ఇర్ఫాన్ పఠాన్ ఇంట్లో ఆఫ్ఘనిస్తాన్ టీం... ఏమిటీ సంగతి?

తాజాగా జరుగుతున్న వన్ డే వరల్డ్ కప్‌ 2023లో ఆఫ్ఘనిస్థాన్ జట్టు మంచి ప్రదర్శన కనబరుస్తుంది. ఆడిన 7 మ్యాచ్‌ ల్లో నాలుగింటిలో గెలిచి పాయింట్ల పట్టికలో ఆరోస్థానంలో నిలిచింది. ఈ వరల్డ్ కప్ లో ఊహించని రీతిలో డిఫెండింగ్ ఛాంపియన్స్ ని, పాకిస్థాన్ జట్టుని ఓడించి షాకిచ్చింది ఆఫ్గాన్ టీం. ప్రస్తుతం ఆసిస్ తో జరుగుతున్న మ్యాచ్ లో 291 పరులు సాధించింది. వాంఖడేలో ఇది పెద్ద టోటలే! ఈ మ్యాచ్ లో గెలిస్తే సెమీస్ బెర్త్ పై క్లారిటీ వచ్చే అవకాశాలు ఉన్నాయి! ఆ సంగతి అలా ఉంటే... తాజాగా ఆఫ్గన్ ప్లేయర్ లు ఇర్ఫాన్ పఠాన్ ఇంట్లో ప్రత్యక్షమయ్యారు!

అవును... టీమిండియా మాజీ క్రికెటర్ ఇర్ఫాన్ పఠాన్ తన ఇంట్లో ఆఫ్ఘనిస్థాన్ ఆటగాళ్ల కోసం ఓ పార్టీ ఏర్పాటు చేశాడు. ఈ పార్టీలో హర్భజన్ సింగ్, అద్నాన్ సమీ, ప్రముఖ నటుడు సునీల్ శెట్టి వంటి ప్రముఖులు పాల్గొన్నారు. దీనికి సంబంధించిన ఓ ఫోటోను అద్నాన్ సమీ తన ఎక్స్ ఖాతాలో షేర్ చేశారు. ఈ ఫోటో ఇర్ఫాన్ పఠాన్ ఇంటికి సంబంధించినదని.. అందులో ఆఫ్గన్ టీంతో ఒక అందమైన సాయంత్రం అని తెలిపాడు!

సునీల్ శెట్టి, అద్నాన్ సమీ, హర్భజన్ సింగ్, ఆఫ్ఘనిస్థాన్ క్రికెట్ ఆటగాళ్లు పాల్గొన్న ఈ పార్టీలో... ఎన్నో కథలు, ప్రేమలు, నవ్వులు, కబాబ్ లతో పాటు కాబూలీ పలావ్ కూడా ఉందంటూ వెల్లడించాడు. ఇలా అద్నాన్ షేర్ చేసిన ఈ ఫోటోను వందలాది మంది అభిమానులు లైక్ చేశారు. ఈ ఫోటో చూస్తుంటే భారత్ తో ఆఫ్గన్ చారిత్రక స్నేహం కలిగి ఉందని అనిపిస్తుందని కామెంట్ చేస్తున్నారు నెటిజన్.

ఇదే సమయంలో ఈ ఫోటోకి 556కే వ్యూస్ ఉండగా.. 10వేలకు పైగా లైక్స్ ఉన్నాయి. కాగా.. పాకిస్థాన్ పై ఈ వరల్డ్ కప్ మ్యాచ్ లో గెలిచిన అనంతరం ఆఫ్గన్ జట్టు మైదానంలో సంబరాల్లో మునిగిపోయినప్పుడు వారితో ఇర్ఫాన్ పఠాన్ కూడా జట్టుకట్టిన సంగతి తెలిసిందే. దానికి సంబంధించిన ఫోటోలు, వీడియోలు వైరల్ అవుతున్నాయి. దీంతో... శత్రువుకి శత్రువు మిత్రుడు అని కామెంట్లు చేస్తున్నారు కొందరు నెటిజన్లు!

ఇదే క్రమంలో... వరల్డ్ కప్ లో సౌతాఫ్రికా మీద పాకిస్తాన్ ఓడిపోయిన సందర్భంలో కూడా ఇర్ఫాన్ పఠాన్ తన ట్విట్టర్ లో ఫ్లైట్ దగ్గర ఉన్న పాకిస్తాన్ ప్లేయర్ల ఫోటోని షేర్ చేస్తూ చేస్తూ చేసిన కామెంట్ వైరల్ అయిన సంగతి తెలిసిందే. ఇందులో భాగంగా... "ఎయిర్ పోర్ట్ కి వెళ్లడానికి పాకిస్థాన్ టీం ఫస్ట్ క్వాలిఫై అయ్యింది" అని రాసి దానికి స్మైల్ సింబల్ ని యాడ్ చేశాడు. ఇది విపరీతంగా వైరల్ అయ్యింది.

ప్రస్తుతం ఆస్ట్రేలియాతో జరుగుతున్న మ్యాచ్ లో ఆఫ్గన్ బ్యాట్స్ మెన్ ఇబ్రహీం సెంచరీ చేసిన వీడియో బైట్ ను ట్విట్టర్ లో షేర్ చేశాడు ఇర్ఫాన్ పఠాన్. ఈ సందర్భంగా... బ్రిలియంట్ 100 అని ప్రశంసిస్తూ టీం కు శుభాకాంక్షలు తెలిపాడు. దీనికి సంబంధించిన పోస్ట్ లు, ఫోటోలు వైరల్ అవుతున్నాయి!