11 మంది పిల్లల కోసం మస్క్ కొత్త భవనం... ఖర్చెంతో తెలుసా?

ప్రపంచ కుబేరుడు, స్పేస్ ఎక్స్ అధినేత ఎలాన్ మస్క్ గురించి.. నిన్న మొన్నటివరకూ కార్లు, స్పేస్ ప్రయోగాలు, సొషల్ మీడియా ఫ్లాట్ ఫామ్స్, అతని సంపద, వార్షిక వేతనం, షేర్ల విలువలు వంటి విషయాలు ఎక్కువగా చర్చలు జరుగుతుండేవి. అటు మీడియాలో అయినా, ఇటు సోషల్ మీడియాలో అయినా ఇవే ట్రెండింగ్ లో ఉండేవి.

అయితే.. గత కొన్ని రోజులుగా అమెరికా అధ్యక్ష ఎన్నికల ప్రచార కార్యక్రమాల్లోను బలంగా వినిపిస్తోంది. రిపబ్లికన్ అభ్యర్థి ట్రంప్ కోసం మస్క్ పడుతున్న తపన ఆసక్తిగా మారుతోంది. ఈ సమయంలో తన 11 మంది పిల్లలను ఒకే సూరి కిందకు చేర్చాలనే ఎలాన్ మస్క్ ప్రయత్నం ఇప్పుడు హాట్ టాపిక్ గా మారింది.

అవును... తాను ఏమి చేసినా ప్రపంచ వ్యాప్తంగా చర్చనీయాంశం అవ్వాలని అనుకుంటారో.. లేక, ఆయన చేశారు కాబట్టి ఏ విషయం అయినా వైరల్ గా మారుతుందో తెలియదు కానీ... తాజాగా ఆయన తన 11 మంది పిల్లల కోసం ఓ కొత్త భవనం కొనుగోలు చేశారనే విషయం ఇప్పుడు ట్రెండింగ్ అవుతోంది.

ఈ భవనం 14,400 చదరపు అడుగుల విస్తీర్ణంలో ఉందని.. దీని కోసం మస్క్ సుమారు రూ.300 కోట్లు వెచ్చించారని.. అమెరికాలోని టెక్సాస్ రాజధాని ఆస్టిన్ లో ఈ విలాస భవనం ఉందని.. అమెరికా మీడియా వెల్లడించింది. ఇందులో ఆరు బెడ్ రూమ్ లు ఉన్నాయని తెలిపింది. 11 మందినీ ఒక చోటకు చేర్చాలనేది మస్క్ ప్రయత్నం అని రాసుకొచ్చింది!

వాస్తవానికి ఎలాన్ మస్క్ కు 12 మంది సంతానం. అయితే... మొదటి భార్య జస్టిన్ కు జన్మించిన తొలిబిడ్డ ఆనారోగ్య కారణాలతో 10 వారాలకే మృతి చెందింది. ఆ తర్వాత ఆ జంట ఐవీఎఫ్ పద్దతి ద్వారా ఐదుగురు పిల్లలకు జన్మనిచ్చింది. అనంతరం 2008లో వారిద్దరూ విడిపోయారు.

తర్వాత బ్రిటన్ నటి తాలులాహ్ రిలేను వివాహం చేసుకున్నారు ఎలాన్ మస్క్. అయితే.. ఈ దంపతులకు సంతానం లేదు. అనంతరం.. కెనడియన్ గాయని గ్రిమ్స్ తోనూ సంబంధం నడిపారు! అయితే వారికి ముగ్గురు సంతానం కలిగారు. తన ప్రతిష్టాత్మక సంస్థ బ్రెయిన్ టెక్నాలజీ స్టార్టప్ న్యూరాలింక్ లో ని ఓ ఎగ్జిక్యూటివ్ తో మరో ముగ్గురు పిల్లలకు జన్మనిచ్చారు.