నెట్టింట ట్రంప్ మనవరాలి పేరు రీసౌండ్... వీడియో వైరల్!

అమెరికా అధ్యక్ష ఎన్నికల్లో రిపబ్లికన్ అభ్యర్థి డొనాల్డ్ ట్రంప్ విజయం సాధించినప్పటి నుంచీ ఆయన మనవరాలు కై ట్రంప్ పేరు బాగా వినిపిస్తోన్న సంగతి తెలిసిందే. వాస్తవానికి అధ్యక్ష ఎన్నికల ప్రచారం నాటి నుంచే బాగా వినిపిస్తోన్నా.. ఫలితాల అనంతరం రీ సౌండ్ వస్తోందని అంటున్నారు. ఈ సమయంలో తాజాగా తాతయ్య ప్రైవేట్ జెట్ లో ఆమె సందడి చేశారు.

అవును... అమెరికా అధ్యక్ష ఎన్నికల ప్రచారం నుంచి మొదలై.. ఫలితాల అనంతరం పీక్స్ కి చేరినట్లుగా వినిపిస్తోన్న పేర్లలో డొనాల్డ్ ట్రంప్ మనవరాలు కై ట్రంప్ పేరు ఒకటి. తాజాగా ఆమె మరోసారి వార్తల్లో నిలిచారు. ఈ సందర్భంగా... అమెరికాకు కాబోయే అధ్యక్షుడు ట్రంప్ ప్రైవేట్ జెట్ లోపల ఎలా ఉంటుందో నెటిజన్లకు పరిచయం చేశారు.

డొనాల్డ్ ట్రంప్ జూనియర్ కుమార్తె అయిన కై ట్రంప్... ఇటీవల తన తాతయ్యతో కలిసి స్పేస్ ఎక్స్ కు చెందిన ఓ భారీ స్టార్ షిప్ రాకెట్ ప్రయోగాన్ని వీక్షించడానికి టెక్సాస్ లోని బ్రౌన్ విల్లేకు వెళ్లారు. ఈ సమయంలోనే ఈ ప్రైవేట్ జెట్ లో ప్రయాణించారు. అనంతరం స్పేస్ ఎక్స్ రాకెట్ లాంచింగ్ ను వీక్షించారు.

దీనికి సంబంధించిన వీడియోను కై ట్రంప్ షేర్ చేశారు. ఈ వీడియోలో కై తన స్నేహితురాలితో కలిసి జెట్ లోపల సందడి చేశారు. అనంతరం ఎలాన్ మస్క్ తో కలిసి స్పేస్ ఎక్స్ లాంచింగ్ ను వీక్షించారు. దీనికి సంబంధించిన వీడియో ఇప్పుడు మిలియన్స్ వ్యూస్ తో నెట్టింట సందడి చేస్తుంది.