ఐటీ ఉద్యోగినిపై చిట్టి చిత్రాల దర్శకుడు రే.ప్!

హైదరాబాద్ మహానగరంలో అత్యాచార ఉదంతాలు అంతకంతకూ ఎక్కువ అవుతున్నాయి. ఏదో ఒక పేరు చెప్పి.. అత్యాచారాలకు పాల్పడుతున్న ఉదంతాలు వరుస పెట్టిచోటు చేసుకుంటున్నాయి. తాజాగా అలాంటి ఉదంతం మరొకటి బయటకు వచ్చింది. షార్ట్ ఫిలిం దర్శకుడిగా చెబుతున్న ఒకరు.. ఐటీ కంపెనీలో పని చేసే అమ్మాయికి సినిమాల్లో ఛాన్సు పేరుతో రే*ప్ చేసిన షాకింగ్ ఉదంతం బయటకు వచ్చింది.

విక్టిమ్ పుప్పాలగూడలోని ఒక కంపెనీలో సాఫ్ట్ వేర్ ఇంజినీర్ గా పని చేస్తోంది. ఆమె స్నేహితురాలి ద్వారా పరిచయం అయిన సిద్ధార్థ్ చిట్టి చిత్రాలకు దర్శకత్వం వహిస్తూ ఉంటారు. ఆ తర్వాత వారిద్దరి మధ్య స్నేహం పెరిగింది. సినిమాల్లో ఛాన్స్ ఇప్పిస్తానంటూ మాయ మాటలు చేప్పేవాడు.

ఈ క్రమంలో బుధవారం రాత్రి డిన్నర్ కు రావాలని కోరాడు. అతని మాటలు నమ్మిన ఆమె.. డిన్నర్ కు వెళ్లింది. అక్కడ కూల్ డ్రింక్ లో మత్తు మందు కలిపి తాగించాడు. ఆ తర్వాత పలుమార్లు ఆమెపై అత్యాచారానికి పాల్పడినట్లుగా బాధిత యువతి గచ్చిబౌలి పోలీసులకు ఫిర్యాదు చేసింది. దీంతో స్పందించిన పోలీసులు సిద్ధార్థ వర్మను అరెస్టు చేసి విచారిస్తున్నారు.