టెస్లా కార్లు, షోరూమ్స్ తగలబెట్టిన డెమోక్రాట్స్!

ప్రపంచ కుబేరుడు, టెస్లా సీఈవో ఎలాన్ మస్క్‌కు ఊహించని షాక్ తగిలింది. గత వీకెండ్ అమెరికా వ్యాప్తంగా టెస్లా షోరూమ్లు, డీలర్ షిప్‌లపై తీవ్ర విధ్వంసం జరిగింది. అనేక నగరాల్లో ఆందోళనకారులు టెస్లా కార్లను తగలబెట్టడమే కాకుండా షాపులను ధ్వంసం చేశారు.

- దాడుల వెనుక డెమోక్రాట్ల హస్తం?

ఈ విధ్వంసం వెనుక డెమోక్రాట్స్ మద్దతుతో నడిచే NGOల హస్తం ఉన్నట్లు సమాచారం. ఎలాన్ మస్క్ ఇటీవల ట్రంప్ పాలనలో తన ప్రమేయం పెంచుతున్నారని, DOGE కరెన్సీపై తీసుకుంటున్న నిర్ణయాలు కొందరికి ఇబ్బందిగా మారాయని విశ్లేషకులు అభిప్రాయపడుతున్నారు. ఈ ఘటనలపై మాజీ అధ్యక్షుడు డొనాల్డ్ ట్రంప్ కూడా స్పందించారు.

- ట్రంప్ మండిపాటు

ఈ దాడులను తీవ్రంగా ఖండించిన ట్రంప్.. దీనిని డెమోక్రాట్ల కుట్రగా పేర్కొన్నారు. "వీళ్లు మానవ హక్కుల గురించి మాట్లాడతారు కానీ, బిజినెస్‌లను ధ్వంసం చేస్తారు. ఇది అమెరికా ప్రజల పట్ల తీవ్ర అన్యాయం" అంటూ తీవ్రంగా విరుచుకుపడ్డారు.

- మస్క్ స్పందన

టెస్లా సంస్థపై జరుగుతున్న దాడులపై ఎలాన్ మస్క్ స్పందించారు.. ‘దిస్ ఈజ్ క్రేజీ’ అంటూ కామెంట్ చేశారు. మస్క్ ప్రభుత్వంలో కీలక పాత్ర పోషిస్తుండడంతో ఈ విషయంలో ట్రంప్ ప్రభుత్వం కూడా సీరియస్ గా చర్యలు చేపట్టడానికి రెడీ అయినట్లు తెలుస్తోంది.

-FBI దర్యాప్తు ప్రారంభం

ఈ ఘటనలపై అమెరికా ప్రభుత్వం కూడా అప్రమత్తమైంది. FBI ఇప్పటికే దర్యాప్తు ప్రారంభించింది. టెస్లా వ్యాపార కార్యకలాపాలకు ఇలాంటి దాడులు ఇబ్బందిగా మారతాయా? మస్క్ తుది నిర్ణయం ఏమిటి? అన్న దానిపై ఆసక్తికరమైన చర్చ జరుగుతోంది.

ఇక డెమోక్రాట్స్, లెఫ్టిస్టులను నిందిస్తూ ట్రంప్ ఈ దాడులను ఖండించారు.