యమం కోసం చనిపోయిన వృద్దుల కుటుంబాలని అడుగు ఎందుకు ఓడామో

మాస్క్ పెట్టుకోలేదని లాకప్ డెత్ అయినా కిరణ్ ఫ్యామిలీ నీ అడుగు ఎందుకు ఓడామో

బీళ్ళు తెరిచిన పొలాలను అడుగు ఎందుకు ఓడామో

పూర్తి కానీ ప్రాజెక్టులు నీ అడుగు ఎందుకు ఓడామో

నెల జీతం కోసం ఎదురు చేసే ఉద్యోగస్తులను అడుగు ఎందుకు ఓడామో

కల్తీ మద్యం తాగి కుటుంబ పెద్దని కోల్పోయిన కుటుంబాలని అడుగు ఎందుకు ఓడామో

నిరుద్యోగ యువత పడ్డ మానసిక వేదనని అడుగు ఎందుకు ఓడామో

గతుకుల రోడ్డులో ప్రాణాలు కోల్పోయిన కుటుంబాలని అడుగు ఎందుకు ఓడామో?