అయోధ్యలో చీపురు పట్టిన బాలీవుడ్ బ్యూటీ... యజ్ఞం పిక్స్ వైరల్!

జనవరి 22 (సోమవారం) అయోధ్యలో శ్రీరాముని ప్రాణప్రతిష్ట జరగనున్న సంగతి తెలిసిందే. ఈ వేడుక కోసం ప్రపంచ వ్యాప్తంగా శ్రీరాముని భక్తులు వేల కళ్లతో ఎదురుచూస్తున్నారు. ఈ కార్యక్రమానికి సంబంధించి ఆహ్వానితులకు పత్రికలు అందేశాయి. ఇప్పటికే చాలా మంది వీఐపీలు బయలుదేరేస్తున్నారని తెలుస్తుంది! ఆ వీఐపీలలో బాలీవుడ్ నటి కంగనా రనౌత్ కూడా ఒకరు! ఇప్పటికే అయోధ్యకు చేరిన కంగనా... చీపురు పట్టింది.. అనంతరం యజ్ఞంలోనూ పాల్గొంది!

అవును... యావత్‌ దేశం కళ్లల్లో వత్తులు వేసుకుని ఎదురుచూస్తోన్న సమయం రానే వచ్చింది. మరికొన్ని గంటల్లో అయోధ్యలో శ్రీరాముని ప్రాణప్రతిష్ట జరగనుంది. ఈ సమయంలో తనకు ఆహ్వానం అందిన వెంటనే అయోధ్యలో వాలిపోయింది కంగనా రనౌత్. ఈ సందర్భంగా చీర కట్టుకుని, బంగారు నగలు ధరించి అయోధ్యలో హనుమంతుడి ఆలయాన్ని దర్శించుకుంది. దీనికి సంబంధించిన ఫోటోలు, వీడియోలను సోషల్ మీడియాలో షేర్ చేసింది.

ఈ సందర్భంగా చీపురుపట్టి గుడి ప్రాంగణంలో శుభ్రం చేసిన కంగనా... అనంతరం అక్కడ ఉండే ఆధ్యాత్మిక గురువు శ్రీ రామభద్రాచార్యను కలిసి ఆయన ఆశీస్సులు తీసుకుంది. ఈ విషయాలను సోషల్ మీడియాలో షేర్ చేసిన కంగనా... "రామా.. వచ్చేయ్‌.." అని క్యాప్షన్ పెట్టింది. అనంతరం... శ్రీరామభద్రాచార్యుల గురించి వెల్లడించింది.

ఇందులో భాగంగా... "ఈ రోజు నేను ఒక గొప్ప వ్యక్తి.. శ్రీ రామభద్రాచార్యులవారిని కలిసి ఆయన ఆశీర్వాదాలు తీసుకున్నాను. ఆయన ఆధ్వర్యంలో హనుమంతుడి యాగం చేశాను. అయోధ్యధామంలో రామునికి స్వాగతం పలుకుతున్నందుకు జనమంతా సంతోషంతో ఉప్పొంగిపోతున్నారు. వచ్చెయ్ రామా.. వచ్చెయ్" అని ట్విట్టర్ లో రాసుకొచ్చారు కంగనా రనౌత్!

ఇదే సమయంలో యాగానికి సంబంధించిన ఫోటోలు, చీపురు పట్టి శుభ్రం చ్సిన పనికి సంబంధించిన వీడియోలను ఇన్ స్టా లో షేర్ చేసిన కంగనా... "చాలా కాలం తర్వాత అయోధ్య రాజు తన స్వస్థలానికి రేపు తిరిగివస్తున్నాడు. వచ్చేయ్‌ రామా.. వచ్చేయ్‌" అని ఆ పోస్ట్‌ కు క్యాప్షన్‌ జోడించింది.